我只記得佢老豆當佢係搖錢樹。
宜家十幾歲人又自資出書搏出位?
(source: hk01 唔貼link)
" 曾歷校園欺凌自資出書談情緒健康 譚芷昀Celine：無需迎合他人
「小巨肺」譚芷昀（Celine）當年以9歲之齡參與美國真人騷《全美一叮》而一鳴驚人，原來除了音樂，文字創作亦是她的另一興趣。近日她以零用錢自資出版繪本，探討情緒健康，又分享曾親歷校園欺凌，希望藉故事鼓勵正身處低潮的孩子，「唔需要迎合他人期望，愛自己、做自己就得！」
現年13歲的譚芷昀因於2017年參與《全美一叮》，並殺入準決賽而為人認識，更有「香港小巨肺」之稱。她分享，10歲的時候開始對文字創作有興趣，並嘗試撰寫小說。「靈感多數來自真實故事、自己嘅體驗，或者啲fans同我分享嘅經歷。」
近年譚芷昀不時在網上發佈歌曲，社交平台亦擁超過18萬粉絲。她分享，粉絲們不時會向她分享日常。「會提到生活遇到嘅困難，或者學校嘅嘢令到佢哋好大壓力。有個好深刻嘅係佢原本係跳舞嘅，但大壓力到想放棄。」
譚芷昀透露，大約11歲時開始萌生出版書籍的念頭，全因她憶起約9歲時的校園欺凌經歷。「諗返起以前嘅經歷，其實係有少少欺凌。唔係肉體上嘅欺凌，而係被孤立。原本喺break time一齊玩嘅同學突然間孤立咗我，唔想同我玩，我不斷諗其實我做錯咩呢？」
「當時有喊，被父母睇到，就問『做咩事』。我同佢哋講完之後膊頭就輕鬆咗，幾個星期之後就冇咩嘢，搵到新朋友。」譚芷昀坦言，可幸父母助她走出困境，卻想到或有其他年齡相近的人正經歷同樣事情。「可能情緒好低落、抑鬱，甚至會有自殺念頭，想提高大家嘅意識。」
新書《Harper》的插圖由插畫師伍尚豪主理，故事圍繞女主角Harper因搬家而轉到新學校，卻受到新同學的排斥，情緒低落。「唔想返學，但又冇同人哋講，成日諗好多負面嘢，感覺就快爆炸。」
譚芷昀冀新書可觸及孩子和年輕人，「俾佢哋知我哋係聽到你，知道你唔開心，會陪住你。」同時帶出不必為別人而改變自己的訊息，「啲人欺凌你，或者講唔好嘅說話，都唔需要理會，或者迎合佢哋期望。做自己、愛自己就得。」新書由譚芷昀掏出零用錢自資出版，於其個人網頁發售，收益扣除成本後，將全數撥捐香港聾人子女協會。
她又分享，在上學以外，現時的時間分別分配在學習、音樂及文字創作。「一個星期有四至五日都會唱歌，每次一個鐘左右。」文字方面，除了故事寫作，她亦會譜寫歌詞，又透露接下來計劃出版長篇小說，亦希望嘗試涉獵時裝或產品設計，平衡學業與興趣。"
突然被孤立，即係你做咗啲影響到其他人嘅事，人哋覺得同你做朋友有啲唔舒服，所以先孤立你，並唔係刻意想令你唔開心，而係人哋保護自己嘅表現。同肉體上嘅欺淩分別就係，肉體上欺淩人哋純粹想玩你笑你，係你身上拎開心，你一開始可能冇做錯任何野，但人哋就係鍾意你啲被玩嘅反應，或隨機抽樣試下邊個同學好玩啲。
你係可以繼續做自己&愛自己嘅，你嘅世界係圍住你自己轉，可以唔使理外面嘅世界架～
1個讚
如果你勇敢啲去面對，應該問吓啲同學仔究竟自己做咗啲咩，然後睇吓嗰樣嘢係咪真係自己做錯咗定係人哋太敏感⋯⋯
兩個故仔係兩回事喎，呢個女主角原本一開始都冇朋友嫁啦，同你比班舊朋友孤立係另一回事囉
想混洧視聽
咪係~
好似有心幫自己過去洗白咁
我唔知佢d 同學點解排斥佢
我只係知道佢老豆為左錢無所不用其極
連家燕姐都出聲公開鬧佢
1個讚
未必ka，
總之一個同學唔鍾意另一個，你同佢玩就連你都孤立埋。
久而久之就無人同你玩。
我細個就試過。
1個讚
係~
我都覺得有時人夾人緣無咩對錯。
即係好似番工咁
早期出黎做野埋唔到同事堆都會唔開心
宜家大左就覺得唔岩傾既話少d social 仲舒服
做左個十幾年人，冇人生經歷，出書？
講點樣玩LOL?
好心啦！
1個讚
但係佢都冇諗住了解就已經覺得可以唔使理
咁萬一真係佢做咗啲行為係唔岩嘅呢？如果佢真係性格缺陷令到身邊啲人唔鍾意佢，咁所有新朋友都會變做ex朋友。
因為我中、小學個陣都試過，覺得有朋友好似慢慢疏遠我嘅時候我係會主動問佢點解，然後佢哋會話俾我知原來我做錯咗啲乜嘢傷害到佢哋，我會道歉加改，又或者好多時根本就係誤會解開咗就冇事。
如果你好care嗰個人，就會去了解，而唔係「一定唔關我自己事啦，一定係佢哋自己嘅問題唔先同我玩～」
可以係有原因，亦都可以係冇原因，如果了解過之後先發現係冇原因咁咪有得佢囉。不過要「了解」先。
人與人之間真係好複雜…
佢無打算了解都係性格問題，佢應該好在意先會出書講一個話題，但同時無檢討自己有乜問題。
所謂嘅成名令佢更自負。
2個讚
當年細個真係唔識處理，父母覺得我嘅問題。
人越大，唔會咁執著，有緣嘅點都會做到朋友。
我依家最好嘅朋友，係當年帶頭孤立我嘅同學呢～
相當有同感
中學時唔止一次遇到有朋友突然疏遠既情況
有一半case 係因為有人離間
但好離奇地,
被離間既朋友又會事後同我fd 番
仲同我講番係邊個邊個講你壞話叫我地唔好同你玩
最後反而會一齊疏遠番搞事果個咁 
1個讚
佢當時應該已"出名"，照計好多同學會痴埋佢到，玩開嘅都會與佢為榮。突然排斥孤立佢，會唔會佢自視過高，以為自己係Celine Dion
1個讚
佢老豆咁玻璃心
上次機場保安講錯一句野就俾人炒左喇
我係同學仔都驚佢一家啦 
記得…正正現在嘅香港邪惡政權，講嘢唔啱聽就冇得留低
1個讚
system
於 關閉
16
該主題在最後一個回覆創建後30天后自動關閉。不再允許新的回覆。