事緣一對夫婦帶同嬰兒於福來邨永康樓站上車時，因車長要求他們收起嬰兒車，擾攘一時，最終摺起嬰兒車後車長方開車。夫婦相當不滿，開車後一直呻：「用你少少位啫！」車長雖然解釋是應條例要求，乘客須收起嬰兒車才可行車，豈料丈夫開始「爆粗」辱罵車長，婦人又叫車長「將心比己」。
吵罵聲中，一位較年輕的乘客由上層下來，要求夫婦「收聲」，三人再起口角，繼而動武。片段可見，雙方有互相叉頸、拍頭及起腳，互毆扭成一團，不少其他乘客受驚退到車廂後方。該年輕乘客聲稱是婦人先用雨傘攻擊他才還手。幸得其他乘客上前阻止及提出報警，事件才告一段落。
根據九巴指引，攜帶嬰兒車的乘客，須抱起嬰兒，及把摺妥的嬰兒車放於合適位置（兒童輪椅除外）。
其實上車前就應該摺定BB車。
我見過又係一對夫婦上車唔摺B車，經司機勸喻後都肯摺，但個爸爸響正司機門過少少摺，又摺極摺唔到，結果塞住條通道啲人入唔到車廂，最終比後面啲人薄責，佢又唔憤氣，跟住兩個大男人互相爆粗
之前買bb 車會買單手折，方便一手抱bb一手收車
其實依家好多BB車都好易摺
究竟… 做新手父母係咪真係要考牌先可以生仔…
摺起架車都係為左你個BB 安全著想, 關阻住DD 位咩事???
究竟D 新手父母要7到幾時先唔會再見到呢D新聞
好多人成日話人對BB冇同理心，其實好多新手父母都係一樣，覺得有BB大晒，全世界應該就晒佢哋，唔遷就就係冇愛心冇同埋心… 唉。
唔只新手要考, 係現任未考過都要考
我記得係亡國見到個阿媽懶醒咁問，輪椅位冇人，點解唔可以泊架車去輪椅位，
有人好寸好mean 咁答佢，你bb坐輪椅咪唔駛收車囉
証明單手收車一手抱b好重要，仲要長期訓練
不過講開又講係外國上巴士唔洗摺車真係好幸福
係喎，仲要外國個啲bb車係「重形大車」
幾年前就係有對夫婦喺正彎位停車, 哱極唔理, 搞到其他車要越過對面線爬頭, 周圍都係樹根本睇唔到對面線有無車嚟緊。
我落車同佢講佢停依個位其他車好危險, 佢唔理不特止仲用粗口鬧返我, 話睇唔到就唔好揸, 我同我老公鬧返佢但一句粗口都無講, 佢老婆竟然落車話我 “唔該你有禮貌d, 我有細路喺車㗎, 你嚇親佢呀!” 我瞪大對眼鬧返佢"C9, 有細路大晒呀? 帶埋個細路去打劫係咪唔拉得呀? 錯就係係錯, 你哋做人父母唔係更應該身教咩? 叫你老公唔好講粗口先啦!"
唔講人多少，佢地巴士有冇香港巴士轉彎轉得咁勁先，淨係呢點我覺得幾辛苦都要收
佢係有排櫈比啲阿媽扶住架車同埋一齊坐，有無安全帶我唔記得左，呢樣真係評論唔到，總有路線係轉彎轉得勁既，
真係純粹覺得唔洗收車好幸福，因為我女細個係每個星期都要搭幾次長途車，單手收車抱b仲要司機永…遠係唔會等你坐好
地方大，車都大過人
外國仲會等人坐定定先開車，呢d真係冇得比
唉，係啦…每次上車都好似生死時速咁
司機唔開車，等成車人將心比己咁圍佢哋。
我只知有好多父母，覺得推住架bb車大晒咁。
我見過一對父母為咗慳兩步而塞住響路口等車位泊車（係非法車位），後面係燈位轉角，結果塞住成條行車線，但後面狂哱佢哋都唔肯走。因為我好得閒，我企響度等足三分鐘見證住呢對自私父母泊好車落地，等佢哋行走咗大約十米之後我再報警舉報違泊。期間個阿媽好似有第六感咁望返轉頭，見證住我打電話，不過因為隔好遠所以佢唔知我做乜。然後我又等咗幾分鐘，終於聽到警車聲。一眾違泊人士當然即刻開車走，但果對自私父母當然係返唔切嚟，部車咁就比人抄咗牌
講真收車係為佢bb同其他客人安全著想姐，有啲人真係好煩，叫佢收車好似聽錯叫佢收皮咁，會覺得被冒犯，然後發曬癲咁鬧
正常人都係咁做，又唔使阻大家時間