facebook 見到啲捉英文handwriting 捉得嚴謹嘅學校真係有啲不安
想問有邊類型學校係會捉呢啲捉得咁嚴？呢個係咪主流嚟ga？
k3：
小一：
我見佢好似捉重筆wo, 我小朋友重筆學校都會捉，好common.
1個讚
浪費時間
3個讚
家長唔覺得有問題嗎？
純粹好奇想了解心態，並非challenge
寫offical野時係唔可以重筆ga wo, 要係隔離再寫過再countersign ga wo, 咁所以for認真做功課的話重筆左咩擦過再寫lor~
只不過講緊重筆唔接納，唔係要求小朋友寫到大人咁靚。
再者，回應返個位fb post主，如果真係學校捉重筆而佢唔知，其實佢應該問返清楚學校條界線係邊，無理由唔清楚條遊戲規則就落場玩，玩死小朋友ga ja. 間間學校條界都唔同ga ma.
1個讚
小一會教得好嚴,教正確寫法~
小二開始唔會再教
1個讚
我未聽過重筆，連寫cheque 填form 都係用我認為端正嘅正階 (instead of cursive) ，寫得legible 就ok，而我認為圈咗嘅a 字都叫legible 
所以我自己唔係斟酌佢寫得靚唔靚，而係我唔知個a 字有咩問題，如果小朋友問我改正要點改，我真係唔識答
真係好，我唔敢想像要同小朋友擦完又寫成個初小
K3寫得好靚
以一個探知精神，我上左去佢個fb post 睇comment, 似乎老師圈佢唔係因為重筆，而係個a字寫法寫錯，你可以睇返張相，頭幾個a字（c + l）同後幾個(有美人勾)唔同，睇來老師唔接納後面既寫法。
呢度就睇到2樣野：
-
老土都要講句，一定要清楚學校個遊戲玩法先有得贏（唔求高分都起碼改少d正）。
-
明顯學校無教咁寫，個小朋友寫寫下走樣，媽媽無去check 功課反而掟上網公審，睇返hashtag 個媽媽其實都估到錯d咩，就咁睇似乎想圍爐多過求意見。最新仲比個親子網頁轉載個post tim, 係咪為自己個fb page 搏view rate le?
其實小事化大前，諗一諗有無做好自己本份先。如果學校係k3時只接納一種寫法，呢個時候就玩創意懶獨特要寫幾個唔同款，到頭來咩玩自己要改正lor. 正如學校要你著校服返學，你偏要著潮服，唔比你入門口就post 上網圍爐，夠心水清就知邊個有道理d la.
for 你個人concerns ，2種寫法都ok, 但你係大人世界，佢係k3幼稚園雞既世界，把尺唔一樣。
算啦,K3同你執字係「為你好」
因為小一會執得仲勁
1個讚
純粹睇谷友張相，我都有諗係咪老師要c+l咁寫，因為第一個字俾咗星星，但最後嗰兩個有美人勾嘅又有剔
點都好，其實嗰位媽媽應該直接問老師，放上網大家答案都唔可以作準
我都認同要同學校溝通咗先
但我同時又覺得，
咁樣去執啲字都幾矯枉過正，
其實好容易扼殺咗小朋友嘅學習興趣
我細嗰時係超級超級超級超級憎抄寫類嘅功課
因為我好細個就已經覺得好浪費時間
愈要我抄，我就愈冇心機抄
如果你要我寫靚隻字，我可以寫靚比你睇，
但愈抄得多，我一定會hea寫
聽過有間happy school，係比小朋友自己決定抄幾多次
只要識寫就得
我覺得呢個concept幾好
利伸，我係讀書好叻嘅細路，唔係無心向學嗰啲，
只係唔中意做無聊嘅功課～
4個讚
好 common，尤其係比較熱門嘅學校。
執字體真係好重要，否則上到中學啲字飛來飛去，睇到老師眼花然後自己睇返都唔知自己寫乜。
但係 k3會唔會太細? K2下學期先開始寫字，而家只係啱開學，D小肌肉訓練都要時間
認同。
其實有小學多抄寫功課，同樣有小學完全冇抄寫功課的（唔代表係差嘅學校），我自己覺得，做抄寫功課真係完全冇意義，仲反而阻礙小朋友溫返/學返/跟返課堂進度嘅時間。
另外，雖然話執字體可以為升上小學做準備，但其實每間小學嘅字體又未必一樣，譬如我小朋友學校寫嘅細階t 係要寫十字嗰種，同樓主圖二嘅指引唔同。咁K3執到正到咁，又有咩意義？根本只要係學識晒字母，到升上小學，老師一講係要點寫，佢哋自然會識跟。
1個讚
有類幼稚園嘅學生寫字係靚到咁，個個都寫得靚到令大人自愧不如。我自己做唔到，亦唔想要求小朋友咁樣做，所以唔會揀呢種幼稚園。K3嚟講，分得清曬字母同識寫，唔會撈亂就ok，仲有好多其他升小準備（譬如玩認字、串字之類）無謂花時間喺書法上
3個讚
我係過來人，讀書時就係遇到呢種中意執字嘅中文老師，佢個要求係寫啲字一定要跟足曬課本，課本上面係咩字體你就要跟佢點寫，個勾唔明顯都錯。個時默書同背默，因為寫嘅字唔啱佢心水，好多次都直接比零分我，其實我對過自己嘅背默，係冇寫錯字，只係寫啲字同課本唔一樣，所以要食蛋。個時我好唔開心同好灰，原來自己學返嚟嘅知識係冇人會正視，咁不如投胎做影印機啦，印出黎啲字實同課本一模一樣
所以樓主，你要睇下你同小朋友接唔接受到呢種教學模式，小朋友接受唔到嘅話真係好影響佢求學態度同自尊心
4個讚
這種過份的執字，實在打擊小朋友自信心和學習興趣！
家長為小朋友選這種學校，是自討苦吃！
2個讚
一開始學寫abc果陣應該有學正確寫法，寫岩手勢上到小學無咁慘，就係一個G字就搞100變99，其實好慘🥲
係果日我先知原來G係要C+T而唔係C+7
（我唔肯定呢個想法岩唔岩，只係純粹覺得唔岩手勢上小學太多野一次過要適應仲要在重做係好慘）
我女間幼稚園已經係happy school,佢都會教小朋友寫返依家小學要求既，咁當然叫係狂改正啦，但起碼知道佢基本要啲乜，如果係有問題最好問老師，尤其幼稚園，可以好直接同老師傾