幼童港鐵站嚎啕大哭職員欲報警 母親突現身:刻意匿埋訓練膽量

家長管教方式各有不同,但不可操之過急。有網民目睹一名幼童於港鐵站內嚎啕大哭,且不停呼喊「媽媽」,港鐵站職員見狀立即上前安慰及協助。正當職員準備報警之際,幼童母親突然現身,解釋為訓練孩子的膽量及危機應變能力,故刻意躲藏,事件引起網民熱議。

該網民於Facebook群組「外傭僱主必看新聞訊息」發文指,日前於港鐵站見到一名年僅4歲的幼童,獨自在鐵站內嚎啕大哭,不停呼喊「媽媽」,該網民形容幼童當時「喊得好淒厲,好徬徨」。

該網民續指,有港鐵站職員目睹情況後立即上前協助,不停安撫幼童,並嘗試詢問有關其母親的資料。惟當時幼童已被嚇得心慌慌,無法回答相關聯絡資料。職員唯有透過對講機聯絡駐站警員。此時一名女士突現現身,向職員表示自己是幼童的家長,同時解釋自己刻意躲藏,目的為了訓練孩子膽量及危機應變能力。

帖文引起熱論,有網民批評做法與疏忽照顧兒童無異,「訓練膽量和應變能力可以用其他方法,咁樣萬一有意外點算」、「小朋友會有童年陰影,唔應該咁對佢」。有網民則指,以「訓練膽量」之名獨留小朋友在公共場所,甚至驚動他人,此做法絕不可取,更有人直斥為「另類精神虐待」。

另有網民分享類似的經歷,指其子欲購買心儀玩具不果後「扭計」,該網民便假裝離開,躲藏店舖門口旁邊觀察,「我唔買玩具俾佢,佢又唔肯走,一定要我買俾佢,我咪話咁你留低啦,我走啦!之後隔咗10分鐘佢哭住出嚟揾我,自此之後唔敢再發脾氣,唔敢話『要買又要買』,唔敢唔走」。

好痴線呀,小朋友大個左變得冇安全感怕事就係呢d家長做成

痴線,黨鐵最危險!
要個4歲小朋友膽量及危機應變能力?
個阿媽有病睇醫生啦!

個阿媽係BK癲媽… 歪理去教仔… :smirk:

貪玩想整蠱自己小朋友講成應變訓練 :expressionless:

試下果細路唔見一陣,練下個阿媽膽
:unamused::unamused::unamused:

8個讚

係咪傻㗎,童年陰影就係咁樣造成囉

如果個個都咁做
會令其他人好困擾架喎
好自以為是

1個讚

前排先有單美孚有拐子婆接放學 :thinking:

定係呢個家長係"阿歷山大老母"咁
偷拍個仔反應黎呃like?

之前睇過篇文話父母突然間走左去"玩"個小朋友對佢傷害好大。有時我見自己小朋友一枝箭咁走左去都會想試下同佢開呢個玩笑, 但係一諗起佢會好無助我就會制止自己。

呢啲"整蠱"小朋友的行為其實將大人嘅開心建立係小朋友的傷害之上。

咁唔係訓練佢膽量,係嚇到佢冇安全感🥲個小朋友好慘,無啦啦唔見阿媽當然會驚。

其實如果個小朋友有安全感,好多時遇到突發事都會淡定啲,因為佢知媽咪會返去搵佢。

我有一個大膽嘅想法去訓練呀媽嘅膽量。

1個讚

4歲人仔咋喎……

贏在起跑線上嘛。
4歲人仔就訓練係黨鐵有嘅危機。

個小朋友既心理陰影可以好大,影響深遠,個媽媽自己受返,以後小朋友變裙腳唔好問點解。

真係CLS

痴痴哋,我夠知黨鐵好危啦,唔駛再提我721,831啦。

1個讚

咁樣真係會焦慮症。
叫呢個母親一個企喺砵蘭街同油麻地睇吓會點

呢個母親係咪未睇過啲咩深層組織、拐帶嘅片呀?
有次睇到有條片,幾個大人帶住個三四歲細路女,去一個好似地下密室咁,個女仔仲未知驚,之後…最後最後咪用個拉鍊袋當垃圾丟埋一邊囉!

只會月黎月驚… 呢個大媽真係正