有冇地方可以單做一件衫?
即係我好鍾意嗰件衫，但已經冇得賣，我想做返件一模一樣嘅出嚟，因為舊嗰件已經殘曬~
有冇呢D地方?
試下問街市車衫嬸嬸，有布有件衫樣，應該唔難嘅。
1個讚
有冇真係有真係肯做?
我問過好多都唔做
同埋本身件衫車得好靚，想找有質素的
唔通香港係冇車衫高手?
價錢貴D都冇所謂，最緊要車得靚
你件衫好高難度嘅？有冇相貼出嚟大家幫下眼。
搵幫開大牌改衫既舖問下
一般街坊小店，就算肯幫你做，手功都未必係你想要既野
車衫要有先紙樣裁布，畫紙樣係一種專業，識車衫嘅人唔識畫紙樣，所以街市啲姨姨無紙樣，唔識車㗎
利申：阿媽後生做車衫，佢講嘅
3個讚
應該唔會有人會只做一件衫，成為成本時間高，度尺，起紙樣，買布（用料唔多，難買），配件，配色線，好繁複
你要搵嘅人係⋯⋯裁縫師傅
裁縫⋯⋯就係幫人度身訂造一件衣服嘅人，
我相信而家係香港仲有這職業，
只係大家一直無度身訂做衣服嘅習慣，
唔知係邊度搵到佢哋。
2個讚
你又岩喎，香港好多地方幫人做西裝恤衫，可能男人會清楚啲，好多大學生第一套恤衫都係出去訂做嘅。
亦都有好多係度身訂造旗袍嘅地方，不過唔知你嗰件衫屬於咩類型，同埋啲布料係咪咁容易搵。
如果唔介意價錢貴, 可以去金鐘海富商場, 入面好多間專幫人做西裝恤衫, 有啲女裝衫都有做, 亦都有啲專幫人改埋衫, 有次我拎衫去改仲見到葉瘤去嗰度攞衫 (好多年前仲早過佔中), 唔記得間舖個名. 不過喺晒商場入面夠集中, 可以集中問/揀
1個讚
其實唔需要紙樣，但就一定要搵裁縫師，佢地識跟住件衫起番個紙樣。（如果件衫太複雜有可能需要支解件衫）
不過車衫就要搵番車衣工，裁縫師都識車但佢地係唔會同人車衫。
1個讚
有車衫高手。但佢地多數係工廠打工幫大牌字車大辦。
係街搵到既都只係改下褲腳車下窗簾布。
試吓放一千蚊訂金先
有，我自己讀fashion design，以前D同學仔最鍾意出去搵人車衫，你試吓係FB 搵恒基改衣，睇吓幫唔幫到你。
該主題在最後一個回覆創建後30天后自動關閉。不再允許新的回覆。