現年50歲的藝人林子博早前於社交網站中宣布舉家移民到英國，同時被媒體拍攝到在機場，與一眾親友依依不捨拍照留念。在2019年太太確診癌症後，其妻最終不敵癌症逝世，亡妻的遺願要林子博好好栽培一對子女。而子博移民這個舉動，也是遵從亡妻的遺願。
子博已到英國生活一個月，他特意開設了一個YouTube Channel，Channel名叫「子博在英國」，目的是與大家分享在英國的生活。第一條影片在昨天（21日）正式出爐，轉眼間已經移民了一個月，子博表示收到很多朋友的關心，譬如說習慣了英國生活？子女找到學校了嗎？找到房屋住了嗎？等等的問題，子博笑言：「實不相暪，嚟咗呢到一個月，小朋友係仲未返學，我仲住緊酒店。」
移民英國子博直言並不是大家相像中很簡單，他現時身處於曼城一間酒店，因為倫敦一線大城市子博坦言居住不起，現時也積極在找屋租住：「原來呢到嘅業主唔係咁隨便租單位畀你住，首先要睇你有冇工作證明，同埋之前聽朋友講願意交一年租金就租到，原來唔係咁樣，呢到業主唔係咁，所以我仲搵緊樓住。」
而找不到房子住，同時會令到家中的兒女不能上學讀書，子博續說所有事有關連性：「你要有學校讀首先要有一個住址證明，咁酒店並唔係一個住址證明，我可以點做呢，我可以租一個民宿，但有啲人話民宿係未必得，都要有一份正式租約先可以報學校，所以依家小朋友未有得報學校。」
出外靠朋友，暫時子博並沒有工作，不過身處於曼城，他有朋友在這裡開設甜品鋪頭，剛好早前撞正中秋節，這位朋友的鋪頭不夠人手，子博說有留意他社交網站便知道最近有在學整餅：「我話不如我落嚟幫手整月餅，整菠蘿包。今次係我第一次喺人哋鋪頭整，我唔係轉行，只係叫幫手，我發覺都幾好玩，但都辛苦，做飲食業。」
香港是美食之都是眾所週知，因為各式各類的美食也有，子博說到這一個月在英國生活其實非常懷念香港的美食：「Keep住都係食漢堡包啦、沙律、Pizza，所以我好掛住香港茶餐廳個啲茶餐，沙嗲牛肉麵，同埋好掛住香港豆腐花、粥、越南湯河，所以話飲食習慣係暫時最慣唔到，其他生活細節還ok啦。」
原本子博並不是想移民英國，打算帶同小朋友去加拿大，更透露有朋友幫他在當地搭路可以讓自己做回想做的事，譬如開咪做主持，但最後選擇英國，子博說：「到最後我冇去到加拿大我唔夠分，移民係一個技術移民夠唔夠分，唔夠分，最終過唔到去。」
稍為有做功課都知要租定間有住址既屋，方便搵工、搵學校、銀行開戶…
6個讚
我開始覺得佢有啲煩（其實開始左一段時間）
成日提起死左太太，一個照顧2個細路
不停loop
10個讚
其實有d香港人group, 唔留意吓? 做晒準備, 咪唔駛咁狼狽囉, 唔通幻想去到一落機就有人會approach你
3個讚
到埗一個月未settle down 有乜出奇，
況且有仔女唔提早準備就過去，我除左講無腦都唔知講乜，
再者，佢唔好掛住拍YouTube (都係想賺舒服錢啫），咪多d時間搵屋搵學校囉，
Btw, 大把黃YouTuber係英國，唔會睇呢個發死人財藍人
2個讚
佢訓咗幾耐？依家先知？
移民從來不易，就算去旅行都會做research。
出外靠朋友，你班朋友又幫得你幾多？
1個讚
由佢老婆病搵人籌旗開始, 我直覺覺得呢個男人好無用, 上面D JM 講得啱, 佢仲將佢老婆病嘅事無限loop, 依家係去移民, 唔係搬屋咁簡單, 無做齊功課就過去, 依家就上網呻… 子博係博咩呢? 博人同情定點呢…? 仲係度玩Youtuber…正正經經搵份工, 搵屋, settle down D 仔女啦…
6個讚
我覺得佢宜家響youtube 呀fb 講咁多野
都係想有人主動offer help
6個讚
我一直覺得佢好煩、成50歲人都唔化、一把年紀仲發明星夢、佢仔女真係慘
記得。所以咪話佢50歲人都冇腦。移民係大是大非問題，仲要話自己英文唔好。以為有好多friend係英國就可以幫佢。跟住又講到自己幾惨幾惨，等朋友幫佢揾工揾屋。
1個讚
Merck
16
屋企有巨變, 心情平復唔到, 都可以體諒, 多多關心吓佢
個人懶, 唔主動幫自己解決問題, 咩都伸手搵人幫呢, 就死症嚟嘅
我見YT (i.e bob叔),自己朋友都生活得唔錯, 就算冇乜錢過去都會搵到d香港人group埋一齊互相幫助, 生活都幾順利, 呢d都好睇佢大少本人咩心態嘅啫
1個讚
而家係新世代網絡世界，我無諗住移民，都見到好多移民分享。由賣樓，搬運，整visa, 租屋，落腳，登記nhs,搵學校，多到睇唔晒，由亞洲去歐洲，天氣同人都唔同啦，唔好講到好似好大件事好慘，無人迫你走架喎，咁大個人就移民前做下準備，我身邊d朋友用左3個月就成事加飛走埋，全家仲好快適應識新朋友加番緊工。
6個讚
X2 身邊直接識嘅人全部都搵到野做（絕對唔係超市收銀/唐人街），返學嘅返學，
50歲人仲成個巨嬰咁，睇唔起呢d人
3個讚
A_lcy
20
移民前唔搵定屋搵定學校，怨得邊個？
大把人去到租airbnb, 酒店一路搵屋，但人哋個plan 係咁，唔會特登開個channel 去呻慘。
佢依家似又係喺到講到自己幾慘，然後人哋主動出手幫佢嘅款，慳d 啦死藍絲。
4個讚