可以，有啲係根本唔知邊個係阿爸，咁冇理由求其填一個名。填左個名就係有權利同義務。
我記得係除非得到法庭批准，否則唔可以話唔畀小朋友見生父，呢個係生父同小朋友嘅權利。
但佢騷擾到鄰居、恐嚇罪嗰啲都可以報警，要記得留證據同錄音/影片，證明到你同小朋友都會受到以下：
如果佢恐嚇入面係有包括傷害你或者小朋友嘅成份，咁呢條警方應該係可以做得多啲，然後就係排期上庭，申請禁制令嗰啲。
改名唔需要經生父同意，但出世紙內容唔會改變，無論你仔叫乜名，紙上嘅人都係佢生父。你想佢永遠離開你就要上庭搞撫養權。
2個讚
恐嚇罪嗰啲可以報警,佢欠你錢如有証明可以小額錢債追,不如你問清楚佢想點?佢老婆知唔知?
佢而家已經傷害緊你地啦,你搵D機構幫手,我好明小朋友仲要咁細個,你一定好慌張 
我可以點去爭撫養權? 即使我幫個仔改咗名，係唔係生父嗰一欄都唔可以删除個衰人個名? 我借俾佢嘅錢有單有據，只係我想同佢斷絕一切來往，寧願唔要佢還錢…我而家收到佢嘅 whatsapp就會好緊張，好驚，成個人震晒…
我日日都好驚佢會出現，一收到佢 whatsapp我成個人震晒… 
https://www.doj.gov.hk/childabduct/tc/related-information/abduct_ricustody.html
https://www.hklii.hk/chi/hk/legis/ord/13/
呢度有寫多少少。我記得睇紀錄片講美國係非婚都有權利，但咁樣睇香港係冇權利，生父要申請先可以。咁即係你連撫養權都唔洗爭，只需要頒布禁制令唔畀佢再騷擾你同小朋友喔！
你入小額同埋報警話滋擾、恐嚇，並企圖拐走你個小朋友。錄音同衰佬講話香港法例佢要入紙向法庭申請，佢堅持橫蠻無理就報警，同警方講你地非婚關係，個衰佬唔肯跟法例申請，話想禁制佢再騷擾，咁警方嗰邊應該識教你做，再唔係搵區議員，佢哋實識得法律界人士幫你搞掂件衰佬。
最緊要係證據證據證據證據！越多越好，個衰佬每癲一次就係幫你贏一次，所有 Whatsapp 都要 cap 圖，錄音全部保管好，拍埋片最更加好。佢次次騷擾都要報警，警方嗰邊有紀錄在案，鄰居知道你報咁多次警，佢哋全部就算要上庭都可以作證。
加油媽媽！為左小朋友，幾大都要同個衰佬鬥過！
1個讚
你一定要搵人幫手,我知你唔想追返佢錢,但佢有欠債紀錄會對你有利d(如要上法庭),不過呢樣唔係最重要~
同意樓上講,你要報警先,我朋友個ex打佢,佢初初都唔去報警,到佢要上法庭時,個律師話呢d野好重要,個男人做過咩衰野都要報定案留紀錄,過左好耐都可以照報!
2個讚
明白，多謝你俾咁多意見我…
想問如我報警備案，個衰人會唔會知? 警察會唔會揾佢?
明白，謝謝你…
咁報警個警察都要上門，除非佢一聽到警察黎就即刻走佬扮冇事嗰啲。如果佢連續幾次都騷擾你然後你又報警，咁三番四次警察都應該會錄口供嗰啲。
咁所以呢個情況要錄音同錄影，保障自己。Stay safe！
1個讚
你可以係自己門口裝鏡頭影個男人點發癲,我朋友有咁做,佢仲有通知埋管理處有呢d事,必要時你真係要搵人幫手,管理員快過警察上門
11歲前唔使做改名契，出世紙唔會轉，都會出返原有資料，但係會有一段野寫返幾時幾日響邊道由咩名改咗咩名。。我小朋友只係改動英文名同中文譯名所以問題不大(前後掉轉)，但如果已經攞咗護照就要先改id再改護照。。
去搵啲NGO幫手,佢地社工日日見呢啲case,經驗多,可以話到俾你聽點做
仲有可能安排你去宿舍暫住,等你搵到屋搬先走
改姓除非夠18歲係要父母同意先得, 呢隻咸豐年CASE 就係生父無回應, 阿媽單方面申請改姓失敗。不過我覺得佢同你CASE有不同, 第一佢地係婚生仔女, 第二個阿爸係有出現有探視, 只不過叫佢同意改姓佢唔應機，你如果證明對方另有婚姻我覺得你有機會成功的
https://www.hklii.hk/cgi-bin/sinodisp/eng/hk/cases/hkfc/1995/1.html?stem=&synonyms=&query=FCMC%20281/1991
撫養權你仔係非婚生根本已歸你, 唔駛爭, 反而係佢想見佢自己去爭取
2個讚
好的，謝謝你…請問邊度可以知道非婚生子女係跟媽媽?
好的，thank you…
未成年人監護條例 (CAP.13)
3. 一般原則
(1)有關未成年人的管養或敎養問題，以及有關屬於未成年人或代未成年人託管的財產的管理問題，或從該等財產所獲收益的運用問題 ——
(c)凡有關的未成年人為非婚生子女者 ——
(i) 則母親所具有的權利及權能，與該未成年人若是婚生則該母親憑藉(b)段而具有的權利及權能一樣；
(ii)父親所具有的權利及權能(如有的話)，只為該名父親根據(d)段作出申請後法院所命令者；
(由1993年第17號第19條增補)
(d) 原訟法庭或任何區域法庭法官，在接獲申請後，如信納申請人為某名非婚生子女的父親，則可發出命令，示明申請人具有某些或所有假若該未成年人為婚生時法律所賦予他作為父親的權利及權能。
1個讚
謝謝你呀，如果個衰人再話要見個小朋友，我係唔係可以理直氣壯講佢冇權見?
揾社工~
可以係恐嚇
1個讚