急症真係一d都唔急
掛咗號之後返屋企一陣再返去都仲得
1個讚
排急症我又無試過唔好嘅經歷/等勁耐，淨係阿媽試過等聯合等到被趕走，跟住去QE即刻有得上房
私家就有朋友試過條頸生粒嘢，叫佢留院割化驗睇吓係唔係腫瘤，話良性咁就洗咗幾萬蚊，之後佢條頸又生返粒嘢，去急症醫生話淋巴炎，比消炎藥佢食幾日就無咗了
前排試過因為等唔切公立專科覆診嘅報告，去咗港安睇專科，個醫生比我感覺好hea
想講宜家算少咗好多衝關大劣人，新香港人都仲有嘅，感覺上同香港人一半一半，會睇到醫護對香港人嘅態度係好好多，有時都幾佩服醫護人員，見過對住成口鄉下話嘅人根本溝通唔到都醫者無類，真心勁
1個讚
原來係咁~~~
個感覺係︰你選擇有心但冇乜禮貌又冇效率既公立 VS 為錢好有禮貌有效率既私立
1個讚
之前講話打完疫苗後有唔舒服去急症室有特快睇醫生。
而家冇咗？
可能係分流護士會睇下係點唔舒服先再決定gwa
如果佢覺得有機會係中風，心臟有問題
應該會特快
我朋友都係咁講
佢家中有長者超過100歲要做手術
因為風險高
冇一間私家醫院肯收
1個讚
我地住澳洲, 因唔同原因呢一年去左幾次急症室,
最快果次等左唔使1個鐘 (2級程度燒傷) , 最慢果次等左6個鐘 (小童高燒抽筋有家庭醫生轉介信), 有朋友講呢邊都試過唔止一次有人係急症室等到死左先有人睇
香港急症室唔算太差架啦。。。
1個讚
高齡產婦都係，要揾公立backup
私院，快有得睇，鍾意安排你上房，service係好好，但果晚都係無得訓，而且點都要住返一兩日，埋單仲好金。建議：唔好聽佢講上房，攞藥後走 —>
無錯~ 驗咩驗咩 全部都唔驗, 拎藥走~ 幾百蚊就埋到單~
起碼有藥食小朋友唔洗禁辛苦, 自己又唔會禁擔心
澳洲好似係「醫藥分家」，睇醫生係免費，藥要自費去藥房買。
澳洲係醫藥分家架, 但唔係所有醫生都免費, 睇完醫生(如果有藥出) 就攞藥紙去藥房買藥, 係麻煩啲, 但唔會有醫生無啦啦都出啲特效藥收多幾百
我明呀。只會越來越差
人口老化，後生嘅都移民la
香港急症室就係收$180⋯⋯除咗睇醫生之外，仲包藥、化驗、x光、
有部份人士持有社會福利處發出證書，可以免去一切收費，
所以有很多人濫用急症室。
遲啲啲人110-120歲都有可能，
醫療發達。
講既當然係香港人。
個人經歷分享 
幾年前無啦啦暈咗 救護車送去QM
去到醫院時已經醒返 但心律有問題
直入做急救 有幾個醫護睇住
全部態度好好 叫我放鬆 又幫我整理啲衫
搞掂之後就推我出去等上病房
等咗6個鐘。。。 
但中間有個醫生入咗嚟幾次問我餓唔餓
需唔需要水 佢臨放工前仲特別畀幾包餅我
又有個嬸嬸助理入嚟望下我 提我通知屋企人 之後仲帶我媽咪入嚟探一探我
又話我心臟有事唔好成日拎住部電話
佢語氣係出自關心嘅
所以我對QM印象又幾好 
我好憎QM呀 
我暈被送左去A&E，不過通常去到醫院前我都會醒返 
咁佢地俾輪椅我坐唔使訓床，分流時個姑娘都好好，每次都係緊急位，點知睇醫生時佢凶我，你又黎急症呀！等幾次呀！你次次暈都醒得返就唔好黎啦，浪費資源 
我同佢講我之前入院驗到某個指數好低，我自已都有驗到好低時就突然暈，事前無徵狀，又成日跌到手腳都損曬 
個醫生仲超大聲罵我，你部機驗錯左，醫院個機都壞埋啦，好未呀？走啦，唔好成日黎啦，你醒唔返先黎啦！昏迷先醒先黎啦，走呀，走呀，你一齊正常呀，得未呀！走呀！走呀！
上次我頭暈，
行唔到，call白車入醫院。
去到診症室。
我話有啲有鳴。
佢同我照下耳仔話咩都睇唔到，
之後開始有啲唔耐煩。
一係打支止暈針觀察一下，一係就依家走。
我揀打針，
打針觀察左一個鐘無事出院。
好彩無咩事我都唔想留係醫院。
醫院好多鬼，
夜晚好恐怖。
嘩！個醫生好賤呀！ 