係app 到客戶服務員確認左可以返工 叫我去到同保安部登記 但去到保安部話冇我個名 唔比我入去公司開工 我係街等左成個鐘先問到客戶服務員 問佢點解會咁 佢先話同事冇幫我sd mail 去我要返工既公司到 佢會賠返車錢比我 我搭車都40蚊 但我諗佢都係hea 我 唔會比架啦 只想講之前都試過一次 今次又係咁 我對呢個app 冇晒信心 員工點可以咁冇責任心架
唔好咁啦，世界上有啲人做嘢就係咁差，唔尊重人
只要唔係靠老豆，唔係咬綜援(唔計真係有需要嗰啲)，靠雙手自己搵食就值得尊重
對方都知道錯嘅，你唔好激氣
6個讚
我冇野做 做住炒散一邊搵 我今朝要返8點 一早6點就出門口 好重視 自己咁重視 比人咁玩法 到而家我都好激氣 嬲佢冇主動解決問題 佢只講左2句唔好意思就dead air 左 究竟高時薪係咪多人爭 所以佢要玩人呢
因為處理你個case ge 人質素都好低，你唔好嬲佢能力咁差，反而好好警惕他朝一日唔好似佢。
4個讚
我覺得收得人工 責任感係應有啦 咁大個炒散網 請著咁既人 愈認真就愈激氣 嬲左我成個下晝 以後小左個渠道搵工添呀
因為好多人做做下都會滑牙，得過且過。你尚有一團火，要好好保存。
責任心，對好多人來講都係食得既。
2個讚
我都會滑牙 我都唔想返工 但我會有責任心 過到自己先啦 我已經好客氣啦 比著R著數果d 一定投訴佢呀
有責任心係好事，炒散絕對冇問題，你唔好氣餒，係對方衰之嘛
1個讚
原來個app真係有問題 留言好多人講 算啦 以後唔係佢網搵
我十幾年前都有一排炒散，當時都頹，但慢慢就會好轉，而家係中層老屎忽 XD
1個讚
唔好係佢度搵工啦咁衰 
不如你做住連鎖大公司PT先?
1個讚
係呀 我而家改變方式搵工 原來佢炒散時薪過過人係有問題既 以後唔好見高就申請
1個讚
加油 
1個讚
End user 預左嗰日有人返，但突然冇咗個人，佢地會唔會嘈個 agent?
如果你啖氣未落，建議你寫 email 去 end user 講返件事 (Google 間公司 應該會喺JobsDB嗰啲搵到佢哋個email)，然後講返誠信問題令到你對 end user 公司形象 同 agent 失望。希望佢哋會注示。
可能你會有意想不到嘅收穫。
4個讚
炒散係應該高過人，臨時臨急要搵人即刻返工應該都唔係容易。
你可以照申請，但以後做多樣嘢，就係要問返係咪已經通知咗客戶，客戶嗰邊係咪已經確認咗？麻煩send返個確認信screencap我先會返工。
佢唔肯你寧願唔做囉，反正你本來都唔諗住申請。
3個讚
我去到見到有個女人好嬲 話星期五去完 今日又突然唔比佢入去 低佢就唔係炒散app搵 佢有agent 後黎有蛇頭接佢上去 我呢係街等左成個鍾 9點先搵到CS
我要返果間公司都真係冇我名 唔關佢事 係個app既CS冇幫我報更 我都唔知點投訴 因為唔知邊個CS負責
你個方法幾好喎 可以試下
唔好嬲
佢唔係專登玩你
總有d人做野係亂嚟, 得過且過
1個讚
Hug…
你要加油
1個讚