上星期6 食完早餐, 就去打第1針上午BIONTECH, 過程中完全無問題. 響場地休息左30分鐘返屋企.
中午訓左2小時, 起身食左件西多, 無發燒.
我有高血壓, 胃一向麻麻地, 壓力大會痛, 其他身體正常.
黃昏時間, 突然胃痛 (馬上食胃藥), 跟住…開始 胃抽筋, 呼吸困難, 手腳麻痺, 心痛, 出冷汗, 呢種痛…大約持續左10分鐘, 最後頂唔順, CALL左白車, 亦講明早上打左疫苗.
救護人員好快就到左…好多人… 好多人入左我屋企… 量血壓時我開始唔痛… 救護員覺得可能係果一下對疫苗有反應, 過左就無事…
佢地問我要唔要入院觀察, 我反問, 入院會做D咩, 佢地答我, 應該會留院一晚觀察, 無咩可以做.
而最近我屋企既醫院一向口碑極差.
最後我決定自簽唔去醫院, 亦同救護人員講唔好意思驚到動佢地… 但當時真係太痛, 我只可以響床到碌, 行都行唔到所以先CALL白車.
之後呢幾日都正常…無問題…
第2針我自己改左延後一星期先再打… 我仲考慮緊究竟應唔應該打第2針…
我第二針就係呢個反應，最後公立醫生就係開兩粒止痛餅。
下次打針之後即刻食退燒同止痛。
之前有個topic講過,所有武肺疫苗都有棘刺蛋白,呢樣嘢係會攻擊血管,而後果就會係引發心血管疾病
今日啱啱先有單話健康35歲男人打完幾星期後就爆血管過身,但冇通報,因為隔得太耐,係家屬不滿先話俾報紙聽…但其實仲有幾多呢啲case冇人知
真係好唔想打,但係為咗返工,我地又可以點…
我個胃中醫話算弱弱哋，咁我兩針都係4:00鐘打針，打完 15 分鐘後開始覺得好肚餓，明明 Lunch hour 都食得好飽先出發去打針，另外兩針後幾日都係好早就頂唔住9點就上咗床瞓
你都係胃痛?
我D同事都話無理由關個胃事…
我今早都睇到…我有D驚…
果日既痛, 我真係覺得自己個胃會爆一樣既痛…好可怕…
打完嘅夜晚有少少，不過都發燒又發冷，第二日就真係抖氣痛，似心痛又背痛。
我血壓偏低，痛到我去醫院上壓都接近 150，下壓都破百，平日我冇咁樣。不過醫生見我地冇敏感，冇死得人嘅病，都係一律話「正常反應」，開止痛餅等驗血照 X 光都起碼等 5-6 個鐘。
我第1針已經咁, 第2針點算…
咁係咪一打完就食胃藥同PANADOL?
我有高血壓仲控制得麻麻，聽完你地D經歷咁恐佈，更加唔敢打
咁你打第一針嘅原因係咩？
你咁樣不如唔好打第二針 or 隔耐D先打
我加拿大親戚話佢哋係隔6－8weeks 先第二針，唔明點解香港21日就得
我今日特登請假同好耐無見的朋友食飯, 佢係公務員, 佢話佢同事打完中左風. 跟住我即刻話唔怪得之有啲黃都打4兄.
不過我仍然堅持勸人打BIONTECH.
第一針絕對有影響M嘅時間表同流量，第二針就攰啲，打完2日只可以限時活動，保持短時間活動後充電，而家已經可以打老虎了
其實食退燒藥會減低支針既效力，如果忍到，最好忍住唔食
醫生如果聽見病人講 心/肺/胃痛
呢幾隻痛嘅感覺都好易撈亂
可能病人覺得自己知係乜嘢痛
但神經線嘅嘢…話唔埋
我打完2星期後生蛇… 明明我好後生
第一針早上八點打，打完下午少少眼瞓，瞓咗個晏覺一小時，平時冇瞓晏覺習慣。夜晚照做半個鐘，爆汗帶氧運動，一切及飲食胃口正常，冇其他任何不適。到夜晚打針口有腫痛，瞓到半夜一轉身壓到針口，即感覺腫痛轉番另一邊。
第二針下午五點打，因上網見人話，打針後用按摩軟膏，捽下打針針口位，就會冇咁腫痛。返到屋企渣渣淋，先搽特效喜療妥及按摩幾分鐘，之後再捽含有薄荷成份軟膏，當晚瞓覺都有少腫痛，但同上次比大約得兩成，慶幸今次亦無其他唔舒服。 
好彩，我打完兩針咩事都無
針口少少痺痛都冇?
