抱歉，這是一篇放負長文，講嘢一舊舊舊
近排諗返起讀書時期遇過嘅一位同學….
話說大學時期去exchange，同期有另一個香港女仔都揀咗同一間學校exchange，可能係我敏感，返學第一日，呢位女同學見到好似有啲愕然，不過大家都禮貌微笑say個hello。(方便起見就叫佢A小姐。)
本人由細到大都係又摺又宅又怕事，A小姐性格同社交能力剛好相反，有QueenBee特質，好快佢就同所有人打成一遍，呢樣嘢我係真心佩服，冇妒忌成份。
由於自已性格缺憾，放學有活動都唔敢去。好幾次有同學仔話佢地一大班人plan緊放學去玩，希望我得閒嘅話就join，知道邊到meet up就會叫A打俾我 （佢一早問我拎電話）… 而A係從來冇打俾我，我亦都怕事，所以冇問A點解。
有一次係student hall communal room 開P，有個毒男hallmate見我on 居居坐係度，就走過嚟同我吹吓水，講唔夠兩句，A小姐突然衝過嚟問我哋講緊咩….心諗: 你平時都唔同我地兩個講嘢架喎… A就同我地傾計直至hallmate話返房訓，就即刻轉身走咗。
之後又係communal room，有兩個hallmates好好人走過嚟關心吓我，again，傾唔夠幾分鐘，A又唔知係邊到飄出嚟加入對話。
再有一次，考完試出去clubbing，突然有個男人走過嚟傾計，心諗終於有豔遇喇!!! 點知傾傾吓，呢個男人原來係A個date，可能嗰男仔approach我嗰時我個樣太春心蘯漾，嗰一晚A就捉住我同我講個男仔點主動識佢點約佢出街，由於嗰吓覺得自己好瘀，所以不斷飲酒，繼而講野變得勁大聲，同時又大膽同其他人吹水，A小姐見狀竟然係我耳邊大叫: You’re too loud, shut up!
後尾真係有毒L約我出街，我婉拒咗，唔知點解A會知道，過幾日佢突然問我知唔知毒L約咗XXX出街，我話係咩? Xxx 唔係有男朋友喇咩? A話: 得喇得喇，知毒L淨係鍾意你一個喇。
其實上述嘅類似事例太多不能盡錄，當然可能係我太小心眼誤判咗A嘅行逕，因為其他人確實係好鍾意A，應該得我先唔想A相處…. 其實我想講嘅係，就算而家人到中年，都係好怕再遇到呢類人，唔識點應對… 係打字呢刻就咁係個腦到想像都覺得好大壓力同埋驚……
多謝大家耐心睇哂篇文。
，我一開始已經選擇遠離，但正如有網友講，呢種人係攻擊型，我唔理佢佢點都會搵到位「追擊」⋯
