首先我唔係會計人, 也沒有請會計顧問. 都係睇英國政府官網, 注意或有錯誤只能做為參考.
見網上好似無相關資料, 寫下來比有需要既人睇下.
我最初既觀念係同香港一樣, 果個財政年有收入, 首次報稅時先要登記埋稅務編號.
近來上網見報稅限期, 有所感去詳細睇.
先知原來英國係分開既, 成為英國居民後便要登記稅務編號, 無收入唔使報稅係另一回事.
關鍵係英國居民既定義, 網上接近一律認為係財政年住夠 183日.
原來比較複雜, BNO 好常見情況係來到無工作無收入:
- 一直住酒店BNB, 無固定HOME地址, 未住夠 183日, 非英國居民.
- 到步先住酒店BNB, 後來租/買左屋, 入住未夠 183日, 但在 2021年4月5日前計在新屋住夠 30日, 由搬入新屋果日起計, 已經係英國居民!
還有其他情況, 詳細自己睇:
RDR3: Statutory Residence Test (SRT) notes - GOV.UK
由於成為英國居民, 便要做首次稅務登記. 條LINK係 Register for Self Assessment not self-employed.
2020/2021年度的首次登記限期為 10月5日, 差不多到期, 登記好趁手.
遲左登記最多都係罰款者.
登記後會10天寄稅務編號比你 Unique Taxpayer Reference (UTR), 有稅務編號後就可以報稅或攪 Split-year treatment等. 我都等緊寄信來, 無進一步資料了.
網頁好詳細, 請有需要者自己睇.
