本身個名冇英文名，而家有幾個option，希望大家可以比少少意見。
- Peter Tai Yan Chan
2.Peter Taiyan Chan
3.Peter Chan
如果係1同2，個分別係要一個middle name定兩個middle name，咁一般人/通常都只係有一個。
如果係2，有一個英文字母細階y會落左去，觀感上冇1咁靚。因為中文字有意思，咁做又好似矮化左第二個字咁。
如果係3，會最方便，但就冇曬以前個名嘅聯繫，文件上好似第二個人咁。
大家有咩睇法?有冇人有經驗可以分享下?
咁1啦，2同3好似有好明顯缺點咁
1似最正常
叫 CHAN Peter Tai-Man ……我係18歲加咗英文名…係會變成Chan Tai Man Peter……跟住你填表 CHAN Tai Man Peter……係外地，人地只會認為你有3個名，好多時叫你做 Tai….你將Tai-Man hyphenated 搬去做middle name 又唔會無咗屋企人改比你嘅中文名，又可以將Peter變做First name 
5個讚
係，Lee個就係middle name有一個定兩個嘅分別，始終一個先叫common。我爬左少少文，台灣人用hyphen來處理，但去到填表，要個符號就有d猶疑，而家就係用()括住Peter比人知係prefer name/未入官方文件嘅名。
多謝大家意見先，我覺得兩個middle name唔咪唔得⋯係少見d，至少大家冇話2同3好
我同個用家傾下
唔該曬呀
1個讚
我哋準備離港，為咗方便生活，幫仔仔加咗英文名，形式係：
Chan Peter Tai Man
咁第時啲人就會叫我仔Peter，會較方便。
至於大人，太多文件了，費事改。
1個讚
明白，即係Option 1
老公一開始係Tai Yan Peter Chan,不停比人叫Tai，Lee個習慣已經好多人知，所以一定係英文名先，拼音當middle name放後。睇來冇乜人會接受Taiyan咁連住一齊
我諗一般香港人都會留返個拼音⋯似係有少少想保留個文化?我又會諗，唔係xyz字頭都唔怕放出來?我真係好多野諗
Chan Peter Tai - man
D 人叫名會叫第二個字
一般情況如班相、成績表都唔會出middle name，係重要文件eg銀行、戶照就出全名。
而家未有英文名，有部分外國人會識得叫Tai Yan，可能見識多左唔同文化，知道除左常見英文名同Last name之外，其餘都可以當first name計，見你Asian，可能都知道個名會有兩個音。
咁當然有個common d嘅英文名方便d，拼音對佢地來講冇意思，反而叫Jasmine人地會覺得好清新優雅，又易串得出。
我個人建議用3
我最近申請英國銀行，佢先打錯我個拼音名，始終外國人睇拼音名好易睇錯搞錯，簡單無咁多不必要的煩惱。
如果兩個字都好發音就咁拼埋叫，乜都唔使加。我都冇“英文”名，所有鬼佬朋友由讀書到做嘢都係兩個字發音咁叫我，連外國證件都一齊寫埋（護照除外），幾個外國大連中文都唔識嘅親戚都係咁。想加“英文”名亦冇乜問題，不過外國人角度嚟講係冇需要，叫你Taiman Taiyan 定 Terry 冇乜分別。記得證件手續做足。
其實去到外國，啲人都好少會用拼音稱呼，直接叫Peter
我有屋企人係加拿大，佢哋話嗰度冇人會知道你個拼音係乜嘢，就算大家係華人都係用Peter做稱呼。
但係如果喺香港生活，我覺得1會好啲
小朋友出生直接用3
同意，但當時冇諗過會去外國生活，如果可以從頭來過，3係最好，但因為有一定數量嘅文件用左Tai Yan，唯有硬食。
同用家傾過，佢話用拼音，點名會叫兩個音，Casual Teacher又會特登問下個名，成件事覺得好embarrassing
但其他人嘅名係唔會問。
千祈唔好用1，外國文件會係咁錯，搞到好麻煩。過境金，過數，買樓都好煩…
要用1，都記得加返hypen
1個讚
小朋友自己意見，想揀Option 3。大家傾過，我啱啱先知道原來佢因為個名特別而覺得有hard feeling，我相信老師冇惡意，其他同學仔亦只係好奇問多句點解得d音，係咩意思，但小朋友唔鍾意「有別於人」嘅感覺。
我都係唔好咁執著要同之前個名有聯繫啦，最緊要用嗰個開心
多謝哂咁多位嘅寶貴意見呀
2個讚
想有聯繫都唔一定要放上official文件度
因為你無論揀一定二 人地都係嗌你peter
所以簡單易明就最好