我坐在一旁看兒子把積木一塊一塊地疊高，
在媽媽眼中，孩子砌的疊的拼的，雖然是東歪西倒，但都是大師級作品。
兒子愈疊愈高，我拍手叫好，這時，他想伸手把積木推倒，沙的一聲，積木四散，兒子在笑。
「再美好的事物，都有被毀滅的一天，但沒關係，慢慢再建立就好。」
我這樣跟他說，他笑著點頭。
我不知道這句話他有沒有真的聽懂，純粹想撒下一顆種子，讓他提早知道現實有時是殘酷的，但境不轉心轉，有強大的心就可以熬過。
加油，兒子。
———————————————
「童話裡都是騙人的」
「怪那一位安徒生 故事編寫得太動人」
童話故事在現實發生的機率有多少？我不知道。在自己面對現實的黑暗前，都以為世界是美好的。可是長大後跌跌撞撞，就發現世界不像故事書那麼美好，只有強大自己的心，才能面對一切的不如意…
我不是什麼教育專家，只想抒發一下自己教育的想法，是好是壞希望大家可以一起交流，互相勉勵，加油，強大的媽媽。
年少時，覺得童話故事好好睇。
到年長後，覺得安徒生，格林童話故事好多好恐怖，實屬兒童不宜。
好多邏輯古怪嘅故事 
豌豆公主：阿媽幫仔搵老婆，暴風雨夜晚屋企黎左個女仔求助，床上粒豆居然冇扁冇裂開，張床咁大個女仔都唔會換個位訓。個女仔話訓得唔安樂粒豆搞到脊背有瘀傷，阿媽就好開心即刻安排婚事。
長髮公主：個王子咁重扯唔斷頭髮都扯斷條頸。仲要個王子爬左上去之後同個女仔偷嚐禁果搞大肚
小朋友係純真，童話故事都係比佢地唔好太快睇到呢個殘酷既世界。
其實做家長可以講解現實無可能發生。
到大左，再有思考有想判斷，就會明白童話故事唔會係現實中出現或發生自己身上。
任何類型既故事都係培養閱讀興趣同創作，無呢啲童話故事，又點會有呢家既惡搞故事。
以前有本書叫令人戰懍的格林童話
唔知係咪真版本 真係好恐怖
狼與7隻小羊其實都好嚇人 劏開隻狼個肚救羊仔出黎又放石頭入去縫番
呢個故事係教訓人千祈唔好得罪呀媽 
係呀 邊講故仔邊解釋 有太多好唔合邏輯
但當中都會有野學到 當反面教材 
我依家每次煮雪藏青豆，就諗起呢個故事。
我係睇普通版。有好多故事都好血腥。
例如：十二兄弟
小紅帽，樵夫救左婆孫後，隻狼痛到標淚走左。
根本正常婆孫係死左，仲點會係狼個肚叫到救命俾人救番出黎。而隻狼被人劏完肚仲點會仲識走。
灰姑娘我細個睇嘅版本，2個家姐試著玻璃鞋時俾阿媽斬腳趾腳跟
當年睇嘅係薄薄一本新雅版
大個之得返啲清水版
基本上我唔會干擾小朋友嘅創意，佢哋畫畫畫到點，我都只會話畫得好好、畫得好靚。
我3歲時要畫圖畫返學，喺屋企油到d 人五顏六色咁，俾阿媽鬧完一輪要重新油返肉色。第二日返學我見到其他同學都係油藍色、紫色⋯⋯我勁唔開心。如果人人都淨係油肉色先啱，就唔會有亞凡達呢套戲。
我次次同啲比較年紀大嘅小朋友講故事最後嘅教訓都係搞笑
三隻小豬：唔好爬煙通，瘦嘅人會 dum 一聲跌落煲熱水/火，肥嘅人就會塞住出唔返黎
白雪公主：唔可以同七個男人一齊住，佢哋間屋肯定好污糟，你就要做工人幫佢哋執屋
睡公主：畀陌生男人連名都唔知就吻醒，第一時間應該打佢一把然後打電話告佢性騷擾
國王的新衣：出街一定要著衫
灰姑娘：唔啱著嘅鞋，記得叫 sales 攞返個尺碼啱嘅
美女與野獸：唔好問爸爸媽媽買禮物，否則返到屋企就會送你去同野獸住
係呀 唔好限制佢地想像力 多鼓勵同陪佢地一齊做 大家都係個學習
媽媽同時都發揮緊自己既創意 
當時睇好多好震撼既情節 真係唔知點解會變左俾兒童睇
同埋想帶出既係想教導兒子面對挫敗既勇氣同態度，俾佢知唔係樣樣都咁美好，俾啲心理準備佢將來去面對 
我細個好鍾意睇安徒安同格林童話，同一故事不同出版社都會睇，其實好詭異。
係，仲要有啲好變態
唔同出版社譯文不同，所以我全部都睇。
個陣 tvb都有格林童話，最鐘意睇，其實畫面同首歌都詭詭地
我記得之前話睡公主入面個王子其實有戀屍癖