讀到精英班當然好，但係讀唔到，學校資源會點點分配，想請教大家既諗法。
嚟緊自行老公想㨂果間講明有精英班，但係我自己唔鍾意咁分既學校。點可以突破自己心理關口，接受老公建議。
分班好處係教識仔女，人外有人，天外有天
做人有啲目標好
但要留意仔女會唔會跟唔上進度
尤其是入咗精英班由第一名變做包尾
老師同學望佢嘅眼光係180度轉變
家長要同佢一齊適應
4個讚
如果一班內同學學習能力差太多，很難去教的，太快對能力稍差的辛苦，太慢，能力好些的同學不公平（有能力學多啲），分能力編班對同學學習及老師教學是好的，調節下心態就可以，要明白讀到精英班不是萬能，正常班也有條件發力
4個讚
精英班制度好中性
學校推行得好，的確可做到因材施教；做得唔好，易變成績篩選器。
校政家長未必可改變，只可先了解，再揀入定唔入讀。
作為家長建議多角度了解小朋友長處短處，取長補短，作適當栽培。
入精英班只是用學術成績作篩選。而你小朋友的小宇宙很大，發揮可以很多樣。
正如做官（AO)不一定好，而做物流（如CALL4VAN)不一定差。
6個讚
我中學嗰六年都係有精英班，覺得冇乜問題，因為A班同E班啲同學學習速度&態度真係差好遠
當我哋放break嗰陣會睇書做功課，佢哋會喺走廊玩打交
如果佢哋入埋精英班，上堂應該直接瞓覺，但係好在E班老師係會識得講得生動啲吸引佢哋聽，精英班啲老師就真係專心講書解答學生問題。
7個讚
好同意
你令我諗起一個比喻
我們總不能迫魚爬樹爬得好過猴子，反之我們不會迫猴子游水游得比魚快。
各有特點，各自在自己界別中努力和發揮就好了。
5個讚
好慶幸我以前間學校真係會因材施教，最後就算入唔到大學嘅同學仔佢哋都有好好嘅發展
依家都開始成家立室
3個讚
我讀嗰間算是默默教導學生的學校。
當時收到很多成績很好，但被名校篩出來的高材生。
所以明白有些學校的5**點嚟
自己細個因為搬屋轉校入左有名小學，讀左兩年讀唔上要轉校，轉左校年年考頭3名，真係好怕阿仔因為我地呢步㨂錯好似我咁，有陰影
1個讚
了解小朋友程度同質地
再調整自己期望去揀
2個讚
因為呢兩班精英班，所以學校年年穩定人數派到B1
1個讚
明白，呢排真係睇得太多，攪到自己都亂晒籠，真係要停一停再決定，爸爸成日話我想太多
1個讚
要有自信，要了解自己和小朋友。
不活在別人的標籤下。
這個很難，而付出的努力不比跟大隊少。共勉之。
2個讚
男人係咁㗎啦，通常都係事後先讚返你諗得夠全面
3個讚
老師因材施教，其實教學雙贏，如果一班乜人都有，反而無咁有效
1個讚
如果間學校本身好top, 唔分精英班無咩問題因為學生能力差距唔大，無咩必要。但相反，出黎既學生band 1,2都有，分一分有助教學。
咁如果自己小朋友入唔到精英，就同入唔到神校一樣，面對現實同調節期望lor。
1個讚
其實，我有兩個能力好唔同嘅孩子，或者講一講無精英班嘅唔好處
老大係超班馬，因為想同老二讀同一間學校，小二轉咗去津校，學校崇尚全人教育，無精英班
老大小三被數學老師長期罰企走廊，但老師同仔都無同我講，係一位認識嘅教家長講我知，老師要照顧班上其他同學，無時間理佢，所以要佢企走廊！呢個只係其中一個例子，孩子長期得唔到適切嘅關心同教育，亦唔容許跳班
老二本身係一個自信心較弱嘅小朋友，入得呢間學校，就自然有唔少同學係哥哥呢類人，結果係，點努力溫書，成績都唔會有大進步，佢屬band 1C/2A 成績，但班中排名算中下，我地決心要替佢升中時轉校，因為書院都係平均分班，學習差異太大，老師想教書都唔知點教好，倒不如去一間學生能力相約嘅中學
所以，我係贊成以能力分班嘅
2個讚
我都可以分享下我小學經驗，我讀村校，小二開始有分精英班，結果五年都係同一班同學，因為學校資源唔夠，所有資源俾晒精英班，我嗰班係升中係幾好，但其他班就好差，學校係無資源到出外比賽都只有我地班份，大左諗返，其實其他班好慘，我地接受陽光嗰面係ok, 如果另外啲班，係完全無自信
所以樓上講得岩，學校行精英班，真係要睇行得好唔好
2個讚
我就是怕呢樣，如果日日番學比老師罰，對老師對小朋友都唔好，同埋好怕究竟老師係出自愛心想教好既罰定唔好煩掉走佢既罰
最希望搵到間比到小朋友建立自信有歸屬感既學校