本港近年掀起移民潮，特首林鄭月娥今日出席香港都會大學講座時表示，以平常心看待近年港人移民，認為每個人都有其選擇的自由，政府無法限制。她又指，聽說不少人移民的故事都「好淒涼」，呼籲港人認真考慮。
香港都會大學校董會主席黃奕鑑在講座的問答環節上，問及林鄭有何忠告送給打算移民的港人。林鄭回應指，不能夠說移民是壞事，她亦不會反對移民，個人對移民的看法是「中性」，對此抱着平常心。
她說︰「因為每個人都有佢自己嘅選擇，喺邊度居住、就業，或者成家立業嘅自由」。林鄭認為，香港仍有其優勢，可吸引人才，又稱香港人才保持基本流動︰「你有地方好，佢咪去邊度囉！邊度有機會，佢咪去邊度囉！」
林鄭又提及，若香港要發展，更需加把勁吸引人才，本港的「優秀人才入境計劃」長期不滿額，惟上半年透過計劃移居香港的人數，佔全年近一半配額，反映了仍然很好多人想來香港。
林鄭說︰「我又聽到有啲故仔都話去到都好淒涼，又唔習慣，讀書要畀多好多學費。」她舉例指，若不能負擔英國私立學校的學費，到公立學校讀要亦面對適應的問題，勸喻計劃移民的港人，認真了解在當地的生活及各方面的發展。
她續指，如果自己覺得城市好，並不需要擔心，認為本港仍有吸引力，僅對於港人放棄香港未來的機遇感到可惜︰「我只會覺得可惜。香港有咁多發展，香港依家控制疫情又幾好，依家可以咁多人坐埋喺度。大家唔好忘記好多地方都仲係封城（lockdown）緊。」
佢又出黎攪笑啦…
原LINK TOPPICK…唔出LINK, 費時打格仔
1個讚
2010年佢準備退休，喺劍橋買咗樓，點解當時佢唔覺得慘？
4個讚
佢係咪思覺失調？老人痴呆？
唔記得兩個仔同老公都係英藉？
佢去劍橋時明明好enjoy ka。
5個讚
又要貼呢個
好後悔辭左份鐵飯碗黎左英國做二等公民！由香港400尺換左英國2000幾尺3層屋，日日行上行落都行都腳痛。個後花園成間屋咁大，又要燒野食，又要玩水仲要曬太陽，簡直係強制勞動！超市d 英國肉眼扒3鎊一快，一家都食到濟晒。門口停兩部車，出親門都選擇困難唔知揸邊部車，勁痛苦！
啲鄰居唔知係歧視我地定咩，成日邀請我地去d 小朋友生日party，玩到d 小朋友唔捨得返屋企。小朋友返學又冇功課冇暑期作業，同我講佢好懷念以前日日做功課做到12點的日子！放暑假又咁短，英國又咁多博物館同城堡，點玩得曬呀，仲有睇波同歌劇，而家仲plan 緊下星期去warwick castle 玩， 死啦唔知玩2日定3日好呢？
最恐怖係睇醫生唔駛錢，退休又有退休金，令到成個人冇曬奮鬥目標，MPF 攞出嚟啲錢本身諗住第日老左睇醫生，原來用唔到，完全唔知點洗好…
英國而家一日3萬單，又話要同病毒共存，一時又解封一時又自由咁。反而香港控制得幾好，一人感染，即刻封鎖小區，將啲感染既人好似重犯咁困住佢，咁先係架嘛。最緊要係叫埋我班前同事打疫苗，唔係就要紀律處分（笑）。所以我真係勸我啲朋友真係唔好黎英國，資本主義社會真係好恐怖~ #前公務員 (inbox)
18個讚
響SEARCH 潮文果度…
見到X 匯X公報…話黃絲後悔去英國乜乜柒柒…
真係
膝頭哥唔食辣椒醬
總之條柒婆 sell 咩嘢，做相反嘅嘢就有運行。
香港讀神校，補習，課外活動，一樣貴，無錢讀公立學校，就算留香港讀書都一樣。
只係讀少科垃圾科，已經值得。
佢都on 9 9 , 講呢啲！
20個讚
英國咁自由，對受慣控制既人黎講，係比較難適應。突然一切好free，無左安心感。
不過我係要自由既人
5個讚
