杯水會減少, 咁係成杯倒左佢再加入成杯新水
定係每次都加 DD水?
謝謝
我係加水
我會換新，積左塵驚影響法力
放杯水有用係呃你，因為易做，又好似係一個解決方法，風水師，流年運程書都會咁講，坐向見水，所謂水，係活水，海洋，河流，湖，池塘，要流動，不可以係死水，要有生命，唔可以放膠魚。
用杯水解決風水問題，等如用一片藥水膠布 cover 一個俾菜刀斬嘅傷口，其實無用㗎。
真係要在某一個方位放水，人工而有少少用嘅嘢係魚缸，要有濾水器做水流，要有活魚。
當然，向海嘅威力一定比向魚缸強很多。
go back 返你個問題，係加水，因為自然環境中，水唔會全部換晒，係「降雨」或 「河流引水] 去補充.
6個讚
認同，本來都想話放杯水無咩用。
但可能只係我唔識用者，所以作罷。
另外，無魚既水風輪，動水試過都有效果。
前排有個住村屋嘅朋友話佢樓上放咗杯水喺露台, 正正係佢大門上面, 無耐佢d寵物差d病死, 佢風水師話破咗佢風水陣。係咪真就唔知。
以前個老師教過搖錢水(錢幣加水, 催財)同安隱水(龍幣錢幣鹽同水, 催財或化煞), 另一個風水師就以上兩款之外, 仲有黑石加水用嚟擋煞
一杯水，隔住個露台都有效？！
只能話我唔識，另外破風水擺局後出病符。
即係佢擺既係化病，以金洩土。
但因水再洩金而失效。
似係流年應數，同隔咁遠放杯水無咩關係。
搖錢水？ 同樣金生水，用銅的動水風水輪有效多。
安隱水，鹽水/鹼水，知有這方法，但我無實驗過，唔識。
黑石加水，重水性化交劍煞用？
吸引力+潛意識法則呀師兄
1個讚
聽佢講大門係流年五黃位, 話佢師傅已幫佢設咗化病局, 但樓上一放杯水即出事, 佢自己諗住放植物去洩樓上杯水嘅力
黑石加水我都係第一次聽, 我都未去計係咪交劍煞, 搵日計計先
五黃位放植物？木剋土，去刺激五黃，想應禍快些？
雖然不失為另類方法驗證下風水的效用。
我都係咁同佢講, 聽唔聽就唔知啦
信則有，不信則無
師傅教落：
五黃唔應該剋，
做好就唔好趨動佢，
靜止狀態係最理想，
極其量只能用洩。
認同，我了解都係咁。
我嗰派都係咁講, 所以朋友話放植物嗰下即刻warn咗佢, 再叫佢問佢師傅先。之後佢無update我, 唔知依家點啦。
其實用金洩五黃土，
傳統上真係非不得已才用 風玲 化洩，
之但係又有另一個說法 風玲招陰，易引來陰魂，所以⋯⋯
近廿幾年流傳另一個洩五黃方法就係 安忍水。
我都用過安忍水，效果唔覺得好好囉⋯⋯
我嗰派教用虎鈴, 但流年老虎犯太歲就唔用得
我嗰個師傅教用 真經風鈴。
該主題在最後一個回覆創建後30天后自動關閉。不再允許新的回覆。