有左小朋友，過親節都要和4大長老慶祝，自己屋企又慶祝一次，咁就變左搞3次。
話說母親節，我結婚紀念日，和我生日都好近。和兩家慶祝完母親節，我個個月已經好累，其他節全部skip。小朋友問我幾時慶祝生日/母親節，我就答唔好慶祝係最好既慶祝。
同樣事情發生在年尾：4個至親生日，造冬，再加聖誕，同一個月發生。基本上我都係會犧牲聖誕。
去到英國，先終於唔洗再做地獄輪迴。
2個讚
2020年因為疫情、酒樓無夜市、限聚令無得十幾人一圍、兩年都無得過年團拜同食開年飯。我諗我哋以後呢啲家族式團拜都無㗎啦，兩年都無搞，大家覺得原來可以唔搞，又搵唔到地方食、搞手年紀大、咁就應該唔會再有
6個讚
隨心隨興最好，唔使定時定候限制生活
其實我屋企都係叫做各有各生活，係做節先有機會聚埋一齊，我哋通常返娘家食，兄姊會煮，我負責等食同陪細路仔玩所以我好enjoy做節
1個讚
唔想見到nancy親戚，阿婆開cctvb新聞就發表啲偉論，話乜喺外國一早被人開槍打死、示威者被人利用、打小強、黃區議員宣傳就喺樓上大大聲叫人收檔、睇報紙就睇麵粉報。
4個讚
我都一般般
儀式感對我嚟講麻麻地
1個讚
鐘意唔同嘅節日，但唔鍾意個字嘅儀式，因為成日都要勉強安排同唔同你屋企人食飯，唔可以隨心所欲開心過節
基本上只有奶奶嗰邊會做節，一年12個月都有，娘家、自己就唔做。
平時都有返奶奶屋企食飯，只係做節嗰日特別好餸，所以對我嚟講無咩分別。
過年、中秋、做冬三大節我忍，其餘唔好搞我，屋企人生日出到就出出唔到唔好煩我
1個讚
節日對我來講無咩感覺，真係純粹俾面 4 大長老。
要見可以隨時見，唔一定要等節日。
過年時我會同意柒婆政策幾日，限聚令好呀，大條道理唔見班藍親戚。
中秋月餅我可食可唔食，做冬我都無所謂，反正都唔會做正日同人迫，正常一餐飯咁囉。
3個讚
我屋企慶祝都係買個蛋糕切下，係小朋友生日先搞大少少，所以我覺得ok, 當聚下至親簡單食餐飯
冇特別鍾意過節，但平時已經好少返娘家，所以凡係屋企人生日、過節，都會返去食飯
我娘家果邊好熱鬧，我同老公都鍾意返去，不過就遠啲，次次帶埋個女都好似走難咁
老公果邊因為就住向隔離座，成日都見，都冇話特別過節要食飯，就算係食都係屋企樓下食，所以都冇乜所謂
淨番啲結婚週年、自己老公生日，已經冇特別興祝，帶埋個女出去食飯又辛苦，有時向屋企切個小蛋糕就算
如果席中有d 咁嘅人我唔會去，咩呀，反胃作嘔呀！
結左婚之後唔中意做節下下正日都係男家霸左。
2個讚
中式做節只係搵女人笨，大陸乜都禁，點解唔禁埋做節，我真心覺得如果禁的話係德政
1個讚
365日都唔洗為過節見長老煩惱，因為無機會見。
如果有唔鍾意嘅親戚出現
我都唔會去
1個讚
你就好啦
如果我要做節，叫外賣、出街食。
不過我唔著重呢樣嘢，覺得係搵個機會一家人聚埋一齊啫，有心幾時見都得。
個家族多咗三個bb，班「緊張大師」長輩更加唔會再大搞