話說陪朋友拎佢用嚟擋煞吸病嘅玉鈪去玉器店翻新, 點知無開, 咁我就拎返office先, 諗住第二日再幫佢拎去店。
點知返office途中已經頭痛頭暈, 返到公司放喺電腦旁, 頭暈眼花到做唔到頂唔順。拎佢去約2米外嘅位置, 個頭即刻唔暈(真係即刻無暈)。放工行埋去拎返埋位, 又即刻頭暈。
我都想同自己講係我諗多咗, 但我知唔係…
的確係有感應力比較強既人，可能你係。
感應力低既人，我就係。
以前去探靈，個個話好大壓力，頭痛肩膀重又咩。
我只感到好似開左冷氣，突然低幾度就無了。
呢樣嘢都幾奇怪…
普通玉石翡翠應該無呢個功能…
除非係有加持過？！
佢無同我講有無加持過
我聽過老師講, 如果係真玉器水晶, 唔駛加持都有力, 加持過會勁d
我候生時感應仲強, 試過一踏入酒店房全身雞皮一秒內起晒, 即轉房, 所以d 朋友好鍾意搵我睇樓
好彩係feel到但睇唔到, 否則就慘啦
2個讚
7運時好興，work
不過到8運呢類嘢已經唔啱用，去到9運都唔會啱
（陽宅風水）
戴係身，當心理安慰保平安ok，當首飾扮靚都ok
我覺得要獎迷信同風水分得清楚d
PS我自己有好多A玉翡翠，只係當首飾用
願聞其詳
以下只係個人見解，不代表我岩人地錯。
其實風水同八字及形相學，係完全唔同學科。
但見唔少人炒埋一碟。
例如，八字欠火著紅色衫喇。
八字五行既事關形相學咩事，固弄玄虛咁。
又如八字上既本命五行計法，風水上既卦命計法，相學上既五形五行法。隨時係同一人，三種計法出來係三種不同五行。
所以無大智慧，真係參透唔到，個人著咩衫戴咩同風水有咩關係，又唔係大環境事物。
2個讚
用濃鹽水浸住佢，淨化！
我同你嘅認知一樣
風水戴唔到上身
首飾呢類… 除非係有加持過，否則就只係首飾
就算係平安符，都係要開壇開光先會有神力
否則只係一張黃色紙
平時d玉/翡翠，對個人黎講影響好細，話點點點只係一種生意手法
所以我都唔鐘意撈埋一碟，跟得邊樣喎
1個讚
其實我係想知戴玉器吸病同風水有咩關係,同789運有咩關係
依點要問返我之前個老師啦(道教), 佢講嘅
我試過(公屋)睇樓後，半夜有個伯伯好勞氣問我做乜唔要呢間屋，佢話好好住，佢住左好多年，海景中層向南，廚房又大又好用，廁所仲整埋雲石檯(似足私樓間隔，房署唔知點解無拆) 
我同佢解釋完佢話’‘原來係咁’’ 
1個讚
但你又敢幫佢拎隻玉鐲去整？唔驚吸病？
連鬼都住到唔願走?
其實我無諗到依點, 只係見朋友住咁遠, 佢相熟嗰間店舖又喺我公司附近, 咪幫佢keep住第二日拎去整, 唔駛佢走多趟, 點知…
琴日喺公司放到遠一遠, lunch即刻拎去俾嗰間舖, 沿途暈下暈下, 一放低9秒9就走!
當日我仲應承咗朋友翻新完幫佢拎, 希望翻新完無咁勁啦
1個讚
佢係前屋主，咁睇下之後邊個住都正常 
佢見我唔要間屋奇怪問下掛？當時房署都以為我會要，話呢間好正 
我睇漏咗"半夜"兩個字, 原來嗰個伯伯係前屋主。你點同佢講唔揀嗰間?
我同佢講左家人身體問題所以無要呢個屋，佢都明白仲好有禮貌，後尾我就派到心水屋 
2個讚