講吓背景先：有個讀幼稚園嘅仔，同房，阿仔要痴住我哋訓。我和老公都係YC。
呢兩年成日覺得好鬱悶，心情好差。好記得元朗發生事嗰晚，明明想行埋，點知fb彈咗啲訊息出嚟，兩公婆即時無晒mood，好唔開心咁望住手機直播。
基本上呢兩年大家都無乜心情，總係覺得壓力好大。
雖則都無諗住生多個，但又覺得搞嘢唔係淨係為咗生仔，都係夫妻親密關係的一種表現。
有無啲咩方法可以令大家心情都放鬆啲呢？
出去食下嘢
有時覺得，依個時勢，一家人齊整健康已經係福氣。down 完好好享受家庭樂，幫襯下黃店、帶小朋友出去玩、有人幫手湊就出去二人世界輕鬆下。嘗試搵樣嘢、興趣分散注意力，唔好淨係睇新聞，身體、心靈健康都係革命嘅本錢。
9個讚
成日睇住d新聞真係好攰，有時都真係要逃離一下。我贊成可以既話兩公婆自己拍下拖，一齊撐黃店都可以輕鬆下。同埋要慶幸身邊人同自己一樣思想，已經比其他人幸運
2個讚
我同老公平日攞假去開房
有時候開個房就回家晚飯
有時候閒日晚，dinner 完去酒店訓
第二朝一起breakfast 再返工
生日嗰D就staycation
結婚十年，仔都生左兩個
閒日尖沙咀酒店五百樓下都有4 stars
有apps 找房㗎
男人有飯開，心情好D，湊仔都俾心機D
衰D講，自己冇mood，都要交下功課
冇心情大家行埋，一齊响房攬住睇下you tube，食下外賣茶餐都好
日子難過也要過
10個讚
未至於影響夫妻感情，因為兩個都黃，但心情一定受影響
解決辦法：多啲行街、食黃、去下郊區，必要時唔睇新聞
1個讚
未至於影響夫妻感情嘅，其實都好想放鬆一下。其實我同意樓上有JM講話要「交吓功課」，因為親密關係都可以增進吓夫妻感情。
多謝大家嘅提議，真係寧願睇少啲新聞。
1個讚
有大影響：
疫情中不能出街食嘢，
我就每日都煮飯、煮早餐、下午茶、宵夜，
老公放假，就跟佢去釣魚，曬到變成(賓妹)咁樣。
我反而覺得關係好咗
因為社會已很亂 好多嘢已經變晒質
無影響，反而更親蜜
就係出面環境唔好，好多令人唔開心同憤怒的事，望一望屋企嗰位同你企在同一陣線的人，會有更多濃情蜜意，始終男人好直接，「開飯」係表達感情的最好方法
1個讚
有時都好化，好有末日感覺
下次行房時熄電話啦
2個讚
謝謝提醒
可以試吓理性咁劃分兩樣野，時事係影響生活嘅計劃，例如生幾多個或移唔移，而sex就係現在呢一刻享受。
如果因為長遠嘅計劃而影響你嘅每日心情，咁你嘅生活就會好慘。
1個讚
其實你哋兩公婆都係黃，已經同聲同氣了，嘗試傾多啲小朋友和日常生活嘅小事，令氣氛輕鬆啲。
1個讚
睇少d香港新聞啦…心情會冇咁down。我依家主要睇台灣蘋果同佢d網媒，只係留意下國際新聞咁咋。電視新聞n年冇睇啦！
1個讚
覺得睇新聞睇到有壓力就暫時唔好再睇，知道時事係需要，但未去到要每日睇正苦幾咁無恥下流
721果晚，更加係訓唔到，我老婆睇到喊哂，之後就不斷地睇警謊點講大話
兩年幾時間，要適時放鬆，要搵自己既興趣去做，唔好淨睇fb果d，得閒就一家人去family day，好似上個月我搵左個千幾蚊，包3餐既staycation，當慶祝結婚週年（2年來都係試過2次staycation)
我唔係一個正能量既人，但我亦接受唔到太過負能量，真係會痴線，要記得調節自己
4個讚
真係好多謝各位嘅回覆和竟見，其實我哋都覺得好幸運大家諗法一樣。身邊有朋友係黃老公+藍老婆，真係唔知佢哋點生活（佢哋聲稱唔晌小朋友面前講政治）。
其實我老公係好錫我，佢見我番工好累所以都自己解決，有時佢累又唔想：種種原因令我哋真係少咗行埋。
多謝大家，我哋會少啲睇新聞+放鬆啲個人
兩公婆一黃一藍，我寧願離婚，連良知都冇要我瞓佢隔離，仲被佢搞？
2個讚
我同佢唔同價值觀，雖然表面冇乜嘢，但係大家愈嚟愈睇對方唔順眼