黎緊阿女會有N班面試，其實有d咩可以準備？
有冇人可以分享下經驗？ 
阿女係細b,岩岩先識行，仲係成舊飯咁，真係唔知in咩 
我個女都係細b，佢行都未行得穩，嚟緊都會見n班，完全唔知可以點見
首先父母心態要調整一下，細b好難同大b 爭，更加莫講超大b, k2之前既能力分別都幾大下，所以唔好比較，唔好話點解人地得我個小朋友就唔得，順其自然發展，就會做到。
所以揀學校，要考慮將來係讀直私小學，定係普通大抽獎，大抽獎就無所謂細b照入普通卷幼n都得，但想入直私變相想入名幼，細b就蝕底d, 可能要考慮做超大b.
至於面試，都係識下ABC 玩下積木識下顏色對音樂有反應，又例如你推車比佢佢識唔識推返比你咁。如果有呀哥家姐帶住細b都會學得快d.，無就自己多d同佢玩。比到反應人係最好。
2個讚
N班應該係同小朋友玩下玩具,認眼耳口鼻同俾野, 最好做到HI BYE, HI-FIVE, 呢啲都可以係屋企同佢練下玩下。
面試當日, 最好小朋友會坐定, 唔周圍走, 同埋睇家長點同佢小朋友互動玩果啲玩具。
我想佢之後入直私，老公就覺得細b n班冇書讀就之後直接做超大b或者直接報K1
我女好中意周圍行 
咁你要試下引佢去返枱面啲玩具度啦
疊下 blocks
將D有 lone既 blocks套返響枝柱度
N班主要其實睇吓父母同小朋友之間嘅 interaction. 例如小朋友玩玩具嗰陣大人會唔會主動同小朋友一齊玩, 小朋友同父母多唔多互動, 老師一般都會從旁觀察. 另外顏色/數字/abc呢啲其實上N / K1 都會教, 所以面試比較少問, 反而會睇吓小朋友識唔識聽指令, 例如"將個波放喺嗰張枱上面(老師指住隔離張枱, 考吓小朋友有冇望老師 + 跟住做), 或者"將個橙俾媽媽"呢啲, 平時都可以同小朋友喺屋企練習, 最重要係訓練小朋友喺你同佢講嘢時, 要佢望住你.
另外教埋簡單身體部位(眼耳口鼻手腳就夠), 面試通常都會有個洋娃娃問小朋友啲身體部位喺邊.
有時間都可以平時同小朋友玩吓配對 (例如一個大碗放2種顏色車車 (8-10架), 叫小朋友紅色車放紅色碗, 藍色車放藍色碗, 開頭示範一兩次通常好快識)
另外再 train 埋小朋友正確楂匙羮 (手指公係上面, 唔係楂拳頭咁楂), 因為有時都會考吓小朋友小手肌…
Ready 曬以上基本上面試一定 pass. 另外當然都睇埋小朋友嗰時情緒. 最緊要夠瞓, 面試時間唔好撞正要午睡. 早幾日前日日已經同小朋友講定會帶佢去學校同老師玩, 等佢有心理準備.
最最最重要係當小朋友面試表演唔好時, 俾老師睇到作為家長仲係好 supportive, 例如會同小朋友講"做唔到唔緊要, 媽咪知道你已經好努力, 媽咪好欣賞你有努力嘗試"再加個 hug, 咁都會俾到印象分俾老師睇.
Good luck!
5個讚
之前我仔報過名幼n班，樓上會員提過既識顏色玩block我全部都有同佢train 過，佢係屋企係做得好好。但到真係interview 個日就完全唔郁。個下咪話唔心灰意冷。
賽後檢討我覺得俾佢同多d 陌生人相處重要D。到呀女時我就同佢報左好多唔同既playgroup，呀女就有offer囉。
多謝大家嘅經驗分享同意見！ 咁我都要開始同阿女喺屋企重點咁玩下同出街見多d人