最近M到喺屋企暈低咗，住院檢查又冇乜嘢，只係血壓有少少低。之後抖咗好多日 但而家仲未回復之前狀態。隔多幾日就要返工啦，已經有飲中藥但都未好，落街散步仲頭暈暈咁 
touchwood幾十歲人未試過
1個讚
我自已無試過。
但我識人好似樓主咁年年都暈，仲要入院，睇醫生驗過血 都係食下鐵丸，食啲牛肉，唔食得生冷嘢。
我識嗰個人皮膚面色係超白，唔知樓主係咪都係咁？
血壓低、血糖低，足以令你暈低係地下，嚴重嘅休克昏迷⋯⋯
睇醫生做檢查，
睇睇西醫做下檢查好播jm…
我自己試過手軟腳軟之後暈一暈企唔到，隔一陣有知覺會醒，主要都係返工個段時間搵，因為空肚出門口，去到人多又空氣唔流通我就會出冷汗，之後面青口唇白咁暈，主要因為血糖低，朝早最好食少少野先出門口，保持到血糠就冇咁易暈，可以隨身帶粒糖，有需要時食。
我太太以前都係咁，好易突然暈低。去醫院詳細檢查後，又唔係有咩大毛病。
簡單講就係身體差，好易病又好易暈。
靠食中藥幫補無咩用，要每日全身帶氧運動及拉筋至少一小時，飲食要健康，倦或眼訓就即刻去訓。
咁樣過兩三年就可以比普通人更健康。
不過前題係要唔使返工，唔夠休息係調理唔到身體。
1個讚
其實你唔好怪我多事，你已經有糖尿病(低血糖)嘅徵兆，
因為健康正常嘅人，會將身體內儲存脂肪轉化為能量。
小心保重身體！
1個讚
我都係面色較白 唔飲凍飲
係呀我身體都係咁差 而家請假休息 再加伸展運動
差啲暈低試過兩，三次。
好彩身邊有人係到。
身體健康影響成世人，趁仲未年紀大仲有得救要的起心肝去恆常運動。
如果真係唔返工唔得，轉做兼職或者無咁花精神體力既工。身體差的話，好多野想做都做唔到，健康最重要。
我都未試過
不過我係貧血底，平時都青面
黎m仲青（會嚇親人個種）
所以都習慣m到要化返少少妝
要定時食正餐，食夠食飽
見暈先飲糖水已經趕唔切，照嘔
我都好多年冇低血糖暈啦，以為試過暈暈地去急症check都話冇事，之後生小朋友時都冇話我血糖有問題。希望touch wood 身體無乜事。
我，之前一年loop n次，暈到唔醒都試過 
試過醒左問呢到係邊到黎？點解會係醫院 
可能有d人唔識將身體內儲存脂肪轉化為能量 我自已係呢類人 
已係醫院驗過血全部正常，要靠自已小心。
咁要健康又唔使話唔返工嘅，一日一個鐘運動好多方法做到：每日早1個鐘起身做運動、每晚騰一個鐘出來做運動、打散朝早半個鐘夜晚半個鐘、返工放工早一個站落車行路又可以係運動、係公司搬下文件file 又可以運動、坐係公司自己個位伸下腿都可以練到core （提起大腿用core 力hold 住）…。
當然騰咗時間出來運動，就要犧牲其他活動（例如打機、上網、煲劇），每日有做運動又會好瞓咗，好容易瞓夠7,8個鐘，臨瞓想碌下手機都無力
2個讚
對身體無問題既人係岩既。
但對身體差既人，單係返完工已無晒精神。
唔會再有體力去有效運動，輕度既運動係唔能夠改變體質，訓多陣隨時更保養身體。
所謂有效運動係要出現肌肉酸痛的程度，這樣身體才會作出超回復增強體力。
不過係唔夠休息底下，有效既運動量會大量消耗維生素，會更加易病，身體會更差。
額外食維他命都吸收唔到，因為有吸收上限。
3個讚
有，又係因為M到，頭暈面青、嘔、痾、肚劇痛腰痛不突止，嚴重時係會暈低，我啲朋友都見慣，我塊面突然變灰色就會扶實我
由細到大都困擾我，睇過無數次醫生，都係話我乜低物低果啲，生左小朋友會好啲，生完係就係好啲，坐月調理都幫到，但如果同其他人比，都仲係好嚴重果種…
而家生左3個，加上日常食月見草油，用月經杯，就改善左7-8成lu~
不過咁多年來因為自己身體咁，我已經習慣唔食寒涼食物（咁凍飲都有飲下嘅），面色係會好啲