我幾星期前比前妻通知要離婚
雖然佢講左好多原因(藉口) ，但離婚的導火線係佢同 同事過夜，一齊左
我咁多年對佢無微不至咁照顧，佢都承認冇人會比我對佢更好
但對住我冇左愛情就要離開我
雖然情緒好快平伏，善後工作都好快搞掂，甚至一星期內已經唔會再諗住呢個人
但一路冇辦法釋懷，全心全意去照顧老婆，開支我比哂，家務我做埋
結果係被背叛，唔係憎佢，係果種點解我要受咁的對待的諗法，一路都離唔開
8個讚
兄弟好快同你一樣，人要變總會好多籍口嘅。。。不過自己都要反省，自己以為好嘅其實唔一定好，我都係得朋友同家人提醒至知自己嘅不足，要反省下。。。
不過你哋仲一齊住？同埋有冇小朋友？有就會煩d，因為仲要同對家聯絡，感覺好討厭。。。
好慶幸冇小朋友，兩隻貓繼續跟我住
本來兩隻貓就親我多
佢夜晚電話講離婚，第二日已經上黎搬野走
我一次都冇再見過佢，但離婚簽字果日應該會見到面
上世欠左佢，今世還清喇，就當係天意，可能上天會俾你遇到個更好嘅！
7個讚
咁你咪好囉，我仲要對住佢呢，仲要有個5歲女。。。
呢個真係好討厭，唔想同對方講任何野的感受，我明
佢搬野走果晚，臨訓其中一隻貓係床望住我流左幾滴眼淚，寵物都有人性過我前妻
6個讚
不過你仲有一度好，快手搞掂，雖然起初痛苦尐，我就已經幾年，由痛苦變麻木，只想佢快尐從我日常生活，甚至我人生中消失。。。
我處事係冷靜到唔正常的，要做的野一定會繼續做
工作都冇因為咁而放過假
件事發生左一星期已經可以同fd去打牌
我試吓用女人嘅角度去吹下水，可以有好多原因，當然唔一定係你老婆個d原因。
-結咗婚幾年，點解冇小朋友？女人基本上上有小朋友都冇乜時間搞婚外情，更加唔洗講扮靚
-你係佢老公，tum 下老婆比下surprise 講下sweet野已經夠，最重要女人要男人聽佢講下野分享下，唔係expect你幫佢解決同分析，我個個都學左好耐就知基本上佢哦哦哦已經滿足左個有人傾訴嘅心願，你係冇必要做埋呀四，咁樣你太種佢，冇嘢要負責任，包括個婚姻
-佢嫁比你個時，會唔會貪你揾到錢唔係真係好愛你？
-如果後生會貪新鮮，呀同事又比你識tum人，或者比你揾得多就走佬。咁你離婚係放過自己。
-仲有，你床事得唔得
你做好你自己，要有個更幸福既家庭，就會好快過。離婚既男人好易搵過第二頭家，離婚既女人係好難亦9成冇之前咁幸福，所以你係冇需要傷心。
6個讚
加油 因為你值得更好 更好既女人係未來等緊你 而你當兒家上一堂
睇你的描述，你對佢感情都好淡，只是不甘心。
講真，雙方都有責任嘅。。。
我嗰個佢初初有咗仲唔想要㖭。。。一來冇乜錢啦。。。但最重要係佢生咗之後覺得有小朋友令佢冇自由。。。唔係個個咁有母愛㗎。。。
又唔一定嘅，佢應該只係好理性嘅人嚟。。。
我嗰個都話我理性到冇人性㗎啦（佢自己話）。。。
我老婆初戀已經係我，佢自己講離婚果時喊到仆街，佢初戀可以去到結婚，而佢自己破壞哂所有野，我反而冇咩感覺
香港的環境，你都明生細路出黎就係玩9佢
本身係講左移民之後就生 (只要佢肯走，我好容易就可以移民，工作關係)
可能一直都係我單方面去付出，所有野佢覺得太理所當然，包括比surprise
床事呢方面，呢個我從來唔懷疑，唔會吹到好大，但一定滿足到佢
感情唔淡，只係我由以前開始，對自己的要求係
我永遠愛佢，直到佢唔愛我
我自己好重視責任，老公有老公的責任，老婆都係
咁佢做唔到佢的責任，就即係唔係老婆，係陌生人
我點解要記住陌生人
2個讚
係咪處女座？
因為佢未試過其他男人，所以想試，同男人一樣。所以我話男人唔好貪呢啲，女人都會貪新鮮。
拿我自己就係老公初戀，一齊耐左有時會幻想試吓其他人係點，純諗下都係好正常，如果咁啱有機會就大穫。不過呢啲嘢，已經唔會再出現，諗都嘥時間，因為當你有小朋友，係另一回事。生仔真係唔好諗太多，諗下諗下你係唔會再想生，生左之後你係會覺得點解唔早幾年生。至於日後，有機會一家人移民或外國讀書都好正常。
不過聽你講，其實有冇問過自己係咪真心愛佢定因為責任？會唔會佢都feel? 嫁人係要搵個愛自己關心自己，唔係搵個老豆負責起居飲食咁樣，仲有好怕有d一言堂既男人。
Anyway當吹下水，加油
3個讚
妳重視小朋友啫。。。
1個讚
no，天秤
講公平喎都