我打算一條友去，去到租樓
帶衫都係一個大喼，文件用一個背包，最多加多個ｈａｎｄ ｃａｒｒｙ
有乜野係要用到幾十個箱?我上網見人帶幾十幾百個箱
租樓應該乜電器家私都齊哂
1個讚
一家大細, 實有好多雜物.
已經掉左 2/3雜物, 例如兩千幾本書, 只運走五百本到.
無運任何傢俱電器 (不過有運 5部電腦), 都有八十幾箱野.
估計係一般家庭, 最常見既數量.
8個讚
呢個咪係答案囉。
你一個人去梗係唔同啦，我以前去讀書都冇咩行李啦，但係有啲人一家大細又有BB，咁實多行李㗎，UV消毒櫃，highchair etc
有啲人又帶埋老人家去，老人家又係用慣自己嘅嘢，都冇辦法㗎
唔好用自己嘅標準去睇人哋。
33個讚
你一個人冇野帶，唔代表其他人冇
更何況人地一家大細
另外，你租屋唔代表人地都租屋
你好似好不屑其他人要帶咁多野走
7個讚
我驚自己帶漏野姐
邊得閒質疑人地
睇人，冇話多定小。我朋友喺香港做咗10幾年嘢，先幾年前返美國，兩個大人冇細路200盒，連埋傢俬一個貨櫃唔夠裝。我如果搬去外國應該120盒左右，希望一個貨櫃夠裝。亦有朋友乜都唔要，幾十盒半櫃有找。
如果你樣樣都可以斷捨離，其實冇乜野需要帶,可以過到黎先買都得。
我地一家4口運左20箱，d野三個幾月都未送到黎，如果真係要等住用根本等唔到，有d野最後都係呢度買
人地運成隻貨櫃買，乜都pack
我見youtube有人教攝紙巾當防撞
好多
Book左成隻櫃，帶到咪帶。兩部琴、少量傢俬、多數係d細細件嘅野(廚具、衫褲鞋襪、書、魚缸、床上用品、電器如揼揼鬆、風扇、電飯煲，又有玩具，沐浴露呀洗頭水存貨咁)，執下執下就會有好多箱，真係pack左大大大部分嘢走。
來到外國好少買衫，去街都係買嘢食多，帶過來嘅已經夠用，咁又可以儲多d$。
1個讚
我都plan緊一個人走 應該都冇咩會帶
哩邊日日都煮飯，日式電飯煲！
係哩邊肯比錢都買唔到，上日本 amazon都只有電壓110v。
太太來到後先醒起想要個日式多功能煮食鍋，搵晒都無 220v。結果係香港網購再 dhl過來，個鍋連埋入口稅先 3k港紙，但運費要 4.6k港紙。
所以單人無咩拎，都記得拎日式飯煲同多功能鍋，強烈推介！
14個讚
聽講係英國啲野好貴，仲有好多野係香港買好易，去到個邊係好難買到，講真基本家電少量傢俬都已成要裝好多箱，當你突然好需要個樣野，發覺原來無帶，又無得買，你就會後悔架啦 
話就話租屋都未必所有野齊哂，最少唔會有電飯煲
1個讚
唔講真係唔知 唔該晒
但果邊電壓用是咪都一樣啊？
英國電壓220v，三腳方插，同香港一樣。
因為香港跟英制的。
其他電器，全部都買到，價錢同香港相若貴少少(VAT關係)。
1個讚
你呢個經驗之談真係好，其實外國人都係咁生活，無話有咩必須要喺香港帶走。
咁帶定多d廚具都好啊 話晒都係自己煮多 一到埗好多使費 我都要慳住使 怕冇咁快搵到工
要計下運費 vs 當地買唔買到
日用品就唔駛
長用嘅小家電，飯煲+熱水壺應該會拎
請問你有咩多功能鍋推介, 我而家都斷舍難
Bruno，而家鐵板燒，火鍋，蒸點心，章魚燒都係靠佢，極好用！