樓上單位高空擲物屢見不鮮，對於不少低層住戶來說可謂相當頭痕，通常做法是向物業管理處求助。其中在上水清河邨，有管理處發出通告，警告住戶切勿再高空擲物，內容意外引起網民討論。
網上流傳的通告可見，有關通告是清河邨物業服務辦事處發出，於上周四（7日）向某座樓宇30至40樓住戶所發。內容指，該處近日接獲投訴，反映高層單位有住戶屢次拋擲毛髮，並落入下層單位。
該處批評，該等行為對其他居民造成嚴重滋擾，同時破壞環境衛生，更有可能造成人命傷亡；又提到，根據屋邨管理扣分制，該等行為已屬違規，一經發現可被扣7分，造成任何傷亡可被即時終止租約，以及送官究治，呼籲住戶為己為人，切勿高空擲物。
通告在流傳後引起不少熱議，紛紛笑言「咩髮咁勁？可以搞出人命」、「唯一解釋到嘅人命傷亡，就係佢老婆以為個老公偷食」、「簡直『毛髮無天』」、「試以高空擲毛髮導致人命傷亡作文一篇」、「管理處睇得西遊記多」。
咩毛髮啊大佬！？
咁嘔心架啲人
有d人屋企係咪無垃圾桶？乜都可以丟落街
內文一路都係轉個物品名
清河，蝗蟲邨，不意外。
之前掉屎都有。
嘥氣，管理處、房屋署都唔會做嘢。
可能擔心該毛髮既主人會搞出人命傷亡。
房屋署有機會會做嘢 如果佢地知道邊一個單位。
因為我最近都被滋擾去投訴，要不停搵保安搵主任。
呻呻吓講到冷氣滴水，佢地知邊層冷氣機滴水 會出警告信 唔改善會扣分。
我曾經投訴過對面屋噪音，管理處有哂record、甚至報警，去到房署，房署嘅主任差唔多個個月都轉人，去到最後一次時仲要鬧返我轉頭，話我好成日搵佢覺得好煩。咁我就直接打去1823 同佢講哂成件事，前後搞咗3年房署先肯認真做嘢。但最後都唔會扣分，我已經搵埋區議員，佢哋都話其實扣分制度係如同虛設。
我住居屋，隔離成日放袋垃圾係我同佢門口中間，有尿片，果日有袋垃圾滲水嘅。好自私
噪音係難捉D,就算私樓都好難捉 
我小朋友BB時,我有時都會包好放係自己門口先,等爸爸放工掉,但我一定放正係自己門口!你試下同佢講叫佢放返自己門口啦
一定係佢，因為管理處同警察嚟睇哂
我意思係噪音好難告,我朋友住私樓又係報曬警搵埋區議員,仲拍埋片,條友開門果時無曬聲,最後都係不了了之
正想講，適用於所有通告
百搭
大家響度執著人命傷亡
其實呢d 問題，唔去到死人，房署、警察都唔會做嘢。
久唔久有d 新聞，話因為呢d 事搞到對方情緒有問題、積怨斬人，咪有一日咁多嘅社會關注囉。
d 公屋群組講滴水、噪音、垃圾⋯⋯係日經post。
我住果個私人屋苑一樣有人高空擲物，雖然只係紙巾同膠袋，但丟入人地露台真係好影響衛生。我見管理處搞咗好多個月、貼晒圖SHOW晒法例、響出入口派傳單都解決唔到。後尾有一日有班西裝友聚集咗響大堂，管理處原來報咗警去處理，跟住一路到依家過咗差唔多半年都冇晒高空擲物既通告，我諗係解決咗卦。
所以我唔信呢D事係解決唔到既，係相關部門做唔做嘢啫。
絕對係，不過住公屋嘅真係唔好期望房署會做嘢，班人仲惡過佢哋。
我覺得佢都可能係咁或者唔記得掉，但奇怪係管理處話佢屋企冇人，咁出街前都唔掉埋。
