就快去曼城，頭一個月會租airbnb
但點樣應付一日三餐？係唔係要到埗前叫定超市送貨？我怕食餐廳一餐都十幾鎊太貴
交通係唔係一到機場就買月票？用app買手機版車飛定係買實物好？
我估住屋去市中心都要步行一個鐘，又未有車牌，驚餓死渴死
定係由香港帶定架可摺合單車去？
你要隔離？叫定屋主幫手買定食物？一係去到online買超市送貨，有啲可以即日送
超市未必可以即日送㗎。你最好去之前3-5日check 下佢online website 既timeslot, 以Morrison 為例，佢係book timeslot先，我嗰區都要3日後晚上，你book咗timeslot 買野checkout一次先(£40 以上，delivery fee £3)直到delivery 前24小時都可以edit order.
Airbnb有oven 就響frozen 類掃啲ready to eat
應該唔使一定要市中心先有野食買嘅，上google map做定功課先
我個陣要隔離，bnb渡過
出去買 take away, 乜餐都好，太概 £6.xx一個飯/餐。fish n chips 貴少少。有 d 平 d burger 店 £4 左右一個餐。
每個區都有自己 high street 買嘢食。
我冇 call定 supermarket. 我頭兩日食香港帶去的公仔麵，去到先 call supermarket, 第二日送貨。
argos 買單車，car seat, TV. 如果一早訂，當日下午都可以送到貨
2個讚
頭幾日食香港帶去既出前一丁丶麵，乾糧，之後上網訂夠£40送貨, 今日訂最快第二日送。每一個地方附近一定有食肆，唔一定要去high street.
我哋冇車牌所以住市中心附近，開頭一丶兩個月主要靠行路冇乜點搭車，試過行45mins去睇屋。
頭一個星期都係住酒店，當旅行咁帶細路周圍玩。
之後就住 airbnb直到新屋起好，無咩參考價值。
假如我係一個人的話，係 airbnb租房。
但單人係超市買滿 40鎊送貨，應該屋主都唔會比你霸曬個雪櫃放野。
所以揀近市中心或超市住，每次行去買十零鎊野已夠食兩三日。
單車哩度有人踩，但好多路都無獨立單車線，我驚被車撞就唔敢了。未買車前都係行路巴士的士。
唔係日日出街的話，買月票唔抵的，直接用 app買日票實際些。
出街食飯其實都唔係好貴，靚裝修餐廳除外。
連鎖店或小店 6~8鎊個餐，市中心基本上都有 wet market，裡面有熟食檔 5鎊起有交易而且好味過連鎖店。
2個讚
只指自己區的high street，每個區都有自己 highstreet, 都係可步行範圍。
好多人係香港都以為 high street 是市中心先有。
其實是每區都有自己的 high street, 有嘢食和可買到基本所需
可能有 d 城市食肆好分散？否則是去區內的 high street 先有食肆。
住市中心我認為比較雜，特別女仔。住遠市中心少少的區，但近 high street, 火車站，巴士站就 ok.
1個讚
我住果度行15分鐘先到high street, 但附近都有幾間食肆，所以正常應該唔係high street先有野食
，d街都有d小店？
行15分鐘到high street 其實算快
喺外國行15分鐘同喺香港行係兩回事
喺香港又濕又笠又多人行得好辛苦
但外國天氣又涼又乾爽，而且少人無咁逼，行得舒服好多
一家三口， 當時不用隔離。頭一個月住BＮB。
帶左十包公仔面係行李度。
首先落機係機場便利度買定D面包,果汁之類。
去到第一二餐就煮一丁+面包。
我就之後第二朝搭巴士去市中心買餸。
巴士嗰D區區唔同, 要自己上網睇或者DOWNLOAD定個APP研究。
要睇你間BＮB方唔方便, 絕對會餓死啦,唔駛擔心。我特登揀間附近有巴士搭去市中心既bnb。
我無車牌, 因為要預自己周圍搭車睇屋, 所以就揀一間交通方便既bnb。
我都試過, 行一小時睇屋都試過，但行45mins其實行得好舒服, 因為條街都無乜人行,多數人楂車,街上都係放狗既人行多。
high street 15mins 內已算近同high street 範圍內，所以開始有食肆
天氣好就是
風大，雨大，冬時就好難行。
上星期大風又冬又雨，放工差 d 比風吹走左。空曠地方d 風迎面吹來，大到 8號風球咁
係，最怕天氣。
所以而家同本地人一樣，5分鐘步行距離都揸車。
都無咩行過路了。
試過 d 地方只行 30分鐘左右以為好易行，點知好危險好多馬路冇燈位過
不過如果天氣好同易行，我都會行
果次行去另一區非常唔好行，大馬路側邊好多車，條路又窄，老公仲老點我地行入去地盤到勁恐怖
我地呢區應該同其他區唔同，我今日同老公往high street反方向再行左半個鐘，都會有食肆，呢度有堆屋係樓下鋪頭樓上係住屋咁，似乎相對方便d。
一般D 人會喺出發前喺網上超市訂定食物同生活用品，選定送貨時間（我起得好似可以早7 定10 日前落定order），咁你到達時就一定有野食、有野用。
如果你屋企好遠High Street，都建議你可以出發前睇定map，search 定附近有咩超市、食肆、民生設備咁（通常屋企附近點都有細超市，唔駛擔心）咁樣起碼你可以步行都得到生活所需。
如果你冇車，咁當然都要search 下附近有冇巴士、輕鐵站咁。但如果真係冇，都可以call uber 出去嘅。
祝順利！
呢度都好多人踩單車，但真係冇乜單車徑，D 人都係踩馬路。不過呢度D 車一般都對單車好禮讓，唔會砵、會跟喺單車尾慢慢駛，直到好安全先會爬頭。只要你唔驚踩馬路，行李又有位，其實都值得帶單車來。呢度D 單車（尤其摺車比香港貴好多）