想小朋友學好d英文，有無呢個年齡層既推介？
例牌講句，小朋友唔好睇咁多youtube.我小朋友之前日睇夜睇，睇到英文變左母語，有美國口音，不過亦講埋粗口。
如果只為學英文，只要小朋友有興趣，有人講野既就得。例如Ryan。
不過太商業化，所以我唔俾睇太多，轉左睇小朋友既documentary。但跟著佢地又變左宅男，開口埋口一堆科學用語
。
跟著俾佢地睇解謎youtube，都幾得意。但中間又有d講兇殺案，好血淋淋，要小心。
一般就睇jo channels(非英文）。
英文就睇wow English.
我屋企就係0 screen time, 但英文語境確實唔夠，需要加強。
平日有睇英文書（非日日），外補phonics 同玩玩amazing talker, 但grammar好差亦未算流利。諗緊可以點改進。
YouTube kids 可以set 年齡層
Blippi
我小朋友每日都會睇英文卡通，都係佢鍾意睇既又係佢自己揀。
除左睇片，仲有睇英文書。
基本上我小朋友聽同睇文字都明，但點解佢仲未學到講英文？
我識個小朋友睇Ryan.變佐講都好流利。
我小朋友就ryan.，peppa pig都有睇。
試下上英文1對1果啲網堂？而家Amazing talker好似hit啲。
聽同講係兩回事，同啲初初移民一樣，佢哋可以聽得明但講得好差。
可能小朋友平日生活都冇呢個需要講英文，全部都係被動學習。100% 被動學習的話可能要等到十幾年先會 “activate” 到講呢個層次。想佢講英文講到好似廣東話咁流利咁就要投入同廣東話嘅時間一樣咁多。
我識對姐弟小朋友有開 Youtube channel 整 stop motion。唔講嘅話冇人知佢哋係讀本地學校，好多都以為係讀國際學校。當然細心聽嘅話都會發覺到唔似國際學校。佢哋講得非常流利，主要係姐姐讀英文小學有更大需要去講英文，始終上堂同大部份科目嘅老師溝通都要英文。細佬本身語文能力冇咁好，但因為家姐長時間都同佢講英文唔多肯講廣東話，屋企電視又只係播姐姐鍾意睇嘅英文節目，細佬就好快急起直追，2 年左右脫胎換骨。所以除左聽睇都要主動講。齋聽唔講進步會慢啲。
少少題外話，傳統英中可能係早會、鬧人、同其他科老師講野都係要用英文，體育堂藝術堂都係英文，但其他英中可能同數學理科老師講廣東話，訓導老師鬧人都係廣東話，有啲同英文老師都係廣東話，主動學習嘅機會就少左，咁所以英文方面就難啲同傳統英中拍齊。
所以想講得好，努力搵多啲機會去主動學習-溝通～～
咁時光倒流返，你識既個位英小姐姐仲係k2,3時點準備英文令佢講得自信流利？
ryan 好嗎？你識個位小朋友鍾意睇佢咩野？
我大人角度就覺得佢成日做toy reviews比較物質, 同埋個樣有d誇張，有d悶悶地
佢英小之前讀中小，係插班。屋企冇工人，亦唔係有錢嗰啲，父母英文都好麻麻。
佢 K2、3 讀大牌子私幼，但媽媽唔知出面勁所以冇乜點培育，當初入唔到英小，嗰陣佢英文係 OK 但唔係好流利識好多字嗰陣，都係普通小朋友。後來佢媽媽覺得間中小太淺浪費光陰，想入有 Band 1 頭中學部又教得深嘅小學，就鼓勵佢接觸英文，搵埋私人英文補習都係用英文教（我唔識嗰位導師，不要問介紹）。我睇個媽媽畀補習片段我睇，個導師堂堂都叫個女讀文章，越讀越敢大膽講野。
入英小有確切需要主動講英文，咁就進步得好快了。我睇個媽媽 send 畀我嘅學科 group presentation 片，佢講英文最流利亦同佢之前講英文分別明顯，其他組員嘅英文都係不過不失，冇佢咁突出。我初初都以為啲家長吹到話講到咩冇 accent，結果睇完片我諗係家長聽唔出 
不過咁，accent 就唔係重點，講得流利有自信我覺得以第二語言黎講係已經好好。做到我識嘅呢位阿妹咁勁嘅唔多，但有佢 7、8 成已經非常好！
講到第2語言流利有自信已經好足夠，莫講話小朋友，大人都未必做到。
邊個補習老師唔重要，方法先係緊要。以上分享好有用，thanks.
K 2、3無呢樣嘢，串到字已經好勁
學校唔會要求小朋友去做文
可能你要adjust返d要求
呢樣我明，但佢係好明顯既錯，例如 I a girl, I like to dancing, she go to school using school bus. I buy down mall (I brought from the mall downstairs. )
感覺似係浸唔夠聽唔夠既明顯錯。無比較無傷害，佢既同學講fluent English 係無呢d 低級錯誤，所以想諗諗點提升。
慢慢會好，以前英國住嗰陣，行街市聽到個小學生同媽媽講 “Mummy look at the mouses”。佢肯定聽得多睇得多，但仍然犯明顯錯。
你講嗰啲，我聽好多，幾年後只要係讀正常學校又唔抗拒讀英文，就會自動修正。佢肯講就繼續鼓勵佢用英文溝通，聽就繼續聽。
我都係其他媽媽聽過你講個情形。
所以我有個問題，講英文如果屋企無人講英文，點解單靠讀文章都可以練到一口英文？
你分析無錯
依家d小朋友學英文係一句句學，你小朋友明顯無意識講一句，即係佢吸收時無吸收曬一句
應該係語境時間唔夠，所以做唔到sentence by sentence 咁去模仿
因為小朋友係靠sentence by sentence去用返文章d句子。
同埋講野係一句句講，讀得多就自然會流暢
學生字唔係for講野流暢