我哋兩個40歲，冇仔女，如果喺香港做多五年嘢，然後先再移民，會唔會因為年紀大、太遲搞唔成？
老公阿哥喺加拿大生活，有冇幫助呢？
睇你用乜嘢方法移民,如果係救生艇人哋未必開咁耐畀你去
而家加拿大D申請多數係講讀書移民, 定你意思係佢會OFFER份工比你再用 WORK VISA 申請? 唔係可以有咩幫助? 大家都已經成年你又唔係佢DEPENDANT
你老公阿哥可以開間公司請你哋，達到入門攞到 working permit，再唔知幾耐(其他識嘅姊妹請補上)轉 PR
好似係，除非唔係
加拿大救生艇唔係長期開放
如果有一筆錢，搵移民公司佢地會有好多我地估唔到既方法幫你搞
1個讚
你走嘅原因係乜先？
2個讚
係囉，如果仲可以生活多5年，不如再生活多50年？
6個讚
如果要賣樓，安排埋d什項，應該2年乜都攪完
1個讚
你有無 BNO? 為走難係去英國。
其他國家嘅救生艇只 target 年青人。
1個讚
如果無小朋友, 呢個年紀…我會選擇唔走, 除非好有錢唔愁生活
3個讚
其實唔一定係去加拿大，台灣或任何地方都可以。
走係因為唔滿意香港，覺得未來更加唔安全，所以想走，去邊對我來講係冇所謂。
明白到年紀都真係比較大，去搵工係比較困難，所以諗住喺香港儲多五年錢，到時賣咗層樓走，去嗰邊做啲輕鬆啲嘅工，夠養活就可以。
就係因為冇小朋友，所以可以留耐少少，如果有小朋友，我已經唔喺香港。
1個讚
問題係有無錢
你唔覺響度好低氣壓咩？
即係你睇5年之後，香港環境同而家一樣？
2個讚
你呢個問題問得好好，我諗我真係要再諗下。
雖然而家都算年紀大一群
唔expect佢會一樣，但係一般人出入境我諗應該唔會好似傳說中咁咁限制，因為始終要保住香港個位。(係咪太天真)
等多5年，又話不如又揾多5年錢
真心錢係唔會揾得曬就真
當然我都會話，唔好慌不擇路
唔會一下唔比人走，可能要申請先可以出門唔係冇可能
見到上面嘅管理方式係倒退緊
2個讚
唉😮💨
其實我最終心願係可以去布吉退休享受生活
布吉都係只適合旅居嘅地方
1個讚
都幾十歲, 可能活多20年都果頭近…
不問世事, 做港豬, 過埋果20年算…
起碼, 生活不變, 唔洗重頭黎過…
除非好有錢唔愁生活, 如果錢唔係問題既, 我一定走.
如果過到去要打工, 咁大家都知道8成唔會做到比較優良既工作… 咁…要既改變其實真係要好好既心態先做到~
當然, 有小朋友既, 佢地白紙一張, 漫漫長路, 一定走, 唔想佢地被洗到個腦變紅…好可怕.
2個讚