我發覺近呢一，兩年，去餐廳食嘢，啲人放杯水或餐具，係唔會放喺你面前，佢哋只會就咁放低就算，好似呢張相入面杯水咁，係放喺你對面嘅枱邊。
我記得以前唔係咁，就算茶餐廳都會放近你，但宜家就算係食物，都係好似呢杯水咁放到遠一遠，可能有人會話，餐廳忙啫，但唔係呀，呢間嘢客人唔算多，坐唔夠一半，侍應亦夠人。又可能話，賺你少少錢就唔好要求咁多啦。
係咪我閹尖？我知道高級地方唔會有呢啲情況出現，但其實……我覺得呢個亦係對食客嘅尊重。
1個讚
有D餐廳侍應係差D,我之前食日本野都試過好差既侍應!
之前去D-PART間"南小館"(好似係呢個名),個後生女侍應態度衰到我地即刻走 
又遠左d以為對面坐緊人 
，不過我又無乜所謂
我又無乜所謂，唔好行太近我仲好
我點都會講句唔該。
1個讚
係咪費事同你太近？
我覺得係貪方便
2個讚
我覺得對面無人，而你又伸手可以摸到就可以。
放得近，唔覺意你同時有大動作，整濕咗貴價手袋，靚衫，電話，到時又要俾人罵，不如放遠少少，大家都好。
普通餐廳一定好似軍用物資咁，無聲無息，放低就走，客人撞到唔出奇。 平價嗰啲直接空投，落枱有聲。
一係去高級餐廳，女僕 cafe, 一定好招呼，放低之前一定講 主人，你杯茶送到來啦。
9個讚
都預咗你用黎洗餐具, 唔係飲
試過一次最差經歷，
有一次大年初一係屋企樓下大排檔同爸爸食早餐，已經聽到啲人話上菜有慢，不停上錯野。
一地都係寫過既單。
到個侍應黎落單，
等左半個鐘，
爸爸話算啦，比啲耐性。
佢將我個麵攞咗去隔離台，
隔離台話無叫過，
阿姐大叫邊個嗌餐蛋麵。
我舉手，
佢原個麵攞比我，
我呆左。
雖然知道無食過。
但有啲唔舒服。
唔覺得閹尖，如果呢D都唔算係合理期望，咁不如直接用機械人代替算了~
1個讚
呢間我領教過. 差到XX.
而且野食又勁難食又貴! 永久BLACK LIST
1個讚
其實都冇乜所謂,一般都唔飲(唔衛生),因為自從有次見到侍應手指插喺水杯水裡後,都唔會再飲送嚟嘅水.
我去食中菜or 飲茶成日都遇到。
張枱太細，食食吓上菜時，佢就叫你幫佢拎起D碟，俾個位佢擺。
張枱太大，就求其擺低，好似樓主杯水咁
。
1個讚
我都試過侍應態度服務差，而嘢都未叫就走，唔想食得唔開心。
我就係有所謂，或者我都應該要改改，對呢啲唔好有所謂啦。 
我都有講，自然反應…
我未除口罩得，就算個樣唔討喜應該都睇唔到掛？同埋我都唔係衰衰格格嗰類，正常女人仔一個。 
認同。
[quote=“fsforth, post:7, topic:52991”]
我覺得對面無人，而你又伸手可以摸到就可以。[/quote]
所以，我咪懷疑係咪我閹尖囉。 
呢樣我又接受到，
早餐時候見佢地同一時間攞兩三份早餐上菜。
互相體諒。