仔有得讀國際學校，去外國讀大學，間屋留畀仔
女就讀本地，乜都冇
你有咩感覺？
雖然唔關我事
但我覺得好唔公平
想疏遠呢個咁樣對自己骨肉既人
道不同，不相為謀
疏遠都好正常
10個讚
默默希望佢女努力讀書，為自己爭氣，
用自己實力離開。
5個讚
直接疏遠，免得自己睇唔過眼
3個讚
有啲父母係咁，老公嗰邊親戚。
個仔讀書唔掂，有得去外國讀。個女天資聰穎，乜都靠自己，無得出國。
2個讚
人哋屋企嘅嘢好難理，如果係可以交比心嗰種好朋友，我可以會提少少，否則真係冇得搞
5個讚
偏心到咁既地步我提咪盞做丑人
佢地唔係唔知
係擺明偏
打個折
我都識人係咁，佢身份係個女，不過佢好奴隸獸又覺得冇問題
1個讚
你慌個仔最後會有出息咩？我就唔擔心
識朋友幾個家姐要幫個細佬比首期，其實個個家姐都嫁得好，幸福家庭，又叻，但拉仔廿幾歲仲讀緊IVE，出嚟幾年就話要結婚買樓
佢啲家姐話：幫佢囉，有乜所謂，反正個細佬都唔會有咩出息啦
4個讚
個女讀本地中小學係咪間學校本身好? 我都識人仔讀津小, 女讀國際, 因為仔有得跟爸爸入 
會唔會屋留比仔, 但股票基金留比女? 淨係睇物業留比邊個又未必係 full picture 
如果一心唔栽培個女仲要留哂資產比個仔咁真係衰啲… 比我好難同呢啲人傾得埋 
1個讚
係唔夠錢畀兩個讀國際同外國大學
咁就犧牲個女
畀我就兩個都讀本地，唔去外國讀
要去就自己供自己或者叻到有獎學金
樓就賣左平均分錢
3個讚
又係呢啲
又唔見佢供個女唔供個仔
1個讚
除非家道中落, 否則應該計好哂數先比大嗰個讀國際。一係讀完返黎, 遺產分少啲, 咁先公平
1個讚
我都係咁諗… 會唔會未睇清楚full picture? 
因為在我家
我去左外國升學 家中男丁留港讀書
家人有幫男丁買樓 聲稱如我有需要都會幫我
我朋友自己親口講冇錢供兩個幫兩個
咁就畀大仔
真唔明白。明明仔女都係自己嘅。
我唔識咁偏心嘅父母。(我識得人少)
我父母，老爺奶奶都係對仔女一視同仁。
2個讚
老一輩會痴住個仔住
直覺認為有咩物資應該留俾仔先掛
以上係斷估
我父母無同任何子女同住（暫時 
）
就算結咗婚之後，
呢種父母想同仔住都未必同新抱相處到。
1個讚
我表姐個年代已有九年免費教育，佢家境（我姨媽）正常，生得幾清秀。
表姐讀得書，亦喜歡讀，但佢阿媽叫佢中學畢業就唔好讀上去, 因為女仔唔駛讀咁多書、快快脆脆嫁人仲好，
表姐同我父母關係好親，佢當年搵我父母哭訴，但亦無能為力，我太細唔在場，只係父母轉述我知。
最終中學畢業無幾耐就嫁左，幾年後離婚，仲帶住個仔，然後靠自己有一番事業，但自從佢中學畢業後就冇再出現家族聚會，
而家有個好結局當然鄧佢開心，但我成日諗，如果當初比佢讀落去，識多d人、見多d世面先嫁，就算離婚都好，佢條路會易行好多。
我好記得有次我想買他媽哥池定係其他玩具，表姐話，你問你爸爸咪得囉，佢咁錫你。
當時我仲諗，下，佢唔係乜都買比我㗎wor,
大個諗返呢段話，佢當時一定過得好心酸
6個讚
好彩你父母唔會同番佢父母講，
唔係你表姐下場好慘。
1個讚