生父爸爸由個仔出世到而家冇盡過做老豆責任，一毫子都冇俾過養佢，而家個仔兩歲幾，佢成日用 whatsapp纏擾住我，話唔俾佢帶個仔出去，就直接上嚟我屋企搶個仔走，又話帶成班人上嚟我屋企嘈，令左鄰右里知道整到我冇面…我而家日日都好驚佢唔知幾時出現…
1.請問生父冇盡過做老豆責任，我有權唔俾佢見嗎?
2.佢不斷用 whatsapp騷擾我，又講嘢唬嚇我，會構成恐嚇嗎?
- 出世紙有冇佢名？有既話可能會麻煩啲
- 好啊！有證有據！最好有人睇到佢騷擾你地！明正言順報警，「感覺生命受威脅」
2個讚
有個人令你覺得生命受威脅，已經可以報警處理。
佢覺得咁樣會令鄰居覺得你無面，已經係笑話。
佢有無盡過爸爸責任，就要上庭先得。
佢依家搶返個仔目的係乜？
唔好亂，搵定地方搬。
出世紙有佢名，但我冇同佢結婚 
可唔可以取消，同埋我想同佢改姓，可以嗎?
報警備案先啦，依家係恐嚇
1個讚
除名呢啲可能要問吓入境處先得喇
就算佢冇同你結婚，有佢名都係法律上嘅父親。
係啦~
比較麻煩
但恐嚇就算報完警你都阻止唔到條友直接上黎搵你地
長遠黎講我諗都係改電話+ 搬去第二區避佢先
趁阿仔未入幼稚園搬會比較易少少
如果可以既你都轉埋工啦
因為你宜家都係驚佢唔知幾時會無啦啦搵你同阿仔
可以出世紙改名，世界上冇話一定要跟個阿爸姓
但生父果欄可唔可以留白?
其實照計係得
好似出世紙有佢名,要個衰男人同意先可以改姓 
1個讚
可以架
如果行失蹤條路就唔好報警,因為報得警就要報到,朋友試過類似CASE,但香港咁細,點收得埋自己同個仔呀…
以我所睇資料
如果bb係非婚生子女，女方係有撫養權，男方係無。
即使帶BB去移民都唔使佢同意。
樓主都係改電話，搬屋去避佢。
3個讚
改名，甚至改姓係可以嘅，搵律師樓整就得㗎啦，但係改名紙記得要跟一世，唔見咗要去民政事務署宣誓。
有親人試過名同姓一齊改。
請問你親人會唔會係夠18歲啦?
因我朋友CASE同樓主一樣,當時佢話只係媽媽同意改唔到,或者係我朋友嫌煩多手續最後唔改?
1個讚
係可以改姓，要搵律師。我朋友類似樓主咁有件廢佬又係無結婚同個男生左個Ｂ。
但出世紙有爸爸個名都可以改? 要唔要經生父同意?
要唔要生父同意?
我親戚係exact same case
父母無結婚，出世紙有爸爸名
後來個媽媽同第二個人結婚，小朋友就改姓跟後父，手續完全唔需要生父簽紙，母親單方可以攪掂晒
另外，無論改名/改姓，將出世紙嘅內容都唔會改變，只係會跟一份改名契，以後就用改名契個名去申請所有嘢