小女現在在一家傳統女校讀中三，在現讀的學校一直墊底，曾在中一留級一年。在學校幾乎沒有朋友，被老師說不合群，分組總是沒人和她一組。成績極差，默書有時會拿零分，幾乎所有科目都不及格（但強於數學和歷史）。經常欠交功課和欠帶書。請教各位有甚麼辦法可以幫她？轉校？
1個讚
小學時期呢？都係一直hea讀？
你有冇搵補習比佢？你自己有冇跟？
學術方面，佢應該要搵私人補習老師同佢跟！
經常欠帶功課交功課最難搞
跟本冇責任心，你都唔會想同一個成日比老師鬧既同學玩啦
特別你講係傳統女名校，一般學習氣氛比較濃，自然會避開你個女
你有冇同佢傾過？係因為咩問題？
如果係因為比同學排擠、唔喜歡學校老師 - 應該轉校！
你講得女名校，學校要求一定有返咁上下高，如果你想佢「醒覺」可能要考慮轉去不知名既happy school，少左功課自然少左欠交功課既機會
同埋最緊要我覺得佢如果冇朋友，應該唔會享受返學生活，如果轉校可能識到新朋友，可能由朋友激勵返佢「半死」既返學心態
（不專業分析）
（如果用詞不當，請唔好介意，我冇攻擊性
）
11個讚
其實佢成績咁差，原因係咩？
正常入到傳統女校，小學成績應該唔差，點解突然無心向學？
我覺得會欠交功課，零分唔係蠢咁簡單，因為蠢係溫極都低分，零分同欠交基本上係放棄左
3個讚
1.小學嗰陣名列前茅
2.有搵補習，除咗星期日都要補
有幫她溫，但係都係咁（金魚記憶），讀默就得，背默就唔得。
咦！
咁似係心理問題多喎！
會唔會真係因為冇朋友，令佢對返學失去興趣，放棄學業？
佢有冇可能因為太大壓力想放棄？
學校應該有社工，有冇傾過？
你有冇問下啊女想點樣？係咪真係討厭學習定討厭學校？
1個讚
認同，小學成績好，唔會突然溫極唔識，佢似放棄左，唔想記
2個讚
冇朋友對青少年心理影響極大，成績唔好，自我管理差，學校搵唔到歸屬感，長久磨滅自信，而且小學同中學讀書方法唔同，又經過疫情，冇左鬥心越嚟頹，到升上高中課程更多更深點追，中一留過一年，會唔會呢間學校教學方法唔適合阿女
3個讚
有冇做過sen評估？(有機會係中學要用到d女兒要支援嘅 high order learning/thinking skills，小學未用到所以學業依然ok)
呢幾年家庭狀況有冇改變？
亦有機會係外在因素，例：家庭、朋友等影響。
有一種真心喜愛的興趣/課外活動嗎？
找到有滿足感的活動，令她有了動力走下去先，搞掂番生活人生，慢慢再追成績。
5個讚
問過她，她話唔care 冇朋友，一直有見開學校社工
1.冇評估
2.冇改變
3.冇（她話啲課外活動無聊）
好難想像！學校好多科目都要分組
特別女仔又鍾意群埋一堆
每次都分淨自己好難受架喎
係咪真心話黎架？
佢有冇啲小學同學/補習/興趣班朋友？
咁如果你同佢講想佢轉校，佢又有咩反應？
（我都唔係專業，純粹brain storming ）
轉校；
或者試下出面嘅社工。
如果無其他轉變，就只是由小學升中學就成績一落千丈，好可能係學校和同學嘅原因。
會唔會逼得太緊呢（一星期有6日要補習）
分析得好正確，我個女情況就係咁。
本身我對學業係零要求，但太太o危我幫阿女上所謂傳統名校，話校風好呀咁。我答應左，不過講明上到中學後唔會再幫手。
到入左去後。阿女根本就唔鍾意讀書，格格不入跟唔上又拖欠功課，好唔開心。
夾硬讀左兩年，最後都係轉去 happy school. 而家咪好囉，鍾意返學，正常返晒。
勉強無幸福呀，我認為返學開唔開心重要過學業，唔係想做專門行業的話，讀書成績真係唔多重要。
6個讚
轉校吧。有個機會重新開始
咁平時課餘會做咩？
最重要搵到唔無聊的事。
好少人會真心唔care冇/唔需要有朋友，
多數人係失望到一個點，話俾自己聽，冇都可以生活得好好。
女兒和您/其中一位家人/親人關係親密到似知己？(如果係就可信唔需要朋友，因為係第二度搵到）
有冇討論過轉校？女兒點睇？
重新嚟過，去到一間冇人識嘅學校，未嘗唔係一件壞事。前提係，阿女都想重新開始努力，否則歷史只會重演。
3個讚
如果真係對小朋友心理造成咁大壓力，真係好無謂
大家都唔係冇睇過個啲為學業擔心而放棄生命既新聞…真係好令人傷心
難得你同太太都睇開左，識放手
祝福啊女
2個讚
中三其實可以被佢揀？list你一兩間心中+現實可以轉到嘅學校比佢揀，睇吓佢點諗
其實佢成績已經麻麻嘅時候，就只求開心就好，佢已經hea開，唔通hea到80歲？諗定條後路比佢，比啲希望佢……
傳統學校+女校+墊底……比我都唔想返學啦…. 衰啲講句，讀男女校女仔點都執正啲返學，返學望吓男仔打波都提吓神啦
3個讚
轉校啦-程度相差太遠會搞到唔想讀
冇朋友唔想識-應該係留班關係
環境唔適合就要去改變
可能新學校d老師同學好中意佢呢
2個讚
轉校，你個女依家覺自我放棄緊，快啲救返佢上黎。
我都係傳統女校出身，自己當年都係墊底，但未去到最底。中一全科除中文外全部唔合格，因唔習慣用英文讀書。但有人比我更差，無位比我留班要升上去。
中二終於留班，重讀既中二都跟唔上。但我有朋友，但係成績差個堆，大家一齊鬥低分唔讀書，成續好既唔會同我地玩。
最終我玩開個班，差唔多全部退左學或去外國讀書，有個中一留左三次班既同學，去左band 3 學校考第一，仲做埋班長，自信即刻返哂黎。
另一個轉去次一個band 既男女校，即刻變校花，又係讀得好好，後尾入埋hku .
而我係惟一拉車邊留係原校，升到預科入大學既人，但真係追得好辛苦好辛苦。同我好多好多年後先發現，原來我既depression係從初中開始 , 但當時父母老師自己從來無為意唔知道
10個讚