日頭都還好，可以去私家，但凌晨急病上黎焗住睇急症，小朋友有幾次半夜突然發高燒，擔心下飛去睇急症，2，3點去，排到朝早7，8點先有得睇，我又攰，小朋友又攰，真心無奈，之前去台灣旅行，小朋友發燒去急症，勁快有得睇。BTW ，如果半夜想睇醫生，你地會去邊度睇會快d
我小朋友以前細個，如果只是發燒無其他病徵，用冰袋等等幫佢降溫先，第二朝睇家庭醫生。我小朋友以前睇急症通常因為燒咗四日唔退、發燒退咗幾日又翻發、或嚴重嘔吐脫水。
我最耐試過下午登記，夜晚11點上病房。
其實坐喺度登記多數係次緊急，急症室另一個區個個瞓床、坐輪椅，又係勁多病人，好多人好似仲嚴重。
如果住沙田附近，可以睇仁安急症，我網友話嗰度快啲
1個讚
私院急症會快少少，
一定冇私院日頭咁快因為得一位醫生on duty，可能都要一兩個鐘，但一定好過公立。
2個讚
上網check左各醫院急症輪候時間先，我一定唔去屋企最近果間大醫院，永遠等最耐
2個讚
要快，北大夠快，不過醫生質素真係…… 
1個讚
我哋都係去政府急症室，
如果屋企有退燒藥比小朋友食住先，
第二日再唔退燒帶小朋友睇私家醫生。
我會去有夜診的私家醫院睇，不過小朋友再大啲後就發現退燒藥都係頂一陣，如果唔係太高燒，會喺屋企同佢用濕毛巾抹身，著少啲，俾佢飲多啲水降溫仲好，唔urgent的話寧願頂一晚，第二朝睇返相熟醫生
睇私家嘅24小時門診啦
揾定幾間近自己嘅
1個讚
之前我亞媽有事頻頻要去急症，等6個鐘係經常。試過有一次佢太痛等唔到帶住手環衝去私家醫院急症。
1個讚
我屋企附近無私家急症，我諗自己要冷靜下，半夜一見小朋友高燒就好緊張，但其實次次送去急症都無用，寧願自已俾退燒藥，抹下身，俾小朋友訓下，第日起身先睇仲好
半夜有事都可以去私家醫院，有夜診服務
1個讚
我私家同政府都試過
我仔係愈夜愈燒，40/41都試過
私院，快有得睇，鍾意安排你上房，service係好好，但果晚都係無得訓，而且點都要住返一兩日，埋單仲好金。建議：唔好聽佢講上房，攞藥後走
公院：係等好耐，有需要都上房。但第二日無乜事又放你返屋企，每日返病房覆診就ok
1個讚
以後只會更差，醫護好嘅都會慢慢走哂。
台灣的醫療係一流，我覺得服務仲好過英國。
7個讚
明明sars 話佢地驚到走，到而家醫療提升咗咁多，真係有進步
2個讚
安排上房係因為大部分去睇私家醫院嘅人，都有買醫療保險，好多醫療保險要住院先有得claim錢，門診無得claim
2個讚
無錯
我都試過仲係新手媽媽 一見bb高燒就衝去急症
結果等到退燒 
不過有次又係小朋友高燒入急症
燒到抽筋… 即時有得睇
如果去廣華，伊利沙伯嗰啲好繁忙的急症室，九成要等天光。最少人醫院應該係北大嶼山醫院，試過去睇急症，前面得五個人等，快過平時去診所。
如果小朋友瞓得到，寧願佢繼續瞓，朝早先去診所瞓 。
急一定會去私家
公立起碼等5個鐘以上
真心想問下, 其實外國係咪就冇咁既問題? 唔知佢地D急症排幾耐架呢… 
大個左, 有時真係覺得保險好重要, touch wood有咩時都仲可以入私家仲可以claim…