小朋友係SEN, 剛上小一, 父母需要返工, 想問問如果想安排功課輔導(每日), 大概咩收費? 如果補習(一個兩至三日)又大概咩收費?
:其實小一都要補習真係令我好心痛, 返到屋企, 功課都係幫到佢睇少少, 依家仲要個個星期都有中或英默 
可能問返你同校嘅高年級會有答案, 或者去學校附近嘅補習社問, 有D會有埋接放學一條龍服務
2個讚
收費幾十到幾百都有,但先要問自己為什麼孩子小一就要補習?咁肯定自己既孩子無能力,要補習先可以學到野?
如果係SEN上門補習、$500一個鐘已經係友情價。
基本上最少要兩個鐘、未計温默書。
2個讚
個個星期都有默書學校都幾進取喎
我小朋友果間收傳統、都係一個月一次中英默、成個上學期中英各三次默書
1個讚
同意
自己讀書時做補習，都遇過SEN小朋友，一般無受過訓練係唔識點教，會教得無效率，最多就係幫到佢做晒功課
1個讚
我覺得貴都算
仲要小朋友未必吸收得晒
駛完錢未必見效果
始終係小朋友本身喺讀書方面先天不足
1個讚
我就係怕呢樣, 唔識教仲浪費時間
嗯, 真係好貴, 但我都明俾專業人士補係唔同D, 依家我都search緊, 原來fb有platform係專俾sen學生 
2個讚
我都覺, 剛升小一第2個禮拜已經讀默, 我個仔有讀寫障礙, 認字差, 佢連d字都未認到已經要默書 
同佢溫書, 自己又忟, 但又驚搞到佢唔鍾意讀書… 頭痛呀
最好都係家長自己學返點樣教先係最有用
長遠黎講，俾錢人教係好貴好麻煩
香港仲係好落後
唔似某d國家sen咁多認識咁多支援
有啲國家真係可以做到一對一上門支援
2個讚
父母雙職的話，我覺得返功課班有用
放工返黎先跟功課，大人小朋友都攰
3個讚
對呀, 依家都睇緊, 協康會NGO機構都有類似課後輔導班
1個讚
我都係一年級下學期頂唔順唔做野自己教
我去學校嗰區附近找，二千幾至三千幾/一個月，一至五。三千幾就會接埋校巴，校巴到補習社樓下
跟功課為主，做完功課先有時間溫默書
因為功課唔少，有時默書要家長跟返
邊類 SEN？
如果係 ADHD 但未洗食藥、讀寫嗰種，補習班成效會低啲。有啲補習社會好嘈好令人分心，啲補習哥哥/姐姐唔一定識教，係直接畀答案，啲學生又會 lur 答案（e.g. 唔識吖，唔知吖～～話），啲員工趕收工就會求其了事。默書係一大班默，要自己溫，錯左就不斷抄，抄到識為止，唔會教拆字認字。
要搵人教就會幾貴下，除非你覺得請普通大學生都適合，咁就可以平好多但唔係個個大學生都可以教得好同有交代，考試交論文季節就容易啲甩底。
如果只係輕微語言障礙、聽障嗰種但可以專心，咁普通都得。
學校應該有微調幫讀寫學生減默書量，不如同老師講下溝通下。呢兩年唔得，但平日學校可能有課後班請導師幫手。問左先。
1個讚
佢係讀寫加言語障礙，佢都肯專心嘅，但溫一陣就會好攰好攰。做完評估之後，醫生話佢係輕微，可能要上到小學啲症狀會慢慢浮出嚟。
你講得啱，我都覺得要同老師講吓，佢哋都知道我小朋友嘅情況，本身呢間學校都收好多SEN嘅學生 佢哋嘅支援都好足夠架，我都想問返佢哋究竟而家有冇啲乜嘢調適做咗。
我有個諗法，想請專教SEN嘅補習老師嚟幾次，從旁學吓點教，然後再試吓自己教返。
先小一，當然會溫一陣就攰，要每 15 分鐘抖一抖。
專教 SEN 嘅都好少，始終有唔同種類嘅 SEN，比較多係 ADHD 或者讀寫一樣。要好有心機搵，同埋價錢唔會平。有 SEN 小朋友嘅家庭，最好嘅老師就係爸爸媽媽，唯有自己辛苦啲跟貼同不斷上網搵資料。
問下老師有冇啲街外人都可以上嘅 course 教支援讀寫同語言障礙，佢哋應該都略知一二。
1個讚
好慘