因為頂唔順奶奶下個月打算搬出去返全職
請姐姐湊bb 有咩要注意呀？
我同老公英文都勁差 係咪請印印好D?
暫時因為又搬屋 我又未返工
我地Budget只係請到本地姐姐
但又擔心請左個衰既
有冇人可以介紹同分享下？
如果有黃Agent就好啦
請印印應該好d，同埋佢哋應該學廣東話都快。如果請本地正常應該已經識廣東話？
不過我哋係請菲，第一個菲係overseas 黎，我奶奶幫手教，佢完全唔識英文，佢照講中文教都一樣ok. 我諗要睇個菲有冇心學
2個讚
我第一個工人係海外印印，幾純，話就話識少少中文，但真係少到你其實可以當佢唔識。平時溝通身體語言多，或者google translate, 一開始都幾難搞。
菲起碼識英文，雖然樓主你話自己英文唔好，但我覺得基本溝通應該都會明。
如果揍小朋友，菲會好d 。因為一般衞生意識高d。
英文差，用Google translate。
我菲傭會幫手教我女英文數學功課，跟英文默書。
同埋好多說明書，標籤，都只係中英對照，俾菲傭自己睇。
不過而家呢個時勢，有工人都照用，無乜得揀菲or印
1個讚
講唔講到單字？短句？比到指示就得架喇。
依家菲印都缺人，我朋友請姐姐湊B, 請咗大半年都未請到，唔好咁樂觀。
我俾完agent fee，等左差唔多成年，俾完酒店隔離費，佢同我做左一陣就跳草裙舞唔做，我都喊出黎…
咁你應該有排都未請到，朋友上年請，個b都1歲，姐姐仲未到
請本地都請唔到嗎？我本來想搵社區保母但個社工又話唔固定時間姨姨唔鍾意
想請本地姨姨又報價萬七蚊
係咪窮人就唔應該請人湊bb去打拼
想請姐姐又難過登天
唔關窮唔窮事，係planning問題。因為你唔想奶奶湊，所以要搵人湊b，你決定搬出去之前就應該搵定請工人資料，疫情下請工人勁困難已經講咗好耐，唔係本地就特別易，如果係咁，大把人爭住請本地啦，好多人比得起人工去到七、八千添。
依家眼前係得外判比人湊定自己湊返，所有嘢都係成本問題(opportunity cost)，條數好易計。你要有心理準備可能自己要湊一段時間。
2個讚
所以有時一諗就頹 到底可以點做
如果係奶奶呢到請姐姐又驚佢影響到姐姐劈炮 我老公叫我唔好諗咁多 照請姐姐先
最近買佐支即時翻譯筆。我覺得都好好用。你可以去fb打下翻譯筆。而家有支幾百蚊既都幾抵。
你請咗先啦，依家請海外，有排都嚟唔到，因為唔夠隔離酒店，我朋友已經等咗9個月，工人都未到；請本地完約，一聽到要湊初生BB就唔肯做，一係開好高人工+一定要有獨立房，什至要求外宿（犯法的）。
我知道開到好高呀而家問嗰啲係最大概都五六千
其實最大問題係因為喺奶奶度嘅話奶奶會成日搞事 極度乞人憎嘅阿婆 仲會得寸進尺 做好多好乞人憎嘅行為 我愈來愈唔知應該點揀
你話下個月就搬，老公又同意請工人，咪照搵工人先，到工人差不多到，先叫老公同奶奶講，之後有工人幫手，唔使奶奶咁辛苦湊BB了，叫佢休息吓。
我奶奶唔會幫手湊咖更加唔需要佢幫倒忙
我只係擔心我地搬左又請姐姐開支大得濟
唔知點取捨
條數應該響決定搬之前就計好，點會依家先嚟擔心
搬出去置頭家洗費唔止多咗租屋，仲有水電煤、伙食、置家電樣樣都係錢，仲時不時有損耗；工人唔係表面四千六百三咁簡單，加埋保險、機票、agent, 除返開平均要五、六千一個月，而且有工人後水電煤、食物等所有費用會大幅上升⋯⋯你唔好預到條數咁閔。
如果每個月比埋工人條數後，得返一萬幾千落袋，除非工作係有前景值得搏下，如果唔係不如認真考慮下係咪自己湊返。
我朋友有兩個1-3歲小朋友，工人續約時話搵到另一份湊一個小學生，加人工都唔留好多人係因為湊B而請工人，但事實係好多工人都唔鐘意湊B. 海外冇得揀所以就算要湊B都話ok總之嚟咗先；但本地有得揀好多都唔濟。總之依家請工人係要預長好多時間。
咁就弊 今日去左睇單位月尾要決定要唔知兩星期有冇可以搵岩姐姐呢