各位JM可以分享下諗住點搞？
家下疫症都唔知幾時先完，就算出年年尾擺酒都驚大家心有餘悸，外國prewedding又難去影，真係唔知點plan好。
1個讚
時代變了,觀念要改變
預計下年年頭結
年頭已經傾好咗唔擺酒, 雙方家長都同意
只會行禮同請親戚食餐飯
我地就另外自己開個Party請朋友
不過依家咁都要睇情況再改
但始終唔係擺酒就好預好多 
係呀 我都考慮請最親既屋企人食飯算。你係搵酒店細ballroom定酒樓呀？
高級d既酒樓都好似係藍。。。
傾好大概21/22
不過到時唔知點
依家我識嘅原本年頭結都推遲左
我係搵酒樓咋, 不過上網睇有分享話如果唔係擺酒純粹Book枱食飯
大多數都要2~3個月前搵先會理你
所以我都係預再近年尾先開始搵, 暫時未有心水呀
同男朋友傾緊下年開始搞，結婚我最重視係影pre-wedding同honey moon
擺酒唔會喇，除左晒錢，我份人又比較內向，好怕焦點落起自己身上
好大機會就咁簽紙然後請觀禮既人食飯，諗住就咁一大班人唔間房去食buffet
問過酒店唔會有屏風，但會劃個角落俾我，我覺得都ok，因為敬酒講感言果ｄ我都唔想做…
同埋我成家都怕生保同沉默寡言，諗起全程唔講野又冇播片果種死寂都老尷，不如有d人聲襯托下…
我冇諗住呢個形式會有人情收，只係希望多謝佢地黎觀禮
想下年年尾，但咩都未開始
屋企人一定要搞，但應該會搞LUNCH加15圍，平D
有一間黃酒店EATON 我打算去睇下場！
21年尾擺，已book酒席，簡單擺10圍內
應該會21年頭就咁去簽紙先
其他未諗，最近睇緊pre wedding，好似因為今年啲人調哂去年尾同下年頭，年中影的話可能都準備book定 
咩形式搞都唔緊要，最緊要自己覺得舒服！
其實咁既環境下搞結婚應該永世難忘，而且今年好似係好年
你好快呀。。我咩都未搞
係囉真係好快, 搞到我都驚驚地21年既期都就full
預佢一定full架喇, 始終19同20年都應該唔少新人延遲擺酒
所以我都決定唔理咩吉唔吉日, 總之邊日排到註冊就嗰晚食埋