我乳線炎加膿腫，我係私家生所以都睇返私家，抽左2次膿但唔係抽左好多，食左抗生素2個星期。而家無痛無紅，醫生就話我差不多好返，但我見到仍然好腫，乳頭附近腫曬所以bb唔會啜到。請問有無人試過呢? 2星期都未消腫，我好擔心以後都係咁。
不如試下去母嬰健康院睇？ 佢地對得多呢啲個案，經驗豐富。
停母乳就無事，但個個情況不同
著錯bra都有機會乳腺炎
所以孕婦及哺乳bra都不能隨便找，uniqlo, Aeon, satami都唔係專門賣孕婦bra，餵奶就知，我果時胸keep住有硬塊，重發燒，燒下停下過度餵母乳期，好痛苦。
太辛苦冇餵lu, 之後對胸下垂又皺皮。
去健康院見母乳姑娘
有需要會轉介你返醫院處理。
講真政府對呢啲case support 真係好私家好多
因為佢哋好鼓勵人哋餵母乳
我有經驗。我果時啲膿腫到好似半個乒乓波咁大。
唔洗去健康院轉介，有排等加做唔到啲咩，佢都係搵返果度既醫生同母乳姑娘睇你。果啲係比唔嚴重既人用。
有膿直接去急症（我講公院），醫生會問你入唔入院，因為入院先可以照超聲波。上次我預左佢地叫我入院，一早執好哂袋，上到病房咁岩醫生巡房，佢哋打開衫望左半秒就叫我去另一個department即時界開放膿，係咁用水係入面沖。
完成左即時走得。touch wood到而家到未有復發。
多謝你分享呀！你當時要介開
我係成個乳房腫左超過一半呀。健康院俾左轉介信我睇乳科，但排期時佢話要等10日。。。睇左私家用針抽膿抽左3次喇，但仲係腫，我都唔知幾時會好
試下睇中醫呀。我個時個客都係乳線炎。中醫開藥比佢飲同夫個胸。飲左3日就好返哂。
因為睇唔到所以唔知你腫一半係點腫法。係咪紅腫熱痛，會唔會勁硬？如果係你應該係好大面積塞奶。你keep住食抗生素係治標唔治本，我果次都食左大半個月，只係食到無發燒。但係你一定要搵辦法通左佢。
我係硬到通唔到奶，廣華寫紙比我做物理治療，佢有部機可以用黎打散D硬塊，再加上自己要比心機泵奶。我第一胎乳腺炎用部機係通到，第二胎部機都攪唔掂，最後變左膿（我兩胎好近）。
所以你而家話抽完膿都腫，你要小心其他地方都將會含膿，私家係好服務，但係呢D case你最好去公院急症睇睇，最多住兩晚醫院快快脆攪掂佢，唔係手尾好長呀。
加上你都抽左3次，同一地方？如果係就明顯佢地抽唔乾淨，入面仲有野先會keep住有膿。你應該都要好似我咗介開放膿再係咁沖到乾淨先得，好痛但係一了百了。
好多謝你呀！之前唔知應該睇咩醫生，你咁講我無咁驚喇，咁我去公院睇下！