你地有冇common frd feel到？
病入膏肓唔計
如果只係誤入岐途我會幫手引導佢
人就好似個洋蔥咁，由External入手要剝好多層先會剝到去Core
亦即係話人嘅行為去到思想Pattern，再去到感情成個Process入面都有多重Filters，你要識搵邊個Filter出問題先搵到解決辦法
所以我唔會Judge對方嘅感情，理論上所有原生感情都係Valid（包括妒忌同埋憎恨），問題只係在於你點Recognize佢同埋點處理佢
香港冇所謂嘅情感教育，見大把人去到30~40歲都唔識做Introspection，因此好多人成世人都係行Auto-mode，好多嘢都係憑直覺。呢種人最主要嘅特徵係當你問佢點解嗰陣，佢只會答你因為我覺得囉，因為我想囉，完全提供唔到背後嘅脈絡畀你，因為所有嘢都係由直覺出發，佢自己都唔知自己個人係點樣運作
而我就會幫手去搵佢邊個Filter出現問題
因為如果你將人嘅思想行為模式畫做Dendrogram，你就會知只要有一步出錯，後面只會繼續錯得更離譜，亦即係俗稱嘅「鑽牛角尖」
如果佢哋本身都想改變，自己都唔滿意而家嘅自己嘅話，佢哋係會聽我講
我諗我睇人算OK，我會識分邊種人有得救，邊種人冇得救，後者我根本講到第3句就會自動消失，真係彩佢都有味
5個讚
咁當然會睇往績同性格啦
有d人自己歪理完，仲要揾人撐，有d真係撐唔落
又或者同類事件loop左n咁多次，佢都唔經一事蔡一智，再提點佢又傷感情，所以我有時都 noted with thanks mode
2個讚
最近同2個識左20幾年既朋友傾計呻下,我以前好少同佢地呻,由細識到大我對住佢地係報喜不報憂,但呻完之後大家感覺close返,原來都仲有少數好朋友係無咁自私 
不過自私既人都唔少,以舊同事居多 
1個讚
呢樣真呀,我本身個人"林"又易心軟,但當我俾曬機會d"朋友"都仲係咁衰,我就會斷捨離佢地,我唔會嘈交,但會開始拒絕同疏遠佢地 
1個讚
明呀。
以前有個中學同學，係老死，最friend係佢，之後我哋成班出嚟做嘢，佢繼續學業，每次出嚟食飯，我哋都唔駛佢俾錢，因為我哋有收入而佢只係學生。
之後佢畢業啦，去咗California fitness做sales，好自然好佢，我想join會唔會有優惠，佢答我：無喎，都係咁多錢。
從嗰刻起，即時心死，我唔再當佢係朋友。
有d識於微時，但三分顏色上大紅先煩
明知common frd 未嫁, 成日曬幸福
有時好老尷
1個讚
呢種人係幾老土，唔識顧人感受。
3個讚
一係就自己覺得自己揾好多，又有意無意講
以前大家屋村大，咁ok啦
有個嫁左搬左，話返去住屋村嘅老家，洗手d水都皮膚敏感喎
同場仲有人住緊，你話呢d人想點？
1個讚
滴汗
1個讚
真心唔係唔比分享
但咁大個人，有邊d嘢係hurt 人要避開，唔係話識得耐真性情就咁
佢似乎唔係hurt人咁簡單，似係話俾人聽佢變得好矜貴，高人一等。可能因為自卑變成咁。
2個讚
呢個唔出奇
真心我識人幾層樓full pay 都冇咁講嘢
2個讚
你好勁！想請教下點樣先可以擺脫到auto-mode ,有無咩書或video 推介？
1個讚
你朋友係咪好細個剛出嚟做野果d
如果佢長期放負 又唔係呻先搵我/有野先搵我幫 我應該唔會再contact
好難推介到咩Resources畀你因為我都係一路學一路搵啱自己嘅方法
冇話乜嘢書或者乜嘢人令我印象特別深刻
我天生對自己要求好高，所以我嘅方法都太Hardcore唔啱一般人
我覺得你由Mindfulness入手會幾好
唔理你對Spirituality有冇興趣都好，呢啲練習可以令你習慣Feeling present，將你嘅Focus拉落自我感受度而不加任何理性批判
如果你對呢啲嘢冇興趣，其實都係講緊你要做你自己嘅父母
因為我自己就好Buy每個人心入面都有Inner child呢個理論
如果Inner child受咗傷或者受壓抑，都會引致你做出好多反射性、自我保護、又或者唔係由心而發嘅行為
跳出自己嘅自我，由第三者角度去觀察自己，好多嘢都會清晰好多
而點解你要做你自己嘅父母，係因為得你先知道自己需要乜、乜嘢係對自己最好、同埋點先可以令到自己成長。而且父母係絕對唔會扔低自己個仔自生自滅唔理，會隨時喺身邊睇住自己唔好行差踏錯，簡單講亦即係self discipline嘅一種
聽落好似好黐線，好精神分裂
不過唔係個個都有勇氣去面對自己最真實最脆弱嘅一面
呢個方法唔止可以令你更了解自己，仲可以學識去用正確嘅方法愛自己，用接納角度去培育自己，所以亦都有利於Healing old wounds
4個讚
我個中同做國泰,以前出親黎都串我地幾個FD份工唔夠佢好,但佢又勁貪小便宜,有時唔俾錢,佢仲要係男人黎! 
1個讚
細個嗰時有笑過佢啲古怪嘢
但大個大家唔係咁close 可能一年冇見一次
而且我都唔太講是非，始終一言既出駟馬難追
好認同，人越大，越有呢個想法