我覺得總有一方是傾慕對方的
喺咪我太保守呢?
我都覺得好難，多數有啲嘢
2個讚
我曾經有一個我可以乜都講比佢聽嘅異性朋友，但佢後來有個女朋友唔係咁諗……所以呢，唔單止要個男同女對對方無嘢，仲要佢地嘅另一半都明白果種手足情….唔容易的
8個讚
我中學識一個男仔，到大家大個咗都會約出嚟，我同我男朋友（現任老公）、佢班fd同個男仔會一齊約出嚟行山、食嘢
好多時我都係掛住同個男仔吹水，個男仔又會講嘢佢嘅感情問題，我男朋友又冇乜嘢
所以我覺得係有純友誼嘅，但真係唔多
我有
中學認識到而家，乜都同佢講，
我哋不算常見，一年三或四次左右
我最好嘅朋友係個男仔。
本來係同學，越玩越close, 讀書時幾乎日日講電話。話冇嘢就假，大家都enjoy曖昧關係，但大家都冇進一步行動。後來大家各自拍拖，開始少聯絡。有一次見返面，偶然機會下講起，原來當年我哋兩個人都諗過想同對方表白，但錯過咗就係錯過咗。
經過果次之後，覺得關係升華咗，一直到依家我哋都仲係好好朋友。唔常見，但一傾返計就即刻進入狀態，唔會因為太耐冇聯絡變生保。依家我就可以講，我同佢嘅關係真係變成純友誼。
26個讚
細個先會以為有
望返轉頭就知冇
男人唔會浪費時間喺佢哋冇興趣嘅人身上
能成為密友大概總帶著愛
一年見一兩次，淨係一班人先出呢啲
都唔算密友
所以呢種普通友誼係維持到
9個讚
係，果啲通常係普通朋友，普通到連懷疑會唔會同佢哋有純友誼以外發展嘅空間都冇
我D最好嘅朋友都係女仔，主要係身邊同齡男仔好多好唔成熟好難傾得埋
友誼同愛情都係兩種感覺嘅一個range，好難描述，亦都唔會分到（好多時候你覺得係就係）。如果夾硬要分呢兩種感覺嘅分別，友誼比較似「我鐘意大家一齊相處嘅時間」，愛情比較似「我care佢呢個人」，跟著你地應該即刻覺得呢個唔係二元對立，因為朋友有後者，戀人有前者，所以呢個係程度分別。
所以我大概會feel到，唔同嘅朋友都係兩種感覺夾雜，有D都係比較近友誼（而且友誼都唔係純粹前者，如果只有「鍾意一齊相處嘅時間」，或者已經接近同學/搭檔/同事），亦會有D好唔捨得對方近乎愛情。
呢個只係感覺，最終決定關係係一個實際情況。
但係親密嘅朋友依然會有愛情嘅感覺，例如如果閨蜜拍拖、嫁人會唔捨得如失戀。但係有時女仔同女仔之間都會有呢種感覺嘅，所以唔會明確分到友誼同愛情嘅分別，只係你地實際上大家認為嘅關係。
當然男男之間唔會有呢類問題，一來男人對呢類感覺比較麻木，好多時候連自己伴侶內心感覺都feel唔太到，二來男人潛意識會避免將關係Gay化，唔似女仔之間不避忌感情表達。
3個讚
我有一位係非常close嘅男性朋友，以前仲會兩個人去旅行，又試過一大班人去旅行時我同佢瞓同一張床(4人一房)。依家3、4個月就會見一次，間中會傾下電話。
同老公拍拖初期，都要5、6年時間先接受到我嘅係真係純友誼。
我哋都有傾過 「友誼」呢個話題，所以confirm大家都從來冇過「過電」呢回事
1個讚
瞓同一張床?咁我接受唔到係純友誼囉
6個讚
哈哈，其實係大家去台灣玩，屈蛇住酒店，所以一定要二人一床，我哋有用枕頭隔住中間㗎。
當年我最好既男性朋友，fd左好多年後，而家成為左我既老公。
所以我係唔相信男女間超fd的話會有純友誼。
1個讚
有的吧, 有"友誼波"呢個TERM 架嘛, 點會無純友誼
2個讚
記得鬼仔同事串個花花公子專搵 “friend with benefits”
唔係無既, 不過唔多
女仔唔打扮, 勁似男仔咪得囉
我都試過同個朋友瞓同一張床無野呀,
又係同一個人, 係佢屋企打機打到佢女友晨咁早黎, 係度e e 哦哦, 第2日, 我地依然都係玩得咁開心
佢得閒又會同我去下街, 有次出街我同佢講,
我差D癮唔住想翹住你隻手(當左佢係我阿媽)
佢話無問題呀, 你咪翹囉
大家都知大家係唔過電既朋友 (因為我識佢既女朋友, 全部都係靚女, 我唔係 
)
2個讚
我贊同樓上講，能成為密友大概總帶愛，好friend嘅話通常都幻想過行多步。
1個讚
Sorry 我覺得條問題真係好老土
我最好嘅friend都係男，女閨蜜有一兩個
幾十歲，大家結曬婚，識廿幾年，仲有嘢？
2個讚
普通到平日都唔會點諗起佢
男人就算唔係鍾意，或者就好似我以前個猥鎖老人教車師傅咁講：「有靚女同我講嘢，我梗係心甜㗎」 