12月姐姐會續第二個約，下年中會多一個小朋友
大囡已返幼稚園，會有長老幫手睇住，姐姐做野不過不失
想知湊2個既姐姐會比幾錢人工？？
做得好先加都未遲啊
睇你負擔到幾多同佢工作表現如何再決定
但Bb一出世返屋企時我會比$200「利是」佢
醒既都明白意思啦～
用利是既形式，姐係感覺上似bonus ，做得好有，做唔好就……
不過用心照顧既真係值得加
1個讚
公價
第二個合約加到5500
我姐姐暫時正常，無借錢
一
1個讚
好睇你姐姐，我嗰時續姐姐無要求加，我係俾多幾十佢齊頭，但有聽過有姐姐開到好高，最後傾到加到$5500
對姐姐黎講未必係幫手，可能覺得要湊多個/被監視
4個讚
你果時續約是湊2個嗎
其實唔預會幫手，但姐姐行開行埋叫有個大人睇住bb
你湊2個都是公價嗎？
我都係由一變二，已經第三份約了，咁多年嚟都係跟合約價，但大時大節同特別日子都會有禮物同利是。
1個讚
續約係轉工好時間
冇佢就頭痕喇
又agency fee又隔離
要俾到一個價令佢唔諗take risk 去外面搵新工
我覺得5500都要
不過都睇性格嘅，老老實實嗰啲或者minimum 都ok呢
係呀，請佢嗰時準備生第二個，續嗰時湊二個
你姐姐做左將幾耐？其實佢值幾多都幾難比較…
我生第三個先加幾百比佢，佢人好好，工作表現就一般般。
不過我返part time 好多時間在家, BB唔係好使佢湊，只係有時要佢抱住等我可以覆老闆email, 佢第二個約未完我要移民，都有比足遣散費佢，大家關係好好。
合法嘅人工。但做得好，聖誕新年，生日可以俾啲錢佢。
我個工人用咗十幾年，初時仔女細係好多嘢做，但上到小朋友去到高小, 中學已經得閒好多。
佢都知會愈來愈得閒，所以未試過問我加人工。
2個讚
我姐姐做咗近8年，照顧2個，細仔就嚟6歲，一路都係出合約價嘅人工。
每次完約，我會比幾千元當bonus, 佢生日、農曆&印尼新年、聖誕，封封利是，比佢食餐飯/買吓嘢開心一下。
我姐姐都係11月續第二個約。
一開始開價6千都唔肯制。佢仲同我講你依家出面6千都唔會請到，唔信你問下。
我係ftm,大個個都返學，細個個主力自己湊, 實際佢都冇乜野做，一日都黑玩電話，一到下畫就唔再做家務，但又講到自己好辛苦。平時做野又懶，煮野又麻麻，真係唔想請佢。
本身已經有長老幫手睇，定係第二個出世先開始有長老幫手睇？
如果係後者，睇下本身姐姐同長老夾唔夾，我姐姐就因為咁，去到有你冇我咁滯。最後我選擇左姐姐，用左8年都係最低工資。
咁串！？
如果唔係依家請人麻煩應該送佢返鄉下休養
真係今時唔同往日…
我嗰個做咗13年多，由大仔半歲請佢，到3年後細仔出世，一直都係公價俾到齊頭，過年大利是，到e+ 都無變過
佢就係知道依家請人難所以好串囉