純呻下
…….
公司拍住做野同事我忍左佢好耐，頂佢唔順
-
人前人後2個樣，背後話過好多人是非，起果個人面前又可以扮friend
-
吹水自己識好多野，又心理學，又彈琴，又日文，仲話自己睇到鬼
當然係得個吹字 -
自己無小朋友日日都搬個姪仔出黎，仲話咁辛苦搵錢為左供姪仔讀書，講到自己好偉大，日日咁聽真係想嘔
-
勁大脾氣，我filing 個folder塞厚左都想殺左你咁，語氣差又啤住你，仲有好多……唯有唔出聲
呻完佢40幾老屎忽應該唔會走，呢個時勢番工唯有忍下
以前番工接觸太多呢類人。
係咪當練EQ
如何平衡自己心理……
剛剛出來工作你有冇嚇怕，不要留下陰影
1，2，3都唔洗理，左耳入右耳出
搵機會佢一講「廢話」就閃人，唔洗聽
焗聽既咪「哦！係啊！係咩？哈哈」完結，唔洗放咩感情回應
第4就有啲問題喇，因為要受氣
佢啤你你問下佢對眼冇事啊嘛？工作係咁多就自然folder都會厚啲架啦！佢唔鍾意，你就誠懇啲問佢「叫公司買啲大啲folder好唔好？」
佢越嬲你就要越表現開心同當睇唔到佢
等佢自己一個嬲死佢最好
4個讚
以前番工都有唔開心，有喊。
覺得無論點努力都係同佢哋夾唔到。
媽咪成日都話番工番得唔開心一分鐘都會覺得好難過。
我成日提住自己，我番工只係為咗賺錢，總之夠鐘打卡走。
1個讚
多謝你比建議我，
尋日我同佢有小事誤會我問左佢一句‘唔駛發脾氣呀’ 佢放工走去搵經理發晒脾氣
我都係忍，到時忍唔住咪起公司大喊一場
我都係咁諗，同事唔會當朋友，真係放工即走
我聽人講到派散水餅當做左場法事
1+4 係煩d
2+3 反眼就算
朋友都係分程度
啱傾咪傾多句
風花雪月都ok
“你有冇行過新果間donki呀？”
“早幾日去果欄好多人買日本桃丫”
佢去搵經理發脾氣定講你壞話先？
外人唔好太上心喇
，唔值得喊
如果係誤會更加唔會食死貓，會大大聲講係發生咩事！
我自己就會串佢發花癲喇，不過睇下你想同佢保持咩關係囉，如果唔想反面又唔識應對就可避側避！
面對佢做野更加要小心全面，唔好比機會佢入位！
我自己都試過好明白，
真係太影響情緒，
攪到成日喊就辭職拉。
東家唔打打西家嘛。
講壞話，趁我放左工，我拎漏野番上公司當面撞破
我個位之前半年走左4個新人，我覺得自己EQ都算高，我忍係因為覺得出聲先會比公司覺得你攪事，如果喊返而有人同情
嘩咁都幾惡頂下
但你覺得
除左呢位港女同事
仲有無咩原因導致你上手走得咁快?
撇除呢個麻煩同事
如果儲夠年資
都可以考慮一下騎牛搵馬
唔需要為忍而忍
我知好難，但試下抽一抽身當自己係第三者睇返件事
其實「幾好玩」：撞破左佢講壞話，佢一定怯過你，尷尬到核爆，the shame is on her not on you
之後見親佢，唔好怕醜，講乜都望實佢雙眼，見識下一個人無恥之心可以去到幾盡、睇佢心虛個樣，加埋姪佢一兩句風味更佳
如：（交帶普通野）你唔會同返XxX (上司）講架可？
停頓 （有咁老尷得咁老尷）
（應機之前）講！笑！咋！hahahahahah （轉身走）
所有野都係一種經歷，笑看人生
識笑會發現好多人、事都好好笑
最高境界係完全唔理又心如止水
加多句：勿忘初心，唔好比依班人影響左你做人既原則
The world is fucked up, so as the people!!!
But at least, we’re not!
2個讚
該主題在最後一個回覆創建後30天后自動關閉。不再允許新的回覆。