又係什麼唔好浪費 與衛生之間，作為食客，表示非常嘔心
呢啲食店最好開佢名。
好多年前
譚仔米線2.0
咁我明炒飯點解有時特別耐， 唔係等幾個 order 一齊炒，可能係等樓面回收原材料。
炒香哂，邊個知係二手飯
之前試過一次
同同事去銅鑼灣時代過一條街嘅某車仔麵食晚餐
（當時未有黃藍之分，依加見唔到有人話佢係黃店 同一條街黃果間冇問題嘅）
咁舖頭好細，三唔識七嘅人要坐埋一枱嘅。
我哋坐埋去時就已經有啲某國人同枱等食，咁我落完單過咗一陣之後，侍應就拎住碗麵埋嚟講碗麵有咩餸同埋問邊位叫咗，之後某國人就話係自己叫嘅。
侍應放碗面喺某國人前面就行開，咁我聽落啲餸都係我叫果啲，但某國人又開始差隻放過入口嘅匙羹入去攪碗麵，仲繼續同佢朋友吹水，咁我就冇再理啦。
點知！過咗十至二十秒！某國人就同侍應講碗麵唔係佢嘅，咁我就話應該係我叫嘅，然後侍應就隊佢碗麵俾我！我眼都突埋，就話某國人差過隻匙羹入去啦，跟住某國人好意思話自己冇食過！真心痴線！咁我咪話佢放咗隻食過嘅匙羹入去囉，個侍應仲要附和話佢冇食過，照放低碗麵！！我就話我唔要呢碗呀，有佢啲口水架！仲要一路攪一路傾偈架！
之後侍應就拎走碗麵啦。隔離枱有個呀叔答嗲話：「你仲夠膽食呀？佢一陣俾返同一碗你」
咁我就出去偷睇佢點整過碗比我啦（廚房喺門口，用透明玻璃），睇住個廚房拎起碗麵倒咗湯，留返啲餸喺隻碗，再加過啲湯！（洗吓啲餸嘅概念？？？）咁我就指住話碗麵同講呢碗俾其他人食過！我要過碗新嘅！咁廚房就問侍應咩唔係換湯咩？然後有個話到事嘅出嚟問咩事， 我講完佢就話冇問題，即刻幫我換過一碗新嘅餸新嘅湯。我睇住廚房倒咗啲原本嘅餸去暗角，再重新整過碗俾我。話到事果個話：「冇事啦，有咩要求即刻做俾你，可以埋位等等。」但我都唔埋位，繼續睇住佢整換麵。然後一路食一路勁嬲。勁嬲點解唔直接走人。然後永久blacklist
咁究竟係個待應pk定係個廚房講大話？！
好彩個啊叔提一提姐…
有時可能都冇諗過啲人咁樣做野！垃圾！
我可能以前食過呢間野 
禁恐怖嘅 
應該係個侍應唔想嘥 所以叫廚房換湯
唔想嘥不如佢自己食咗佢…
下次要轉款
有時碟嘢俾人換返出嚟再俾你食都唔知
嘩！搞錯呀？！好離譜喎，個侍應完全覺得無問題，好彩你跟去厨房睇啫，唔係咪食人口水尾？諗起都核凸呀！
諗起好多年前出去打任食嘅邊爐，見到侍應執枱時會將啲食客食剩嘅響鈴特別拎開…唔知佢係諗住回收俾下一枱定係自己食…
係，好彩之後去其他餐廳都未試過有咁嘅事。
連上次我媽話飯太硬要換，
食左幾啖，
侍應都無炸型，
照換比佢。
我細佬都有問佢會唔會攞番同一碟比佢，
我媽話無，真係換咗比佢。
商家有冇誠意，客人係食得出。
唔好當啲客係傻。
所以有時食唔晒我都會整污糟啲野
整啲汁落去/整爛佢之類！
原來咁都可以投訴
我試過喺某泰國餐廳叫啲嘢食
成半個鐘都未到
但我見隔離檯兩個鬼佬係咁吹水冇掂過啲同我所叫一樣嘅餸，堆餸喺嗰度都有10分鐘
同侍應講完後
冇耐佢就悄悄收走咗佢哋啲嘢食，行咗一個圈擺低俾我
我哋勁嬲，走咗冇食到!
It’s crazy!
係幾年前了
近年已經執咗喇呢度
不過真係好癲
me2
食海鮮，例如蠔，啲人都話會重用啲冰