小朋友想學唱歌，係咪去琴行個啲學？
有邊間比較好？
合唱團個啲？
有啲咩葉氏同兒童合唱團之類？
我有聽過小朋友既同學仔有去
不過唔知好唔好
合唱團會唔會好難入？
我做家長感覺比較鍾意合唱團。
2個讚
我好似聽過朋友講係等/排/考之類先可以入
但難唔難我真唔知
基本上所有合唱團或音樂劇團都要試音，但香兒應該係最難入。
你小朋友幾大？係咪想學美聲、還是就敢玩吓？
5歲，無接觸過音樂。
我想佢學樂器，但佢無樣鍾意想學。
就對唱歌無反感，所以想搵唱歌俾佢學。
明白，我再睇多啲資料。謝分享。
1個讚
咁佢可以試吓玩合唱團先，不過未必個個小朋友鍾意返合唱團，我仔細讀幼稚園時有玩通利兒童聲樂團及香港兒童音樂劇團，升小學後佢要求放棄合唱團，理由係每堂都要企個幾鐘好辛苦喎，寧願玩音樂劇冇咁悶
我小朋友細個有玩熊熊兒童合唱團
坐係度上堂，幼稚園level其實都似學校玩唱遊
每年一次內部音樂會同一次公演
疫情佢變網課之後就無玩
不過佢都主打幼稚園，小學少好多班。
大台都鍾意搵佢地幫手，不過都係小學果堆