炒下場講下那些年~
我有試過默書望隔離同叫停筆都繼續寫 
1個讚
無，有精神潔癖，諗都無諗過做呢啲
不過見過同學將啲難串嘅英文字寫落擦膠度
1個讚
我印象中有試過集體出貓
仲試過做完mulitple choice嘅卷，見到前面同學嘅答案，發現有同自己唔同就會苦惱改唔改答案好 
1個讚
有，不過已經唔記得係點
不過出貓真係冇乜意思。
從來無⋯會手心冒汗，手騰腳震，真心唔係辦大事既料
成日都想但唔敢，反而學日本期終虛試就偷睇隔離囡囡
有 出貓紙放左係兩腿中間
呢D好易斷正, 我見D同學用縐紋膠紙寫左D字再貼落裙底, 就算比阿SIR見到唔通佢敢揭你裙底CHECK, 用完去廁所掉埋毀屍滅跡, 係咪高呢?
3個讚
我無，但隔離同學仔有，佢問我"誇"字點寫，我寫咗比佢睇
1個讚
寫枱面，間尺，櫃筒放書，幫人做埋都試過
1個讚
無，唔識咪唔識囉，我呢啲無心向學嘅，唔係好緊要，而且我亦唔想出貓，過唔到自己嗰關。
哇，其實呢啲出貓招數，都要有返咁上下聰明先諗到
有。
以前讀I.T (呢家既IVE)。
個科正常人無可能識因為要背化學forｍula，以中三資質無可能做到，加埋個阿sir好淋，襯阿SIR做自己嘢，全班人係台底睇住notes抄答案。
我好屎…
一年級試過，默書前老師俾時間溫習
我溫唔切，寫左係枱面
隔離同學見到，我叫佢唔好同老師講…即時報寸！！
小息老師找我傾計…放我一馬
自始無出過
人唔出貓枉少年… 音樂考樂理冇肥佬多謝隔離鋼琴8級果個xd
2個讚
試過偷睇periodic table
冇用嘅…睇完都做唔切
後尾先發現原來啲卷嘅設計係攞A嘅都只係啱啱夠時間做哂，冇預時間比你諗點答，更加冇時間比你出貓
有，寫喺筆盒蓋入面
英文默書試過幾次，其實都識串，但驚唔記得，會用銀色筆寫落無印嗰把銀鋁尺上面，寫三兩個詞最多
有次係隔離同學提，做考試卷嗰陣以為單面冇睇後面，佢見到趁先生行去後面話畀我知
有啦，不過默書個啲咋
（寫定唔熟個啲係枱面）
考試測驗個啲最多就望下隔離
其實個時啲同學都好好，如果大家咁岩眼神對望左，會示意下想睇邊條（當然係短答案/MC個啲only）大家都會比大家睇