請咗一位印尼姐姐，未返工，
想知開頭有咩要注意？
應該點樣教佢做嘢？
有啲人又話要有老細款，有啲人又話要將心比己，
唔知把尺應該點拿捏？
例如，你地食飯係夾開餸比姐姐定係點？
裝cam駛唔駛限住姐姐湊B要喺cam影到範圍？
開工收工時間應該係點？
用toilet有冇限制？
謝謝大家！
我自己係將心俾己型，不過一開始有講清楚自己要求，例如有咩家務要日日做，點做法，試幾日睇佢做唔做到再溝通
1個讚
正常老闆和員工關係，唔使當工人係家人，因為佢只係員工，你返工老闆都唔會當你係家人，當佢係員工咁正常溝通和尊重就得。
教工人做嘢要示範，再叫佢做一次比你睇，做得唔啱，就再示範再叫佢做，做到啱為止，只講唔得，佢哋話明，其實唔明的。
食飯最好女僱主夾比工人（咁當然要夾正常份量），唔好比工人自己夾，否則工人做耐咗，夾晒啲好嘢比自己，僱主不爽又唔知點出聲。
唔會和工人同枱食飯，因為我都唔想日日和老闆一齊食飯，工人寧願自己食飯睇電話。
湊BB一定要裝cam, 同埋話比工人知邊度有cam, 理由話Sir & Mum 返工想見到BB就得，工人休息嘅地方唔可以裝。
開工收工時間要睇你哋自己作息時間，你哋BB夜晚自己湊定要工人湊（我就prefer 夜晚父母自己湊，因為怕工人日頭無精神）？
用廁所又唔使限制嘅，除非佢成日呢埋喺廁所。
6個讚
我有個朋友話佢個工人好「識食」，唔食隔夜餸+sir未食就夾定鐘意嘅餸先。
規矩一定要講明，大家互相尊重，你唔當佢奴隸，佢亦都要尊重你係出糧比佢嗰個。
2個讚
乜都教，唔好理佢識唔識，當佢唔識
唔知佢哋鄉下點湊仔，總之叫佢一定要跟你講去做！
最好買本簿仔佢寫低！因為佢哋一定唔記得咁多野！
家規、家人習慣一定要講明！幾點起床，起床之後做乜野、Sir幾點起身(準備早餐大概幾點之類)每樣講，每樣寫
用廁所唔會限時，但會提醒沖涼時間(用水時間)唔好太耐（如果得一個廁所就最好講明幾點比佢沖涼）
其他樓上都講得好岩！唔再重複
老土都講「先小人後君子」最好
一入門，講清楚，寫低比佢睇就最好！
2個讚
朋友試過買比bb食，好貴既有機日本蛋(之類)，自己都唔捨得食，發覺工人拎黎食
其實呢啲工人心地都唔好！搶bb仔食物？妒忌？好差
係，所以新工人上班，一開始僱主要把規矩講得好清楚，agent當時都係咁教我。
Agent話好多香港僱主，講解得唔清楚，以為工人明，結果工人根本唔明，就做錯晒。同工人講嘢，要畫公仔畫埋內臟和骨頭出嚟先得。
特別食材要講明係比邊個食，其他人唔可以食，如果講明個工人都食，就再講，同埋分開擺。
我位朋友都講明，再分開放
點知數下數下點解bb食多左/食密左？
發現原來工人偷食（被捉後佢自己都認左）
都係要睇實
所以有人廚房都裝CAM，工人見有CAM會收斂啲。
1個讚
我係將心比己型嘅，不過一開始都同佢講好regular每日、每星期要做d咩。
同埋我係要佢湊bb為先，所以家務、煮飯係其次。無可能要佢樣樣做好，要明白你自己一個湊b時都未必同時做到三樣野完美。
2個讚
將心比己型X2
冇限制佢任何野，開酒、貴食材都係一齊食
搬左新屋雖然有間都幾spacious既工人房係廚房
不過就冇冷氣
我地比左一間房helper訓
百幾尺180度海景房（我地要用既房有主人房、小朋友房、書房、play area，有一間淨低就比左佢，只係咁岩全屋都係望海）
佢真係好幫得手，煮野、湊小朋友之集仲keep到間屋24小時乾淨，亦都幫過我朋友十幾年手腳乾淨冇偷過屋企既財物
我同老公覺得佢做得好同有心既我地唔會待薄佢
大家都開心
我地都唔想有個長期有negative energy既人係屋企
2個讚