十幾年前 我爸係技術移民過去既 我媽就自動成為英藉 而我同媽從來都冇係英國生活過 爸朋友一直都勸佢比我同妹去 佢都堅持唔比 因為佢話我地讀唔到書 過去做餐館冇用 望返轉頭 爸朋友而家係果邊唔願返黎啦
難得而家Bno可以申請 我唔想再後悔多一次 但見到我媽年紀開始大 覺得佢有腦退化初期 佢唔肯去檢查 走左去我又好唔安樂 但佢又唔會跟我走
1個讚
唔好走，你走咗你媽無人照顧。
1個讚
都係有咁諗過 雖然我有個妹 但佢都幫唔到咩冇乜用 仲有媽都要湊佢個女
只怕你走左，
你媽有日唔係到，
你一世都有遺憾。
你爸爸自己一個係英國住？
1個讚
我都有bno
我都有個有病嘅阿媽
我都係有個無用嘅屋企人
我比自己2個字
愚孝
我呢世佢就係比佢嘅說話情緒勒索咗我一世
困住咗我一世
如果你年紀唔細
諗下留低
如果你仲後生，
我會叫你去
唔好比屋企人呢3個字困死
之後係各有各生活
27個讚
我都係咁諗 我2個表哥都係果邊 雙親年紀仲大過我媽 得返2個老人家 其實又點會想仔移民丫 始終6年時間 尤其老人家 太多變數
我個妹有個女 佢就係冇咩自理 十分倚賴 我呢代有機會走 我都想個小朋友將來有多條路揀嘛 我爸一個係果邊生活十幾年 同樣都係冇咩用 性格同我妹一樣 所以我地先冇過到英國 知佢一定會日日夜夜發皮氣 覺得我地連累佢
我都3字頭 唔想自己再後悔 我已經後悔當年冇話事權 冇去到 錯過左呢次 相信再冇下次再移民既理由了
其實我唔明點解媽仲要驚呀 佢已經入藉 醫療唔使驚啦 我識人老過佢地 一家冇英藉都照過去
5個讚
伯母留喺香港享受特區醫療,只會越嚟越差,排專科又等一兩年,照個掃描又等一年,排白內障有等三五年
4個讚
佢都知架 就係冇勇氣走 佢成世人都係好多野驚 冇去做 果陣後生都唔敢話成家人移民 何況而家 後生捱過到入藉 總好過搞到咁
我見人地已經係果邊落地生根 唔願返黎啦
其實我有諗過入藉後返黎陪佢 是咪唔應該想移民啦？
你媽咪一世人只追求留響comfort zone。如果你可以為左佢接受留響 uncomfort zone一世，可以留低，往後放棄一個又一個機會同有可塑性嘅未來。
講到尾，睇你有幾看重自己嘅人生啦，如果你覺得媽咪嘅人生先係你嘅一切，咁咪好好地陪住佢lo。
9個讚
我唔甘心呀 我人生好多野後悔 唔想比自己再後悔 佢成世人都求安穩 好多野佢都話唔好 有風險 好似佢咁就一世 我唔想
2個讚
姊妹，你已經有答案啦，比遺憾同後悔填滿嘅人生⋯好苦。
9個讚
其實你巳有答案，不過去實行啦，到老左先後悔無試下就太遲
我覺得有手有腳乜到做去到英國唔會餓死，開頭實辛苦，咬緊牙關
2個讚
去啦，你自己已經有答案，到時真係有事，再返黎，我朋友移民之後屋企人有cancer, 返黎照顧左佢一年，再過返去坐移民監
1個讚
呢幾日諗左好多野 眼淚就出黎 如果可以唔走 邊個想走
2個讚
我都唔信會餓死 係擔心太多香港去搵工 唔知要搵幾耐咋 本身我都唔係專業人士 冇咩話放唔低架
2個讚
可以中途返黎咁耐架？我見到佢話唔可以離開多過180日咋
其實安定左落黎 我想可以接屋企人黎住幾個月啦
你見你阿媽就係好似見到你既將來，佢OK因為佢驚驚青青，但你唔係丫嘛
2個讚
今次我一個走咋 其實我都唔算好獨立架 我都好驚 但我知道香港將來只有愈來愈差 我想多個保障 如果岩既 唔會再返黎了
係你細個既時候，你無機會為自己做決定，而係父母做決定。而家你唔再係細路，你可以為自己做決定喇。
每個人都係獨立個體，各有自己既人生，也要為自己人生負責。即使係父母夫妻子女，委婉他人只不過係逃避自己。
你又唔係去左天堂，只不過搬屋去第二個地方之嘛，唔使想得太誇張。
8個讚