見工變試工，畀你又做唔做？有打工仔表示某次到一家公司面試，準老闆竟要求他先「試工」半日，更明言不會給予薪水，令他感到不解及憤怒！
該名打工仔向社交媒體Facebook專頁「奴工處」投稿，指他有次到一家公司見工，一等便是兩小時，坦言「已經好想走」；終於見到該公司的老闆時，才說了兩句，對方就表示：「其實你口講我點知你做成點，你下晝過嚟試半日工啦！無人工㗎！」
樓主聽後雖然感到非常生氣，但依然有禮微笑回應「我下晝有事」，怎料對方續指「咁聽日啦，返一日，無人工」。樓主指「我敷衍咗佢話好就走咗」，怒斥「完全喺到嘥我時間」。
網民看完帖文後，紛紛表示該名老闆的要求無理，「呢啲淨係覺得請人係自己畀緊機會見工者服侍自己嘅公司，不做也罷」、「咩嘢公司，咁無良嘅」、「開到口個下犀利」、「勞工法例話返一日都要畀人工㗎喎。因為真係做咗嘢嘛」；更有網民揶揄，「叫佢試出1日糧畀你睇下啱唔啱feel，但唔會返工！」、「叫account（會計部）試下出人工，唔試點知佢會唔會準時出糧」。
講明冇人工都好過試完先話冇人工
老闆搵人笨啦… 痴痴地…
免費勞工
又唔係得佢一份工無理由令自己委屈
彩佢都儍
要人等咁耐先見人已經夠衰
仲要搵人笨試工一日
面皮都幾夠厚
睇下見咩工啦，有D真係要試工
呢Ｄ要開名，全部人都唔會打佢工
如果只係做下technical test
我估大多數人都接受既
但係文中既老細一開始叫人試半日工
然後事主婉拒就改為叫佢第二日試一日
感覺好似好隨意獅子開大口
咁真係有D工種要試，我朋友做老人家醫護，公司會要求佢試一日，睇下佢係唔係應付到，而呢個同時都保障求職者，當然有人會話有試用期，但試用期都有7日通知期，話多唔多，話少唔少，但唔啱嘅，7日都多。而文中無提及見咩工，如果一般文職當然唔合理啦，掉返轉講，現時好多求職者本身都有不同問題，但雇主唔會個個講出嚟，所以唔一定係種主錯哂
試工有比人工，而應徵者同意，是無問題的，但文中僱主係無比人工，只係呃應徵者做免費勞工。
例如請補習老師，就算先試一堂，都要比人工佢啦。
諗縮數，衰格！
咩嘢工又無講，雖然點睇都係老闆錯，就算係藍領工作，都唔可以免費做，有咩意外保險係唔包㗎。
呢啲好似 n 年前方向報咸濕板嗰啲故仔，試鐘真係好似係無錢收架。 
該主題在最後一個回覆創建後30天后自動關閉。不再允許新的回覆。