可能因為身邊d朋友未係好大年紀，暫時仲未聽過呢類嘢
但朋友講過職場出軌其實都幾common，我就眼見係網上討論區先多呢d「故事」分享，包括亡國個賤兔都就更年期都同男人flirt（拖手）
大家有無d真人真事分享下？精神出軌/肉體出軌都ok。最好係一手資料，非朋友個朋友呢類。
利申：純好奇
其實係咪係現實生活度少見？大家都係網上睇返黎？
長輩好多個都有。
有位男長輩，戴著戒指去泡，也刻意去選已結婚既溝，貪無手尾。點知有次二奶和三奶爭寵，二奶向大婆投訴，東窗事發。
另一位男長輩，長期在內地工作，咁就有外遇啦。和老婆和解不久，就患上絕症，大婆只有照顧他，都無份享福。葬禮時外遇都低調黎，狂喊。
又一位男長輩，和外遇一齊左長時間，老了，就返黎找老婆照顧。老婆當然冷待佢。
再一位男長輩，在中國開廠，和秘書搞關係，秘書用這機會穿櫃桶底。我父母勸佢小心錢，佢先醒悟。
同輩其實都唔少，不過唔會八到咁多詳情。和長輩不同的，是同輩多了好多女性出軌。男性出軌多數係老婆懷孕期間。女性出軌多數係生左小朋友，照顧上出紛爭。
仔仔同學父母，媽媽跟佬走左，爸爸照顧孩子。大概因為仔有少少sen? 唔方便問人地
舊同學，見佢fb po，只知道是女方出軌。大概和男方性格差有關。
識中國和白人朋友，佢地既case更加千奇百怪。好幾個白人黎左香港返工，成日換女伴，公開請去公司聚會，不當一回事。中國結婚隨便，離婚亦好隨便，朋友結左一陣，吵個架就識第二個離婚了。
4個讚
身邊都有朋友試過，一個係同一個冇左愛情，只淨低責任既對象結婚，所以婚後出軌。另一個同老公年紀差廿年，年紀大左，感情淡左，跟住識左第二個就離婚。
我其實都少八卦人地呢d嘢
同輩離婚係有，但原因不明
上一輩返大陸出事嘅case有聽唔少，老婆跟埋上去都一樣，畢竟入左 盤絲洞係難攪d
1個讚
只講我直接識得，我老闆s,
詳情唔多講，佢地根本唔怕全公司知，同二奶親密出席公司活動，而佢地老婆都知情
1個讚
我以為大家都係網上見d post寫多
原來… 咁多真實case
唉🥲
好多、以前返得大陸工作既都衰左、搵到錢就身痕
我見過有同事出軌
case 1: 男既已婚, 女既離左婚, 都已經做到經理級
年紀係玩多十年可以退休果隻
男既高級過個女
有人睇到佢地響pantry 用同一隻杯飲水
又一齊搭車番工
男既高級過女既
自然就偏私個女既
都傳左好多年
唔知男既原配知唔知
case2: 後生男
三十幾
本身有個所謂拍拖多年既女友
唔係同一間公司做既
男既講左打算結婚好耐
後來有個後生女黎做, 廿幾歲
兩個人成日出雙入對
唔知點解原配女友知道左
已嘈過一鑊
後生女調走左
點知過左兩年左右又調番番黎
兩個又翻撻
甚至公然調情果隻
最後男既同原配女友分埋手
正式同左第三者一齊
1個讚
結咗婚幾年之後冇小朋友，其中一個就出軌，因為夫妻感情唔算好好冇晒愛情嘅感覺，男同女都好容易比愛人講兩句就落搭⋯⋯然後搞埋離婚
其中一個case係個女仔本身好普通，相信從來都冇咩俾人讚過，突然有個男人出現係咁讚佢，明眼人都知咩事啦，但係當局者迷就⋯⋯
我身邊有好多「後母」case，即係啲女仔同左一個已經結婚又未離婚(？搞緊離婚)或者並未結婚，而帶着小朋友嘅男人一齊。(入面嘅準前妻唔湊番個小朋友，因為冇錢or小朋友阻住自己溝仔)
啲後母都係做晒第三者咁⋯⋯大部份都係分手收場，唯一仲有一隻case係幾年都仲一齊緊，我真心希望佢地真係可以修成正果。
另外有啲係準備結婚又同左我個friend一齊嗰啲⋯⋯最後就係一個短期嘅sex relationship，然後按schedule結婚
蜘蛛精自然會出現
年年咁多新工業妹加入
結婚之後點樣處理嗌交問題都好重要，如果第一次已經用錯方法處理、處理唔到，咁就好易玩完⋯⋯同分手一樣簡單
1個讚
呀我仲諗起一單
不過唔係職場出軌既
女既好恨嫁
一讀完書就同拍拖多年既男友結婚
點知又係電視劇果d 老土情節啦
結左婚先發現又唔係愛情喇
然後又殺出個程咬金
仲搞大埋佢個肚
最後大住肚離婚同左程咬金一齊
1個讚
程咬金肯埋單都係幸福美滿嘅愛情故事呀⋯⋯
我以前公司大老細，北京 office 包二奶，香港，北京，上海 office 都知，因為老細時時同二奶一齊出席公司活動，有時仲會上 office，半個同事一樣。
大婆就喺香港湊女，公司食飯 gathering , 我哋可以上星期在北京同二奶打邊爐吹水，呢個星期跟大婆在香港 BBQ. 無人多口爆大鑊。
老細上到去二奶點煙倒茶當大爺咁款，返到來對住大婆成隻狗咁，咁多同事面前點佢去攞 tissue, 大婆個樣都幾有威嚴，估唔到三個office 同事無一人提佢。
真係有啲似韓劇夫妻的世界，全世界都知二奶存在，就係大婆唔知。
9個讚
可能知道，但唔想篤爆佢，繼續享受做少奶奶
公司有對已婚男女出軌，經常一齊返工、放工、食飯、放AL，有同事忍唔住同男方嘅老婆講「提下老公抽多d時間陪屋企人、唔好成日weekend返去公司OT」，同事話老婆嘅態度有d逃避，唔想傾落去
2個讚
似老婆知d野喎
出來見多左，其實好多女人都係咁，
以前亡國講親婚外情，好多都叫人離婚，
但現實中自問就算至親好友，比我當街斷正都未必敢講/暗示，
我朋友佢見過佢朋友嘅老公去滾，忍唔住出聲，之後離婚，但佢地亦再冇朋友做。
好記得有個亡國會員講，男人呃到我一世，我咪當自己幸福少奶奶囉
2個讚
大把啦，好多出軌的人外面係你睇唔出既，表面上廿四孝爸爸，錫老婆的老公。有些係男人會帶埋情人出來跟朋友聚會，給情人一個肯定。大家都知佢返屋企就另一個人。也有些女性朋友有老公仔女跟同樣背景的男人拍拖，回家繼續做好老公好老婆。我識嘅朋友當中，大部分出軌既女人都離婚收場，反而男人守得住段婚姻。可能女人由情感支配，男人理智很多，愛同性分開。
1個讚
可能係，但機會低，大婆屋企有背景，新界鄉村村長個女，娘家有錢㗎，佢呀哥細佬係惡到唔惹得嗰啲。
呢D堅係要學, 拍拖時如果"嘈到接近分手"一次都無, 婚後相當危險
3個讚