不殺生黎講。。。

我唔算係佛教徒,無守戒,有食肉。

但如果你地見到d昆蟲係無影響你情況下,你會整死佢地嗎? 例如我見到d野有螞蟻,我會比佢爬上手指再放走佢。呢排好多蚊,開左蚊香,間接令佢死亡或令佢飛走,有時會諗到底拍唔拍佢好? 唔拍我又被叮到好痕。
曱甴無辦法,一定要消滅。

你地呢?

1個讚

你好勁
比佢爬上手指
比我嚇C咗了

可以放咪放囉,早排成日有甲蟲飛入屋,見到會掉出窗,洗菜又試過有迷你蝸牛,又係放出窗出面

蚊會主動咬人,所以要拍既都係會拍

4個讚

在屋企,或者室內,只要係害蟲,都會殺。
有時屋企有螳螂走入來,我會放返佢出去。

去到郊外就唔會,除咗蚊。

基本上喺屋企見到嘅蟲仔都會消滅佢 但係街當然唔會專登整死佢

1個讚

我無不殺生觀念

4個讚

害蟲一定殺,我屋企有蜘蛛都無殺,等佢幫我食下屋企嘅昆蟲。

1個讚

殺過曱甴,真係好驚。
有次比佢爬上隻手到。

不如你改個諗法,你係物理超度佢:pray:t2:做善事

既然係咁可以試吓唔好鑽牛角尖,必要嘅殺生係可以做㗎嘛⋯⋯殺屋企嘅曱甴:cockroach:絕對係必要!!!

其實我無鑽牛角尖既,有時唔小心整死左,都未至於會唔開心,會講句南無阿彌陀佛。

點解會出post問,係因為有時見到人地係室內會特登整死d螞蟻,我唔明白都無影響到,點解要特登整死佢地,就算因為屋企唔乾淨,有野食碎令到佢地出現,咁係應該解決個源頭。

蜘蛛我會放生,放出屋企,家中有小朋友,怕被咬到或者小朋友接觸到。又唔識分有無毒,雖然係屋企出現得,應該係無毒既多,不過真係唔多明點解蜘蛛係會係屋企出現? :thinking:好細好細隻

你屋企都成日有?

呢個諗法好,我又無諗過,咁我之後就唔使唔拍佢地,成日餵飽曬佢地,對腳損曬。:sob:

我住郊區,附近都係花草樹木。

係我屋企所有昆蟲都係殺:joy:

我有個姑奶,日日裝香拜神,小強、蚊呢D害蟲唔會理,但係唔影響佢既甲蟲,一飛入屋就要趕盡殺絕
D人係咁千奇百怪架啦~

見到個post我諗起隔離登個post​:rofl:

https://lihkg.com/thread/2655330/page/1

之後有人post埋大師教殺小強

http://big5.xuefo.net/nr/article28/277322.html

唔關事,天氣熱嘅時候就算屋企一年四季都冇螞蟻就係嗰幾日/嗰個月會有,唔關有冇食物碎或者乾唔乾淨時,螞蟻係會咬人嘅,以前住嗰度係成日都會比蟻咬,比佢哋咬嘅感覺就好似吉左一針咁。

我諗比一個唔鍾意昆蟲嘅人見到有隻昆蟲喺屋企嗰一刻已經係比隻昆蟲影響緊:sweat_smile:

我絕對係會刻意殺死任何一隻入咗我屋企嘅蟲。

如果你會唸句
南無阿彌陀佛:pray:t2:
咁我就由彿學角度出發
無論係乜嘢昆蟲,總之天上飛地上走水裡游嘅生物,都唔應該殺

平時有啲小昆蟲,冇影響嘅就由佢,如果有飛蛾果啲飛嚟飛去,我會用個膠袋笠住佢再放出窗
我最驚曱甴,絕對唔想同佢共處,會叫老公捉走放出窗
蚊係好難捉,有次比隻蚊連咬咗幾日,之後佢先自己飛走咗

佛學所有概念都係由「緣起法」而嚟,即係所有嘢都有因果道理
你覺得隻蚊好衰針咗你好多次,咁就要諗下點解全球幾十億人類唔針,淨係針你一個
當中一定有個因果係我哋唔知,可能過往生你對佢做過乜嘢,所以今生佢先要吸你嘅血

唔殺生就係避免咗今生又種個因,下生你就唔會因為曾經殺生而有惡果
不過我哋都係凡人一個,係好難做到完全唔殺生,做到幾多就幾多,你有咁嘅心係好好

2個讚

我住村屋,螞蟻都真係好苦惱,我初初都好似樓主咁,盡量唔想殺生太多,一隻兩隻就由佢,抹過清潔完,轉頭又嚟,慢慢越嚟越多,好似喺屋企落地生根咁,最後真係頂唔順(成日個身都會好痕同感覺有嘢喺身上行嚟行去,但又唔見有嘢),好狠心咁落蟻藥先清晒(其實個心會唔安落),然後喺窗框門框噴晒bio kill,touchwood宜家就無乜。(我自己觀察係:可能外面環境有異樣,佢地就會想湧入屋)

蚊、小強就無得留低,其他小昆蟲、小動物就會放返出去。

其實有蜘蛛喺屋企可以幫手食咁d其他昆蟲,會教小朋友蜘蛛係朋友唔好搞。香港冇好毒既蜘蛛,可以放心