迦南個名成日聽，好似好出名，佢係咪好好？
好在邊方面？
女女下年k，諗緊報咩學校
有冇金巴倫道迦南用家比下comments?
老師會唔會成日轉？有冇愛心？
功課每日要做幾耐？多英文堂嗎？
謝謝
因為分校多，卷校但相對學術，唔係happy school，不過雜費比較貴
考私立直資有機會嗎？
讀咩學校都可以去考㗎，咁當然讀名幼機會大啲，因為名幼啲家長會力谷啲細路。
有net teacher，一日有兩堂英文堂，比較過其他資助幼稚園多啲。
升k之後有學卷，學校會整自己的一套教材俾小朋友回家學習，家長用學校教材教小朋友都好足夠（有phonics 卡，普通話字卡，中英文字卡，數學字粒，英文課外書等等）再加本身書商仲有延展學習冊。
學校出的字卡仲可以買埋學校出支點讀筆，小朋友可以在家自學或者家長點讀完發音就教小朋友。
我小朋友不同幼稚園，所以有比較。
多謝你解答！
功課係咪都多？
功課唔多，中，英都係各一張工作紙，有時會多一頁作業，phonics功課會在校內完成，k1開始長假期有暑期作業。
n班開始派課外書回家閱讀，k1以上就回家每星期派字卡認字
K3有筆劃表俾小朋友對應住寫工作紙。 佢哋書簿費會比其他資助學校貴，但派回來教材比一般資助學校多。(書簿單上的書包，杯碟，點讀筆不用年年買，可以同學校講唔要邊啲，扣返錢)
1個讚
請問K2 K3 有冇默書？
都有，但唔係叫默書，好似玩記憶遊戲
有一本簿，老師教過的東西，星期尾問返，小朋友把答案寫在簿上，家長要簽名。
數學，英文，中文題都有
數學就加減數，推理，英文，中文就默返教過詞語。